1 Bakorinthe 2
2
1 Bakorinthe 2
1Haele nna, banabeso, mohla ke tlang ho lona, ha ke a ka ka tla ka puo e fetisang, leha e le ka bohlale, ke le bolella bopaki ba Modimo.
2Hobane ke rerile ho se tsebe letho hara lona, haese Jesu Kreste, le yena ya thakgisitsweng.
3Ke bile hara lona ka bofokodi, le tshabo, le thothomelo e kgolo.
4Polelo ya ka le thero ya ka ha e a ka ya eba ka dipolelo tse hodisang tsa bohlale ba batho, empa e le ka pontsho ya Moya le ya matla.
5E le hore tumelo ya lona e se ke ya eba bohlaleng ba batho, e mpe e be matleng a Modimo.
6Empa re bolela bohlale hara ba phethehileng, empa e seng bohlale ba lefatshe lena, leha e le ba marena a lefatshe lena a fediswang.
7Empa re bolela bohlale ba Modimo e leng sephiri, e leng bohlale bo patilweng, boo Modimo o bo lokisitseng pele ho mehla ya lefatshe, e tle e be kganya ya rona.
8Seo ho seng le ya mong wa babusi ba lefatshe lena a se tsebang; hobane hojane ba se tsebile, ba ka be ba sa ka ba thakgisa Morena wa kganya.
9Empa jwalokaha ho ngodilwe, ho thwe: Tseo Modimo o di lokiseditseng ba o ratang, ke tseo leihlo le sa kang la di bona, tseo tsebe e sa kang ya di utlwa, tse sa kang tsa kena pelong ya motho.
10Empa Modimo o di senoletse rona ka Moya wa hae, hobane Moya o batlisisa dintho tsohle, le tse tebileng tsa Modimo.
11Hobane motho ke ofe ya tsebang tsa motho, haese moya wa motho o ho yena? ka mokgwa o jwalo ditaba tsa Modimo ha ho motho ya di tsebang, haese Moya wa Modimo.
12Jwale rona ha re a ka ra amohela moya wa lefatshe, empa re amohetse Moya o tswang ho Modimo; re tle re tsebe tseo re di filweng ka bolokolohi ke Modimo.
13Ke tseo re di bolelang, e seng ka dipolelo tse rutwang ke bohlale ba batho, empa e le tse rutwang ke Moya o Halalelang; ka ho bapisa lintho tsa moea le tsa moea.
14Empa motho wa nama ha a amohele dintho tsa Moya wa Modimo, hobane ke bohlanya ho yena;
15Empa motho wa moya o ahlola tsohle, empa yena ha a ahlolwe ke motho.
16Hobane ke mang ya tsebileng mohopolo wa Morena, hore a tle a mo rute? Empa rona re na le kelello ya Kreste.
Currently Selected:
1 Bakorinthe 2: SothoNT
Highlight
Share
Copy
Want to have your highlights saved across all your devices? Sign up or sign in
Copyright of City Bible Foundation in cooperation with Baasraak Bible Translation from Baasraak Media © 2023.
