San Mateo 22:19-21

Yaj'ijxku̶ch je̱'e̱ meeñ ajku̶xy mu̶dyiibu̶ je̱'e̱ kube̱jtu̶ñ mu̶u̶d mgubetyu̶ñ ajku̶xy. Chi je̱'e̱ denario meeñ tu'ug yajnimiinu̶, y chi je̱'e̱ Jesús yajtu̶u̶wu̶ ajku̶xy: —¿Pu̶n adaa y'awinnax y pu̶n je̱'e̱ xyu̶u̶ yam yujkja'ay miimb ma adaa meeñu̶ñ? Chi y'adzooy ajku̶xy: —Je̱'e̱ mu̶j'ane̱'e̱mbu̶. Mu̶'it je̱'e̱ Jesús ñu̶maayu̶ ajku̶xy: —Pues mooygyu̶x je̱'e̱ mu̶j'ane̱'e̱mbu̶ je̱'e̱ mu̶dyiibu̶ je̱'e̱ mu̶j'ane̱'e̱mbu̶ paattu̶bu̶ñ, y mooygyu̶x je̱'e̱ Dios je̱'e̱ mu̶dyiibu̶ je̱'e̱ Dios paattu̶bu̶ñ.