San Mateo 17:17-18

Chi je̱'e̱ Jesús y'adzooy: —¡Miich ja'ay ajku̶xy mu̶dyiibu̶ ka'amu̶bu̶jkku̶xpu̶ñ y ka'amu̶jpu̶daakku̶xpu̶ñ je̱'e̱ Dios y'ayuuk tyu̶y'ajt! ¿Naag xu̶u̶ naag po'o da'a n'okjakmu̶d'ijtku̶xu̶ch? ¿Naag xu̶u̶ naag po'o da'a n'okjakmu̶me̱kxtujkku̶xu̶ch? Mu̶miingu̶x yu̶'u̶ ye̱e̱g'ana'k yaa. Mu̶'it je̱'e̱ Jesús je̱'e̱ ka'a'óybyu̶ u̶x'ojy y yajni'iwaach yajku'uwaach je̱'e̱ ye̱e̱g'ana'k y yajtzooky mu̶'ityu̶.