Jovano 13
13
O Isus thovel e pungre e učenikonenđe
1Sas akava anglo prazniko Pasha. O Isus džanelas kaj avilo o časo kana mućela akava them thaj džala ke piro Dad. Volilas okolen save sas lešće ande akava them, a volilas len džiko piro smrto. 2O Isus thaj lešće učenikurja hanas zajedno večera. A o beng e Judašće andar o gav Kariot, e Simonešće čhavešće, već čhuta ando ilo te izdail e Isuse. 3O Isus džanglas kaj o Dad sa e vlast dija ande lešće vas thaj kaj vo katar o Del avilo thaj kaj leste boldel pe. 4Askal o Isus uštilo katar e večera thaj fuljarda pestar o ogrtači, lijas o peškiri thaj phangla les angle peste. 5Askal čhuta paj ando lavori thaj ačhilo te thovel e pungre pire učenikonenđe thaj te khosel len e peškiresa savo sas angle leste. 6Askal avilo džiko Simon Petar, savo phendas lešće: “Gospode, tu manđe e pungre te thoves!”
7A o Isus phendas lešće: “Tu akana či džanes so me ćerav, ali haćareja jek đes.”
8Pe godova o Petar phendas lešće: “Či thoveja tu mungre pungre nikad!” A o Isus phendas lešće: “Ali te či thodem ćire pungre, našti aves jek katar mungre.”
9Askal o Simon Petar phendas lešće: “Gospode, na thov samo mungre pungre, nego vi mungre vas thaj vi mungro šoro!”
10A o Isus phendas lešće: “Kolešće savo si najardo trubul samo te thovenpe e pungre, kaj već si sasto čisto. Tumen sen čiste, ali na savora.” 11Džanelas o Isus ko izdaila les thaj andar godova phendas: “Naj sen savora čiste.”
12Kana thoda lenđe pungre, lijas pe peste piro ogrtači thaj bolda pe ke sinija. Askal phučla len: “Dali haćaren so ćerdem tumenđe? 13Tumen akharen man Sikavno thaj Gospod. Lačhe phenen kaj godova vi sem! 14Pa ako me, o Gospod thaj Sikavno thodem tumenđe e pungre, vi tumen askal trubun te thoven e pungre jek avrešće. 15Dijem tumen primer: ćeren gajda sago kaj me ćerdem tumenđe. 16Čačes, čačes phenav tumenđe: naj o sluga majbaro katar piro gospodari niti si o poslaniko majbaro katar okova savo bičhalda les. 17Akana, kana džanen godova, blago tumenđe te gajda vi ćeren!”
O Isus phenel kaj avela izdajime
(Mt 26,20–25; Mk 14,17–21; Lk 22,21–23)
18“Či phenav pale sa tumende. Me džanav saven losardem. Ali o Sveto lil moraš te pherdol kana phenel:
‘Okova savo halas manca,
vazdelpe protiv mande.’
19Phenav tumenđe akana, majsigo nego so godova avela, te kana godova avela šaj paćan kaj Me sem. 20Čačes, čačes phenav tumenđe, ko primil okole saves me bičhalav, man primil, a ko primil man, primil Okoles savo bičhalda man.”
21Kana phendas godova, o Isus zurale uznemirisajlo ando duho thaj phendas lenđe: “Čačes, čačes phenav tumenđe: jek tumendar izdaila man!”
22Lešće učenikurja dikhline jek pe avreste thaj phučenas pe, pale kaste godova phenel. 23Jek katar e učenikurja, saves o Isus but volilas, bešelas odma pašo Isus. 24Lešće o Simon Petar dijas znako thaj phendas: “Phuč les pale kaste phenel.” 25Akava učeniko avilo e Isuseste majpaše thaj phučla les: “Ko si godova, Gospode?”
26O Isus phendas: “Okova si kašće dav kotor mangro boldo ando čaro.” Bolda kotor mangro ando čaro thaj dija e Judašće, e Simonešće čhavešće andar o gav Kariot. 27Čim o Juda halas godova kotor mangro, o Satana dijas ande leste.
A o Isus phendas lešće: “Odma ćer okova so manđes te ćeres!” 28Khonik katar učenikurja save sas pale sinija či haćardine sostar o Isus phendas lešće godova. 29A sar lenđe zajedničke love sas ko Juda, varesave gndinas kaj o Isus phendas lešće te džal te ćinel vareso hamasko palo prazniko ili te del vareso love e čore manušenđe. 30O Juda, nakon so lijas kotor mangro, odma đelotar. A sas e rjat.
O Isus phenel kaj o Petar izdaila les
31Kana o Juda đelotar, o Isus phendas: “Akana si proslavime o Čhavo e manušesko thaj o Del si proslavime ande leste. 32Ako o Del si proslavime ande leste, vi o Del proslavila les ande peste, thaj proslavila les odma. 33Čhavralen, još sem samo harni vrjama tumenca. Rodena man, ali sago kaj majsigo phendem e židovske vođenđe, akana phenav vi tumenđe: ‘Okote kaj me džav tumen našti aven.’ 34Nevi zapoved dav tumen: te volin jek avres. Sago kaj me volivas tumen, gajda tumen volin jek avres. 35Te avilo tumen ljubav jek pale avreste, savora džanena kaj sen mungre učenikurja.”
O Isus majanglal phenel kaj o Petar izdaila les
(Mt 26,31–35; Mk 14,27–31; Lk 22,31–34)
36O Simon Petar phučlas e Isuse: “Gospode, kaj džas?”
A o Isus phendas lešće: “Akana našti džas pale mande okote kaj me džav, ali aveja majposle.”
37O Petar phučla les: “Gospode, sostar našti džav tusa akana? Spremno sem te merav pale tute!”
38O Isus phučla les: “Dali san vi čače spremno te meres pale mande? Čačes, čačes phenav tuće: majsigo so o bašno ašundola, trin drom hohaveja kaj či pindžares man.”
Currently Selected:
Jovano 13: RČB
Highlight
Share
Copy
Want to have your highlights saved across all your devices? Sign up or sign in
