Dela 13

O Pavle thaj o Varnava po prvo misionarsko drom

1Maškar e prorokurja thaj maškar e sikavne ande Antiohisko khanđiri sas o Varnava, o Simeon saves akharenas Niger, o Lukije andar e Kirina, o Manain savo barilo e Irodesa vladaresa, thaj o Savle. 2Dok jekhar slavinas e Gospode thaj postinas, o Sveto Duho phendas lenđe: “Odvojin manđe akana e Varnava thaj e Savle palo delo savo si man pale lende.” 3Von askal, nakon so postisardine thaj molisardine, čhutine e vas po Varnava thaj po Savle thaj askal bičhaldine len po drom.

E apostolurja propovedin ando Kipro

4O Savle thaj o Varnava sas bičhalde e Sveto Duhostar ande Seleukija, a okotar đeline e lađicava ando Kipar. 5Kana aresle ando gav savo akhardolas Salamina, navestinas e Devlesko alav ande židovske sinagoge. O Jovano saves akharenas Marko sas lengo pomoćniko.

6Kana nakhline o sasto ostrvo aresline džiko gav savo akhardolas Paf. Okote maladine varesaves vračares thaj hohavne prorokos, savo sas Židovo e alaveja Varisus. 7Vo sas ando društvo e upravnikosko e gođaver manušesa savo akhardolas Sergije Pavlo. Vo akhardas peste e Varnava thaj e Savle thaj zamolisarda len te phenen lenđe e Devlesko alav. 8Ali lenđe usprotivisajlo o Elima o vračari (gajda prevodilpe lesko alav) thaj ačhilo te nagovoril e upravniko te na paćal ando alav e Devlesko.

9Askal o Savle, saves akharenas vi Pavle, ispunime e Sveto Duhosa, dikhla vorta ando Varisus Elim 10thaj phendas lešće: “Tu san čhavo e benđesko thaj dušmano pe sa so si pravedno! Pherdo san svako prevara thaj bilačhipe. Zar či ačheja te banđares e ispravne droma e Gospodešće? 11Ake, akana o vas e Gospodesko vazdelpe pe tute: koravoja thaj varesavi vrjama našti dićheja o svetlo e đesesko.”

Thaj odma o baro tunjariko dijas pe lešće jakha thaj vo pipolas naokolo, thaj rodelas varekas te vodila les. 12Kana o upravniko dikhla so sas, paćajas thaj sas zadivime e Gospodešće sikavipeja.

O Pavle propovedil ande Antiohija Pisidijsko

13Nakon godova o Pavle thaj okola kaj džanas lesa otplovisardine e lađicava andar o Paf thaj aresline ando Pergu ande Pamfilija. Okote o Jovan saves akharenas Marko mukla len thaj bolda pes ando Jerusalim. 14O Pavle thaj o Varnava đeletar andar o Pergu ande Pisidijsko Antiohija.

A ando savato đeline ande sinagoga thaj bešline. 15Posle kana čitosardine andar o Zakon thaj andar e knjige e prorokonenđe, e vođe e sinagogaće bičhaldine varekas te phenel lenđe: “Phralalen, te si tumen vareso te mothon palo ohrabrenje e themešće, phenen!”

16Pe godova o Pavle uštilo, vazdas piro vas thaj phendas: “Manušalen andar o Izrael thaj vi tumen savora aver save daran e Devlestar, ašunen:

17O Del akale Izraelsko themesko, losarda amare pradaden thaj umnožisardas amare themes pale vrjama dok trajinas sago strancurja ando Egipat. Thaj pire zurale vastesa inkalda len andar godoja phuv. 18Štarvardeš brš strpljivo podnosilas len ande pustinja. 19Kana uništisarda ande Hanaansko phuv efta themen, dija lenđi phuv e Izraelconenđe ando nasledstvo. Sa akava sas kroz štar šela thaj pandžvardeš brš. 20Posle godova, o Del dija len sudijen, sa džiko proroko Samuilo. 21Askal e manuša rodine te avel len caro, thaj o Del dija len e Saule, e Kisosće čhaves, andar o Venijaminesko pleme, savo vladilas štarvardeš brš. 22A kana harada e Saules katar o prestolje, vazda lenđe e Davides palo caro, pale savo korkoro posvedočisardas: ‘Arakhlem e Davides e čhaves e Jeseješće, manušes savo si pe mungro ilo. Vo ćerela sa so me kamav.’

