Marko 12
12
E prispodoba pale bilačhe vinogradarja
1Askal o Isus počnisardas te ćerel lenđe svato ande paramiča sago kaj si akaja: “Jek manuš zasadisardas vinograd, ogradisarda les e ogradava, hanadas ande leste than kaj gnječilape e drak, thaj vazdas stražarsko kula. Askal o vinograd iznajmisardas e vinogradarenđe thaj đelotar dur. 2Kana avili e vrjama pale berba, bičhaldas pire slugos te lel katar e vinogradarja o deo katar e drak savi pripadil lešće. 3Ali e vinogradarja astardine e slugos, mardine les thaj tradine les palpale čuče vastenca. 4O gospodari e vinogradesko bičhaldas aver slugos. Ali e vinogradarja pharadine lesko šoro thaj ladžardine les. 5Askal bičhalda vi e trito slugos, ali les mudardine. Bičhaldas lenđe vi bute e aver slugen, ali e vinogradarja jećhen mardine a averen mudardine. 6Thaj ačhilo les samo još jek: lesko volime čhavo. Po krajo bičhaldas vi les, kaj gindisarda: ‘Mungre čhave sigurno poštuina.’ 7Ali kana e vinogradarja dikhline les phendine jek avrešće: ‘Akava si o nasledniko. Hajde te mudaras les, thaj o naslestvo ačhela amenđe.’ 8Astardine les, mudardine les thaj lesko telo čhudine avri andar o vinograd. 9So akana ćerela o gospodari e vinogradesko? Avela thaj mudarela godole vinogradaren, a o vinograd dela ando najam aver vinogradarenđe. 10Sigurno čitosardine ando Sveto lil akava:
‘O bar savo e zidarja odbacisarde
postanisarda bar e temeljesko.#12,10 Ando orginali ramol: “zaglavno bar”
11O Gospod godova ćerdas,
thaj čudesno si ande amare jakha’?”
12E židovske vođe askal rodenas način sar te astaren e Isuse kaj džangline kaj si godoja paramiči namenime lenđe. Ali daranas katar o them. Andar godova đeletar thaj mukline les.
O Isus ćerel svato palo porez
13Pale godova e židovske vođe bičhaldine ko Isus varesave farisejen thaj e Irodešće manušen te šaj optužin e Isuse kaj phenda vareso bilačhe. 14Von avile leste thaj phendine: “Sikamneja, džanas kaj tu mothos o čačipe, thaj kaj naj san pe khonikašći rig niti dićhes ko si ko, nego čačipeja sikaves e theme palo drom e Devlesko. Dali amen e Židovurja trubul te das e carošće o porez ili či trubul? Dali te poćinas o porez ili te či poćinas?” 15A o Isus džangla kaj si licemerne thaj phenda lenđe: “Sostar kamen te crden man ande tumari zamka? Anen manđe e kovanica savjava poćinen o porez te dikhavla thaj phenava tumenđe.” 16Andine leste e kovanica, a vo phučla len: “Kasko si akava šoro thaj natpiso pe kovanica?” A von phendine lešće, “E carosko.” 17Askal o Isus phendas lenđe: “Den e carošće so si e carosko a e Devlešće so si e Devlesko.” Pe godova von zadivisajle lešće.
O Isus sikavel palo uštipe andar e mule
18Askal avile ko Isus varesave sadukeja save phenen kaj naj uštipe andar e mule, thaj phučline les: 19“Sikamneja, o Mojsije ramosardas amenđe te mulo varekasko phral thaj mućel e romnja, a nas len čhavra, lesko phral trubul te oženilpe godole romnjasa sar voj bijandasas čhaves savo avela nasledniko e mulesko thaj te inđarel lesko prezime. 20Sas gajda efta phrala. O prvo phral oženisajlo thaj mulo, a nas les čhavra. 21Askal o dujto phral oženisajlo lešće udovicava, ali vi vo mulo, a či muklas čhavren pale peste. Isto dogodisajlo vi e trito phralešće. 22Thaj ni jek katar e efta phral či mukla pale peste čhavra. Po krajo muli vi e romnji. 23Thaj kana e manuša uštena andar e mule, kašći romnji voj avela? Kaj, sa e phral sas oženime isto romnjasa.”
