लूका 3:4-6

जिंया यसयाह परमेसर गी बात बताण आळै गै बचनां गी किताब में यूहना गै बारै में आ परमेसर गी बात लिखेड़ी है: “बन उजाड़ में एक जणो हेलो मारै कै प्रभु गो रा तैयार करो अर बिंगी सड़कां सीदी बणाओ। जिंया एक बड़ै आदमी गै आवण पर रास्तै नै तैयार कर'गे सड़कां सीदी करै अर ऊंची जिग्यां नै निची करै अर निची जिग्यां नै भर देवै अर टेडै मेडै रास्तै नै सीधो करै अर उबड़ खाबड़ नै एकसो करै इंयाई प्रभु गै आवण खातर लोगां गै मना नै तैयार करो। सगळा लोग परमेसर गै मुकतीदाता गा दरसण करसी।”