23Andar o Davidesko potomstvo o Del sago kaj obećisarda, vazdas e Izraelošće Spasiteljes – e Isuse. 24Majsigo nego so avilo o Isus, o Jovano savo bolelas propovedilas sa izraelošće themešće kaj moraš te obratin pe e Devlešće thaj te bolen pes. 25Kana o Jovano završisarda piri služba phendas: ‘Pale kaste tumen inćaren man? Me naj sem okova pale savo gndin kaj sem. Ali ake, pale mande avel okova kašće me naj sem dostojno te putrav e sandale pe pungre.’ 26Phralalen, čhavra e Avraamešće thaj vi savora tumen aver save daran e Devlestar, amenđe si bičhaldi akaja poruka palo spasenje! 27E manuša save bešen ando Jerusalim thaj lenđe šorvale vođe či pindžardine e Isuse, nego osudisardine les. Gajda pherdine e alava e prorokošće save čiton pe svako savato, a či haćaren len. 28Vi ako či arakhline nisošći doš zbog savi zaslužil te avel mudardo, von mangline katar o Pilato te mudarel les.

29A kana pherdine sa so si pale leste ramome, fuljardine les katar o trušul thaj čhutine les ando limori. 30Ali o Del vazda les andar e mule, 31thaj vo but đesa sikavelaspe okolenđe save avile lesa andar e Galileja ando Jerusalim, thaj akana von si lešće svedokurja anglo them e Izraelosko.

32Amen akana mothas tumenđe e Bahtali nevimata: o obećanje savo o Del dijas amare pradadenđe 33akana pherdas godova amare čhavrenđe godoleja kaj vazdas e Isuse andar e mule. Sago kaj si ramome ando dujto psalmo:

‘Tu san mungro Čhavo,

ađes postanisardem ćiro Dad.’

34A pale godova kaj o Del vazda les andar e mule, te nikad či ćernjol, agajda phendas:

‘Dava tumen svete thaj pouzdane blagoslovurja,

save obećisardem e Davidešće.’

35Gajda vi pe aver than phenel:

‘Tu či deja te ćernjol ćiro sveco.’

36Kaj o David poslužisardas ande Devlešći namera ande piri vrjama. Kana mulo, prahome si paše pire pradada, thaj lesko telo ćernjilo. 37Ali o Isus saves o Del vazdas andar e mule, či ćernjilo ando limori.

38Gajda džanen, phralalen, kaj kroz o Isus mothol pe tumenđe o jartipe katar tumare bezeha, thaj katar sa aver katar soste našti opravdin tumen ande Mojsijesko zakono. 39E Isuseja opravdila pes svako savo paćal. 40Zato len sama te či avel tumenđe okova so o Del ramomosardas kroz e Prorokurja:

41‘Dićhen, tumen save maren muj,

čudin tumen thaj propadnin,

kaj ćerava vareso ande tumare đesa,

ande soste či paćainesas,

te vareko phendasas tumenđe.’”

42Kana o Pavle thaj o Varnava inkljenas andar e sinagoga, e manuša zamolisardine len te vi aver savato ćeren lenđe svato pale godova. 43Kana o sastanko sas gata e but Židovurja thaj e pobožne manuša save obratisajle po židovsko paćipe, teljardine palo Pavle thaj palo Varnava, save ćerenas lenca svato thaj poticinas len te ustrajno paćan ande Devlešći milost.

O Pavle džal ke poganurja

44Ande aver savato gata o sasto gav ćida pes te ašunel o alav e Gospodesko. 45Kana e Židovske vođe dikhline o but o them, sas ljubomorne, thaj vređonas e Pavle gajda kaj mothonas protiv okova so vo motholas.

46A o Pavle thaj o Varnava hrabro phendine lenđe: “Trubuja majsigo te o alav e Devlesko avel tumenđe e Židovenđe mothodo. Ali sar tumen odbacisardine o alav thaj smatrin kaj sen nedostojne e večno trajošće, akana džastar okolenđe save naj Židovurja. 47Kaj, agajda o Gospod korkoro zapovedisardas amenđe:

‘Ćerdem tut te aves svetlo okolenđe kaj naj Židovurja,

te anes spasipe dži ko krajo e phuvjako.’”

48Kana ašundine godova, okola save nas Židovurja raduinaspe thaj slavinas e Gospodesko alav. Thaj okola kaj sas odredime palo večno trajo paćaine. 49A o alav e Gospodesko buljilo pe sasto godova krajo.

50A e židovske vođe vazdine pe buna varesave ugledne thaj pobožne manušnjen thaj e gavešće poglavaren te progonin e Pavle thaj e Varnava thaj te traden len andar pire krajurja. 51A von duj džene ćhinosarde o praho katar pire pungre protiv lende sago znako kaj o Del sudila lenđe, thaj đeline ande Ikonija. 52A e učenikurja pherdile bahtasa thaj e Svete Duhosa.

Currently Selected:

Dela 13: RČB

Highlight

Copy