24O Isus phendas lenđe. “Ande zabluda sen, pale godova kaj či haćaren o Sveto lil ni e Devlešći sila. 25Kaj, kana e manuša uštena andar e mule, či ženinape niti udainape, nego avena sago e anđelurja ando nebo. 26A palo uštipe andar e mule, sigurno čitosardine ande Mojsiješći knjiga, kaj ramol palo okova grmo, kana o Del phendas e Mojsiješće: ‘Me sem o Del e Avraamesko, e Isakosko thaj e Jakovesko’, save dumut muline. 27A o Del naj o Del e mulengo, nego o Del e džudengo. Tumen sen prema godova ande bari zabluda.”
O Isus sikavel savi si majvažno zapovest
28Varesavo sikavno e zakonesko avilo thaj ašundas lenđi rasprava. Kana dikhlas sar o Isus lačhe phendas lenđe, phučla les: “Savi si majvažno zapovest katar sa e zapovesti?” 29O Isus phenda lešće: “Majvažno si akaja: ‘Ašun, Izraele, o Gospod amaro Del si jedino Del. 30Voli e Gospode, ćire Devle, saste ćire ileja, ćire saste dušava, ćire saste gođasa thaj ćire saste snagava.’ 31A dujto si zapovest: ‘Voli ćire pašutne sago korkoro tut.’ Naj majbare zapovesti katar akala duj.” 32O sikavno e zakonesko phenda lešće: “Lačhe phendan, sikamneja. Si tut pravo kana phenes kaj si samo jek Del thaj kaj naj aver osim leste.” 33Te volis e Devle ćire saste ileja, saste gođasa, saste snagasa thaj te volis ćire pašutnes sago korkoro tut, majvažno si katar sa e žrtve paljenice thaj katar sa aver žrtve. 34Kana o Isus ašundas sar o manuš mudro ćerel svato, phendas lešće: “Tu najsan dur katar e Devlesko carstvo.” Katar godoja vrjama khonik majbut či usudisajlo khanči te phučel les.
O Hristo si e Davidesko Čhavo thaj lesko Gospod
35Kana o Isus sikavelas e theme ando Hramo, phučla len: “Sostar e sikavne e Mojsiješće zakonestar phenen kaj si o Hristo samo čhavo e carosko Davidesko? 36Korkoro o David pherdo e Sveto Duhosa, phenda:
‘Phenel o Gospod mungre Gospodešće:
Beš pe mungri počasno desno rig
dok či čhav ćire dušmajen tale ćire pungre.’
37Ako o korkoro David akharda e Hristo pire Gospodeja, sar askal šaj o Hristo te avel lesko potomko?” A o but o them oduševime ašunelas les.
O Isus upozoril pire učenikonen pe zakonešće sikavne
38Dok sikavelas len, o Isus phenda lenđe: “Len tumen sama katar e sikavne e zakonešće. Von volin te o them dićhel len ande kuč ogrtačurja thaj te o them časno pozdravil len pe trgurja. 39Volin te bešen pe počasne thana ande sinagoge thaj pe gozbe. 40Von čoraren e udovicenđe ćhera thaj godova učharen gajda kaj lungo molinpe e Devlešće. Pale godova avena kaznime majbut katar sa aver.”
E čori udovica ando hramo
41Pale godova o Isus đelo thaj bešlo ando hramo dži ke kutija kaj ćidenaspe e love thaj dićhelas sar o them čholas ande late love. A e but barvale manuša čhonas but love. 42Askal avili jek čori udovica thaj čhuta andre duj bakarne lovora save vredinas zurale cara. 43Askal o Isus akhardas peste pire učenikonen, thaj phenda lenđe: “Čače phenav tumenđe: akaja čori udovica čhuta andre majbut love nego savora aver. 44Kaj, savora von dine katar piro viško, a voj gajda čori dijas sa so sas lat.”
Currently Selected:
Marko 12: RČB
Highlight
Share
Copy
Want to have your highlights saved across all your devices? Sign up or sign in
