प्रेरीत 5:3-5

ओःले पत्रुसकीइ खुङला लाःसी, “हननीया, ख्योइ सेम चीले शैतानला काङ्जे तेर्पा? ख्योइ चाङ्मा ला ङीमु स्योप क्युःर्सी ओःले सीःङ चोङ्दी ज्योर्क्योक डेबाइ चीङ बो ख्यो ङीमु ज्यासी। ओः सीःङ मेचोङ्‍गासुनाङ ख्योइदीरा एःके। चोङमीःजीक ज्योर्क्योक डेबाङ ख्योइदीरा एःके। ओःले चीले ख्योइ राःङगीइ सेमला एःन्डुबा स्योप क्युःर्केन ठीवा चेपा? ख्योइ मीःक्या ङीमु चीग्रा मीःङे, इःनाङ ख्योइ कोन्ज्यो ङीमु स्योप क्युःर्ती एः!” पत्रुसकीइ ताम कोःलुङ्म्याःपा हननीया साला रीःल्सी ओःले सीसी। दी ताम कोःगेनक्या थाम्जेरकीइ माःङ्बुरा जीबा पेःसी।