Jovano 8

O Isus jartol e bezehale manušnjaće

1A o Isus đelo pe Maslinsko Gora. 2Ande detharin palem boldape ando Hramo. Sa o them ćidape oko leste. Vo bešlo thaj teljarda te sikavel len. 3A e sikavne e Mojsiješće zakonestar thaj e fariseja andine jećhe manušnja savi sas astardi ando preljub thaj čhutine lat maškare anglo them. 4Askal phendine e Isusešće: “Sikavneja, akaja manušnji si astardi kana ćerdas preljub. 5O Mojsije ando zakon zapovedisardas amenđe te kasave manušnjen mudaras gajda kaj čhudasa bara pe lende. So tu phenes pe godova?” 6Godova phučline te iskušin les, sar avilosas len vareso pale soste te optužin les.

A o Isus samo banđilo thaj teljarda te ramol vareso e najesa pe phuv. 7Ali, sar von vi majdur phučenas les, o Isus uspravisajlo thaj phendas lenđe: “Ko tumendar nikada či ćerdas bezeh, neka prvo čhudel o bar pe late.” 8Askal palem banđilo thaj nastavisardas te ramol pe phuv.

9Kana godova ašundine, teljardine te džantar jek po jek; e majpurane đeletar prve. Po krajo o Isus ačhilo korkoro e manušnjasa savi još uvek ačhelas angle leste. 10Askal o Isus uspravisajlo thaj phučla lat: “Manušnjije, kaj si akala? Zar khonik či osudisarda tut?”

11A voj phendas: “Khonik, Gospode.”

Askal o Isus phendas laće: “Ni me či osudiva tut. Dža thaj katar akana na ćer majbut bezeh!”]

O Isus si svetlo e themesko

12O Isus palem phendas e themešće: “Me sem svetlo e themesko. Ko džal pale mande, nikada majbut či phirela ando tunjariko, nego avela les svetlo e trajosko.”

13Askal e fariseja phendine lešće: “Tu korkoro pale tute svedočis. Ćiro svedočanstvo naj dovoljno!”

14A o Isus phendas lenđe: “Čak vi ako svedočiv korkoro pale mande, mungro svedočanstvo si dovoljno, kaj džanav katar avilem thaj kaj džav. A tumen či džanen katar avilem ni kaj džav. 15Tumen sudin sago kaj e manuša merin, a me či sudiv khonikašće. 16A vi ako sudiv, mungro sudo si čačo, kaj najsem korkoro, nego sudiv e Dadesa savo bičhalda man. 17Pa vi ande tumaro zakono ramol kaj kana duj džene svedočin o svedočanstvo si dovoljno. 18Me svedočiv pale mande, a pale mande svedočil vi o Dad savo bičhalda man.”

19Pa von phučline les: “Kaj si ćiro Dad?” A o Isus phendas: “Tumen či pindžaren ni man ni mungre Dade. Kaj te džanglinesas ko sem me, džanglinesas vi ko si mungro Dad.” 20O Isus sa godova phendas paše kutijice kaj ćidenaspe e love dok sikavelas e manušen ando Hramo, thaj khonik či astarda les kaj lesko časo još či avilo.

E Židovurja phučen e Isuse ko si vo

21O Isus palem phendas lenđe: “Me džavtar, a tumen rodena man thaj merena ande tumaro bezeh. Kaj me džav, tumen naštik aven.”

22Askal e Židovske vođe phendine: “Te či kamel te mudarelpe kana phenel: ‘Kaj me džav, tumen naštik aven’?”

23A o Isus askal phendas lenđe: “Tumen sen akatar tele, katar e phuv, a me sem opral, andar o nebo. Tumen sen katar akava them, a me najsem katar akava them. 24Zato phendem tumenđe kaj merena ande tumare bezeha. Ako či paćan kaj Me sem, merena ande tumare bezeha.”

25Von phučline les: “Pa ko san tu askal?”

A o Isus phendas lenđe: “Pa so katar o početko phenav tumenđe. 26But godova šaj phendemas pale tumende pe tumari osuda. Ali me e themešće phenav samo okova so ašundem katar okova savo bičhalda man, a vo phenel čačipe.”

27Von či haćardine kaj phenel lenđe palo Dad.

28Askal o Isus phendas lenđe: “Kana vazdena man, e Čhaves e Manušešće, askal džanena kaj Me sem thaj kaj či ćerav khanči korkoro mandar, nego kaj phenav samo okova so o Dad sikada man. 29A okova savo bičhalda man, manca si. Či mukla man korkoro kaj me uvek ćerav okova so si lešće drago.”

30Dok o Isus godova phenelas, but džene paćaine ande leste.

