YouVersion Logo
Search Icon

प्रेरितो काम 22

22
गर्दीमेहे पौलुसोओ सन्देश
1ऐ पाही अने डाया आय जो ओमे तुमाहा प्रत्युत्तर कोओहो तो होमला. 2ते ओ होमलित का तो आमा आरी इब्री भाषाम गोगीत होय फासी पण ठावकू ओतगोयु तेहलाम तिये कोयु, 3आयताहा यहुदी मांहु होय जे का किलिकियातील तरसुस माय जन्मला परंतु आव नगरामेहे गमलीएलच्या गुडू जागे आविलो हिकाडूअत गोयु एने परमेश्वरा कोअता एह्ली व्यवस्था लागाडयी ओती तेहलूज तुमु आखे आज लागाडले होय. 4आय माहु अने बुई बेनुहू बांधीत जेलूमे टाकीत आव पंथाला इहिंजा त्रास आप्यू का तियाहा मोईला शिक्षाम पण आप्यी. 5आव गोठीपो महायाजक अने आखे बाह्हू वर्ग पण साक्षी होय का तिये माय पाहीही नावापो चिठ्या घेऊन दमिश्काम निहित जात ओतु का जीही होय तियाहा पण दंड आपलो कोअता बांधीत यरुशलेम ला जाऊ.
ह्रदय परिवर्तनोंओ वर्णन
6जाहा आय सालता-सालता दमिष्काजागे पुगित गोयू तेहलाम एहलो उवे का दिहरा प्रहराआ आसेपासे एकुजवा खारो प्रकाश जुगाम माआ चारू सेटे सोमक्यू. 7अने आय धारतीपो पोडीलो अने ओ शब्द होम्लालू, ओ शौला, ओ शौला, तू माहु काहा त्रास आपोहे? 8आय उत्तर आप्लु, ओ प्रभू, तू कोडू होय? तोओ माहु कोयु, आय येशु नासरी होय ज्याहा तू छळतोस. 9माआ हेंगातीवाही प्रकाश ताहा पाल्यू, परंतु जो माआरी गोगीत ओतु तिया शब्द होम्लालू नाहा. 10तेहलाम आय कोइतलु, ओ प्रभू, आय नाहाकोत कोहू? प्रभूऊ माहु कोयु, उठित दमिश्कात जा, अने जे किबी ताहु कोइला कोअता ठेरवीही गोये होय कोयु जाइअलो. 11जाहा तिया उजवाडामे तेजावही माहु किबी देखायो नाहा हेगातीही आथे तोईत तो दमिश्कात आवयू. 12तेहलाम हनन्या नावाआ नियमशास्त्राआ नुसार सालनारू एक भक्त मांहु जे तीइही रोणारे आखे यहुदी माहुंमे नाव लौकिक ओतमाआ जागे आवयू, 13अने उभे रोत माहु कोयु का, ओ पाही शौला, इही पाला, तियाआ वेळेला माआ डोउ उगाडीत गोये अने आय तियाहा पालील्यो. 14तेहलाम तिये कोयु आमा पूर्वजाआ परमेश्वराने माहु याकोअता ठेरवीही होय का तू तिया इच्छाहा जाणू सेकेहे अने तियाअ धोर्मी माआहा पालनारू अने तियाआ सोबिवांही गोठी होमला. 15काहाके का तू तियाआ त्यापोरोत आखे माआहाहुमोर तियाअ गोठीई साक्षी होय ज्या तू पाल्या अने होमल्याहा होय. 16ओमे काहा वेल लागाडीत? उठ, बाप्तिस्मे ले, अने तियाआ नाव घेऊन आपाआ स्वतःहा पाप तोवीत टाक. 17जाहा आय फासी यरुशलेमो आविलो मंदिरोम प्रार्थना कोईत होतुताहा बेशुद्ध ओतगोयु गोल्यो, 18अने तिये पालील्यो का तो माहु कोत्लू, वेगु कोईत यरुशलेम माय वेगु निहित जा काहाके का ते माआ विषया माय ताआ साक्ष नाहा मानणारु. 19आय ते कोयु, ओ प्रभू, ते ताहा आपा ओलखीत का आय तापो विश्वास कोआनाराहा बंदिकोअमे टाकोहो अने हर एक मंदिरोम देअलो कोईत ओतू. 20जाहा ताआ साक्षी स्तेफनचे रक्त वोहाडये जाअये ओते तेहलाम आय पण तीइही उबु ओतु अने याआ गोठीमेहे सहमत ओतु अने आय तियाआ घात कोअनाराआ कापडे सामालीत ओतु. 21अने तिये माहु कोयु, निहित जा काहाके का आय ताहु अन्यजाति जागे सेटे मुकलिही. 22ते आव गोठी पर्यंत तियाआ होमलित रोल्या तेहलाम उचो शब्दामे आअडीलो, एहलो मांहाआ अंत कोअत्याआ जीवित रोहिलो उचित नाहा. 23जाहा ते आअडीत्ले अने कापडे फेकीलाआ अने जुगोमेरयो धूळ उड्डीन ओते, 24ताहा पलटण च्या सरदाराआ कोयु, याहा गढ़ माय घेऊन जा अने चाबूक देत पारख का आय ओलखीत्लू का मांहे कोडला कारनोवाही तियाआ विरोद्धामे एहलो आअडित ओते. 25जाहा तिये तियाहा कवड कोअनारो बानदल्यो तेहलाम पौलाने तियाअ सुबेदार जो जागे उबु ओतु कोयु, नाहाकोत ओ योग्य होय का तुमु एक रोमी मांहाहा अने तो पण बिना दोषी ठेरवीही, चाबूक माअये? 26सुबेदाराआ ओ होम्लाडित पोलटीला सरदाराआ जागे आविलो कोयु, तू ओ नाहाकोत कोअत्लू? ओ ताहा रोमी मांहु होय 27तेहलाम पोलटीअला सरदाराआ त्याजागे आविलो कोयु, “माहु कोअलो, नाहाकोत तू रोमी होय? तिये कोयु, होय” 28ओ होमलित पोलटीला सरदाराआ कोयु, आय रोमो ओनारो जागा जाखो रुपये आपित मिलन्ये होय पौलाने कोयु, “आयताहा जन्मापोरोत रोमी होय” 29तेहलाम जे मांहे तियाहा पारखीलापो ओते ते तियाआ जागेरोत सेटे होतगोयो गोये अने पलटणचा सरदार पण ओ जाईत का ओ रोमी होय अने आय तियाहा बानदल्यो होय, कोईत बित गोल्यो.
महासभा सामने पौलुस
30दिहरा तेदीही तिये ठीक-ठीक जायअला इच्छावाहि का यहुदी त्यापोरोत काहा दोष लागाड, त्याआं बंधन उगाडीत आप्लु अने मुख्य याजक अने आखे महा सभाम एकठे होऊला आज्ञा आप्यी अने पौलाहा निसे घेऊन जात तियाआ आगाडी उभे कोईत आप्लु.

Highlight

Share

Copy

None

Want to have your highlights saved across all your devices? Sign up or sign in