YONA 2
2
Yona Ra" Akyu" Mho' Dao:
1Ngo: vae: dug: khug mae Yona wa Asang yao" Mao"So re mho' yao: ra".
2 Asang we" nga" nho: nhag' kaug' nhag' ngai: rumae
nao re ngo mho' yao mung: nga" mho' yao thoe re nao tau: byid' ra"-
shid: ra" no; thao" tham: no, mae" ngo hug' yao: ke' re nao gyo: byid' ra".
3Nao wa ngore qid jham: yang lhang" kham" to" ra"
panglai: qid tham: athai: khyo pye' khyo" pye' mung:
ni" nho: qam: bo: ra" bang: lhung" jham wa nga" dao mae lheim" pye' ako".
4Ngo wa ni: myo, khung: mae" khe' thug' pye' ru qhug' mung:
ni" nho: gyang" lho" ra" Caung:pa" Yham re khonhae" re: madam: the' myao lo nae" laug ein: jho: pye' va".
5Qid wa nga" dao mae nhai" pye' mung: ngore so' laung" laung" nhao: ra"
nga" dao mae panglai: nhai" pye' mung: ju: jham wa nga" au: lam: mae thab' pye' va".
6Ngo wa bam aqao: khyo gyo" lo" va"-
apyad ato kham: pyid' to" ra" mug: khyo gyo" ye: va"-
ngadqere: O" nga" Mao"So Asang nao wa ai: tham: no, khug mae" ngore dam: phoe' yu va".
7Nga" kao so' gan: lo" na: rure the' gyo" au: re O" Asang we"- nao re ngo akyu" mho' yao: ra".
Aimung: nao wa nga" akyu" mho' yao thoe re ni" gyang" lho" Caung:pa" Yham mae" gyo: byid: va".
8Pe" phug' made; ra" solho re caung:pa" mo, wa nao re gyaug phug' ra" khyo re to" pye' avako".
9Ngadqere: ngo wa nao re caung: nghaui" na nae" ngo wa nao re ngaui" xeim: qhaug' byid: mung:
ngo to" to" ra" dao: thang" re kad' pyang" nae" ngad: Khyad' yu: ra" khyo wa Asang mae" joe" li" ra" wo"-
10Aimung: Asang wa Yona re panglai: qid zo" mae yephoe" to: nae" qhid' mae" ngo: re amyin" byid: mung: ai: ngo: re: aru: kad' ra".
Currently Selected:
YONA 2: LHCL
Highlight
Share
Copy
Want to have your highlights saved across all your devices? Sign up or sign in
© Bible Society of Myanmar 2009
