Matej 24

O Isus sikavel so avela

1Kana o Isus inkljisto andar o Hramo thaj teljarda majdur, avile leste lešće učenikurja thaj sikadine lešće e hramošće zgrade. 2A o Isus phendas lenđe: “Dićhen sa akava? Čačes phenav tumenđe, či ačhela katar akava ni bar pe bareste. Svako avela harado.”

O Isus sikavel pale početne nevolje save avena

3Kana o Isus bešelas pe Maslinsko gora, lešće učenikurja avile leste pe rig thaj phendine lešće: “Phen amenđe kana o hramo avela harado thaj savo avela o znako kana palem aveja thaj kana avela o krajo e themesko.”

4O Isus phendas lenđe: “Len sama te či vareko hohavel tumen, 5kaj but avena ande mungro alav thaj phenena: ‘Me sem o Hristo’ thaj e buten hohavena. 6Kana ašunena pale raturja thaj kaj ćerelpe svato pale raturja, na te uznemirin tumen kaj godova moraš te dogodilpe, ali godova još naj o krajo. 7Zaratila o them protiv o them thaj o carstvo protiv o carstvo. Avela potresurja ande but e krajurja e themešće thaj zavladila e bari bok. 8Sa godova si samo o početko e bare mukengo sago kaj si e romnja kana trubul te bijanel.

9Askal predaina tumen te aven mučime thaj mudarena tumen, a zbog mande sa o them mrzala tumen. 10Thaj but o them askal hasarela o paćipe thaj jek avren izdaina thaj mrzana. 11Avena e but hohamne prorokurja thaj hohavena e bute manušen. 12Zbog o baro bezakonje e butenđi ljubav šudrola. 13Ali ko god ačhel verno džiko krajo avela spasime. 14E bahtali nevimata palo Carstvo nebesko propovedilape pe sasti phuv sago svedočanstvo sa e themenđe, a askal konačno avela o krajo.

15A kana dićhena ‘e grozota savi anel uništenje’ pale savo phendas o proroko Danilo, kaj ačhel po sveto than ando Hramo (ko akava čitol neka svatil) 16askal okola save si ande Judeja neka našen ande gore. 17Thaj ko araćhelpe po ćher, neka či fuljel tela ando ćher te lel vareso! 18A ko araćhela pe ande njive, neka na boldelpe ćhere te lel o ogrtači! 19Teško e khamne manušnjenđe thaj okolenđe save den čuči e čhavren ande godola đesa. 20Molin tumen e Devlešće te tumaro našipe či avel ando ivend ili ando savato. 21Kaj askal avena gajda strašne nevolje save nas katar o postanko e themesko, niti varekana avena. 22Kana godola đesa či harnjardinesaspe khonik či ačhilosas džudo. Ali zbog okola saven o Del izabirisardas, godola đesa avena harnjarde.”

O Isus phenel pale vrjama kana boldelape

23O Isus majdur phendas: “Ako vareko askal phenel tumenđe: ‘Ake, o Hristo si akate!’ ili: ‘Eketalo, kote si!’, na paćan. 24Kaj avena e hohamne hristurja thaj e hohamne prorokurja save ćerena čudesne znakurja thaj čudurja sar hohadinesas, ako si moguće, čak vi okolen saven o Del izaberisardas. 25Ake, anglal upozorisardem tumen. 26A, te phendine tumenđe: ‘Ake, o Hristo si ande pustinja’, na džan okote. Ili ako phenen: ‘Aketalo ande tajne sobe’, na paćan lenđe. 27Kaj avela očito sago kana e munja sevnil katar o istoko thaj zasvetlil sa džiko zapado, gajda avela vi kana me, o Čhavo e Manušesko, avava. 28Godova avela očito sago kaj ćidenpe e lešinarja okote kaj si o mulo telo. 29A odma pale nevolje godola đes,

‘O kham kaljola,

thaj o čhonut majbut či sijola,

e čereja perena katar o nebo,

thaj e nebeske sile avena uzdrmome.’

30Askal po nebo sikadola o znako e Manušešće Čhavesko. Thaj sa e plemenurja pe phuv marena pe ando kolin thaj rovena kana dićhena man, e Čhaves e Manušešće, sar avav pe nebeske oblakurja, e silava thaj e bare slavava. 31Thaj bičhalava mungre anđelen e glasno trubasa thaj von ćidena okolen saven me losardem katar sa e štar riga sa e themešće, katar jek krajo dži ke aver krajo nebesko.

32Sićon katar e smokva. Kana laće krandže kovljon thaj mućen pešće patrja, džanen kaj paše si o milaj. 33Gajda vi tumen kana dićhen sa akala događaja, džanen kaj si vo paše anglo vudar. 34Čačes phenav tumenđe: Akava naraštaj či naćhela dok sa akava či avel. 35O nebo thaj e phuv naćhena, ali mungre alava či naćhena.

36A pale godova đes thaj pale godova sato khonik khanči či džanel kana godova avela, ni e anđelurja po nebo, ni o Čhavo, nego samo o Dad. 37Sago kaj sas ande Nojašći vrjama, gajda avela kana avava me, o Čhavo e Manušesko. 38Baš sago ande okoja vrjama, majsigo nego so sas o potop, e manuša hanas, pijenas, ženinaspe thaj udainaspe sa džike okova đes kana o Noja dijas ando baro brodo, 39thaj khanči či haćardine so avela džikaj god či avilo o potop thaj sa inđarda len, gajda avela vi kana avela o Čhavo e Manušesko. 40Askal avena duj džene pe njive jek lelape, a aver mućelape. 41Duj manušnja ando mlino meljina o điv, Jek lelape, a aver mućelape.

42Zato aven džungade thaj len sama, kaj či džanen savo đes avela tumaro Gospod. 43Ali akava džanen: te o domaćino džanglasas ande savi vrjama e raćaći avela o čor, avilosas džungado thaj či muklasas te o čor provalil ande lesko ćher. 44Pale godova vi tumen aven spremne, kaj me, o Čhavo e Manušesko, avava ando časo kana či očekuin man.”

O Isus ćerel svato e paramiči palo paćivalo thaj bipaćivalo sluga

45“Paćivalo thaj mudro sluga si okova saves o gospodari čhuta pe sa aver sluge te del len habe ande pravo vrjama. 46Blago godole slugašće saves lesko gospodari, kana avela, araćhel kaj ćerel gajda. 47Čačes, phenav tumenđe, o gospodari čhola godole slugone te upravljil lešće saste barvalipeja. 48Ali te o bilačho sluga phenel ande piro ilo: ‘Mungro gospodari či avela gajda brzo’, 49thaj počnil te marel e aver slugen thaj hal thaj pijel e matarnenca, 50avela lesko gospodari ande godova đes kana vo či ni gndil thaj ando časo kana vo či ni džanel, 51thaj strogo kaznila les thaj odredila lesko than maškar e licemerja, okote avela o roipe thaj o škripipe e dandenca.”

Currently Selected:

Matej 24: RČB

Highlight

Copy