Dela 4

O Petar thaj o Jovano anglo veće

1Dok o Petar thaj o Jovano još ćerenas svato e themešće, aviline dži lende e rašaja, o zapovedniko e hramošće stražako thaj e sadukeja. 2Holjajle pe lende kaj o Petar thaj o Jovano sikavenas thaj objavinas kaj kroz o Isus si uštipe andar e mule. 3Astardine len thaj čhudine len ande tamnica dži thejara o đes kaj sas već o tunjariko. 4A but katar okola save ašundine e Petrešći poruka paćajine thaj gajda o brojo okolengo save paćanas barilo varekaj džike pandž milje samo muškarcurja. 5Thejara o đes ando Jerusalim sastaisajle e židovske šorvale, e starešine thaj e sikavne e zakonestar. 6Okote sas vi o prvo rašaj o Ana, o Kajafa, o Jovano, o Aleksandar thaj vi aver andar e prvo rašajenđi familija. 7Von inkaldine e apostolen angle peste thaj phučline len: “Save snagava thaj ande kasko alav akava ćerdine?”

8Askal o Petar pherdo e Sveto Duhosa phendas lenđe: “E themešće starešinenđe thaj e šorvalenđe! 9Ako sam amen ađes inkalde angle tumende te ispituin amen pale godova kaj ćerdam lačho delo e nasvale manušešće thaj phučen amen sar vo sastilo, 10askal džanen tumen, thaj sasto Izraelsko them kaj akava manuš ačhel angle tumende zato kaj sastilo prekal o alav e Isuse Hristosko andar o Nazaret, saves tumen razapnisardine, a saves o Del vazdas andar e mule.

11O Isus si:

‘bar saves tumen e zidarja odbacisardine,

a savo postanisardas e temeljesko bar.’

12Thaj naj spasenje ni ande jek aver alav, kaj e manušenđe naj dino ni jek aver alav pe sasti phuv prekal savo šaj spasi men.”

13Kana dikhline kaj o Petar thaj o Jovano či daran thaj kana haćardine kaj si von obične manuša save nas posebno sikade kroz o sveto Lil, začudisajle. Džangline kaj sas von e Isuseja, 14ali sar dikhline kaj o manuš savo sastilo ačhelas okote lenca, ačhiline bi alavesko. 15Askal naredisardine e Petrešće thaj e Jovanošće te inkljen avri andar o Veće thaj počnisardine te dogovorin pe maškar pende.

16Phendine: “So te ćeras akale manušenca? Kaj, savora save trajin ando Jerusalim džanen kaj kroz lende dogodisajlo baro čudo thaj amen našti phenas kaj nas godova. 17Ali, te akava sikavipe či buljol još majbut maškar o them, zapretisa lenđe te khonikašće majbut či ćeren svato ande godova alav.” 18Askal akhardine len, thaj naredisardine lenđe te nipošto majbut ni o muj či putren thaj sikaven ande Isusesko alav.

19Ali o Petar thaj o Jovano phendine lenđe: “Zar smatrin kaj si pravo anglo Del te čhas kan tumende, a na ko Del? 20A amen našti te či ćeras svato pale okova so dikhlam thaj so ašundam.”

21E manuša andar e većnica palem zapretisardine lenđe, thaj mukline len. Pošto našti odlučisardine sar te kaznin len kaj sa o them slavilas e Devle pale okova so dogodisajlo. 22Kaj, o manuš savo čudesno sastilo sas les majbut katar štarvardeš brš.

E vernikurja molin pe palo hrabrost

23Čim mukline e Petre thaj e Jovane von boldine pe ke aver vernikurja thaj phendine lenđe sa so phendine lenđe e prve rašaja thaj e starešine. 24Kana e vernikurja godova ašundine, savora zajedno ande jek glaso molisajle e Devlešće: “Gospode, tu stvorisardan o nebo, e phuv, o more thaj sa so si ande lende. 25Tu e Sveto Duhosa, prekal amaro pradad o David, ćiro sluga phendan:

‘Sostar bunin pe e manuša save či pindžaren e Devles,

a o them ivja zavere ćerel?

26Ušten e carurja e phuvjaće

thaj e vladarja udružisajle protiv o Gospod

thaj protiv lesko Pomazaniko.’

27Ej, čače o caro Irod thaj o vladari Pontije Pilato ande akava gav udružisajle okolenca save či pindžaren e Devle thaj e Izraelošće themesa protiv ćiro sveto sluga o Isus, ćiro pomazaniko. 28Von ćerdine okova so tu ćire voljava thaj ćire silava majanglal odredisardan te avel. 29A akana, Gospode, ašun lenđe pretnje thaj de amenđe ćire slugenđe hrabrost te bi darako mothos averenđe pale ćiro alav. 30Inzar ćiro moćno vas, te avel o sastipe, znakurja thaj čudurja – ando alav ćire sveto slugasko e Isusesko.” 31Kana završisardine e molitva, ćhinosajlo o than pe savo sas ćidine thaj savora pherdile e Sveto Duhosa pa počnisardine hrabro te mothon pale Devlesko alav.

E manuša save paćan delin maškar peste sa so silen

32Savora okola save paćanas sas sago jek ileja thaj jek dušava. Thaj khonikal či phenelas kaj si vareso so si les samo lesko, nego delinas maškar peste sa so saslen. 33A e apostolurja e bare silava svedočinas palo vaskrsenje e Gospode Isusesko, thaj e bari milost sas pe lende savorende. 34Khonikašće lendar khanči či falilas. Kaj kas god sas phuv ili ćher, bićinenas len thaj e dobime love, 35denas e apostolenđe, a katar godova delas pe svakonešće kozom kas trubulas.

36Gajda vi varesavo Levito savo akhardolas Josif, bijando ando Kipar, saves e apostolurja akharenas Varnava (so značil kaj sas manuš savo ohrabrilas), 37les sas njiva savi bićinda thaj e love dijas e apostolenđe.

Currently Selected:

Dela 4: RČB

Highlight

Copy