O Isus thaj o Avraam

31Askal o Isus phendas e Židovenđe save paćaine ande leste: “Ako tumen inćaren mungro sikavipe, čače sen mungre učenikurja. 32Pindžarena o čačipe thaj o čačipe oslobodila tumen.”

33A von phendine lešće: “Amen sam e Avraamešće potomkurja thaj nikada khonikašće či robuisardam. Sar askal tu phenes: ‘Avena slobodne’?”

34A o Isus phendas lenđe: “Čačes, čačes phenav tumenđe: svako ko ćerel bezah, robo si e bezehesko. 35O robo či ačhel zauvek ando ćher savo služil, ali o čhavo zauvek pripadil ando ćher. 36Ako o Čhavo oslobodil tumen, askal čačes avena slobodne. 37Džanav kaj sen e Avraamešće potomkurja, ali tumen ipak kamen te mudaren man, kaj či prihvatin mungro sikavipe. 38Me phenav tumenđe pale okova so dikhlem ke mungro Dad, a tumen ćeren okova so ašundine katar tumaro dad.”

39A von phendine lešće: “Amaro dad si o Avraam.”

A o Isus pe godova phendas lenđe: “Te tumen čače avilinesas e Avraamešće čhavra, ćerdinesas okova so ćerelas o Avraam. 40A tumen akana kamen te mudaren man, zato kaj phendem tumenđe čačipe savo ašundem katar o Del. O Avraam gajda vareso či ćerelas. 41Tumen ćeren okova so ćerel tumaro dad.”

Von phendine lešće: “Amen naj sam čhavra save či džanen ko si lengo dad. Amen si samo jek dad – o Del!”

42A o Isus phenda lenđe: “Kana o Del avilosas tumaro dad, tumen volisardinesas man, kaj me avilem katar o Del thaj akana sem akate. Či avilem korkoro mandar nego vo bičhalda man. 43Sostar či haćaren so phenav tumenđe? Zato kaj naštik prihvatin mungre alava. 44Tumen sen e benđešće čhavra. Vo si tumaro dad thaj tumen kamen te ćeren e volja tumare dadešći. Vo sas ubica katar o početko, thaj či ačhel ando čačipe, kaj ande leste naj čačipe. Kana hohavel, sikavel sosko si. Vo si hohamno thaj o dad e hohaimasko. 45A manđe zato kaj phenav tumenđe o čačipe, či paćan. 46Ko tumendar šaj dokažil manđe bezeh? Ako phenav tumenđe čačipe, sostar askal či paćan manđe? 47Ko si katar o Del, čhol kan ke Devlešće alava. A tumen či čhon kan leste zato kaj najsen katar o Del.”

48E Židovurja pe godova phendine lešće: “Naj sam li amen ando pravo kana phenas kaj san tu Samarijanco thaj kaj si ande tute o bilačho duho?”

49O Isus phendas: “Naj ande mande o bilačho duho, nego me poštuiv mungre Dade, a tumen či poštuin man. 50Me či rodav slava pale mande. Vareko aver kamel te proslavil man, a vo vi sudil. 51Čačes, čačes phenav tumenđe: ko inćarel mungro alav, nikada či dićhela o meripe.” 52A e Židovurja phendine lešće: “Akana džanas kaj si ande tute o bilačho duho. O Avraam mulo, sago vi e prorokurja, a tu phenes: ‘Ko inćarel mungro alav, nikada či dićhela o meripe!’ 53Naj san valda majbaro katar amaro dad o Avraam, savo mulo? A vi e prorokurja muline. So tu gndis ko san tu?”

54Askal o Isus phendas lenđe: “Ako me korkoro man proslaviv, mungri slava naj khanči. Man proslavil mungro Dad, pale savo tumen phenen kaj si tumaro Del. 55Tumen či pindžaren les, ali me pindžarav les. Kana phendemas kaj či pindžarav les, avilemas hohavno sago vi tumen. Ali me pindžarav les thaj inćarav lesko alav. 56Tumaro dad o Avraam raduilaspe kaj dićhela o đes kan me avava. Dikhla les thaj sas bahtalo.”

57Askal e Židovurja phučline les: “Sar šaj dikhlan e Avraame? Naj tut još ni pandžvardeš brš, a phenes kaj dikhlan e Avraame!”

58O Isus phenda lenđe: “Čačes, čačes phenav tumenđe, majsigo nego so o Avraam bijandilo, Me sem!” 59Pe godova von line e bara te čhuden len pe leste, ali o Isus lijape majdur thaj inkljisto andar o Hramo.

Currently Selected:

Jovano 8: RČB

Highlight

Copy