YouVersion Logo
Search Icon

प्रेरितो काम 20

20
मकिदुनिया, यूनान अने त्रोआस मेहे पौलुस
1जाहा गोलबोलु ठावकु ओतगोयु ते पौलुस तियाआ चेलाहा हादीत होमजाड्यू अने तियाहा मीलीत तीहीरोत वेरात मकिदुनिया वोगे चालुहू लाग्यु. 2तिया आखे प्रदेशामेहे आवीत शिष्यांआ जाअखो उत्साहोम कोईत तो युनानी माय आवयू. 3जाहा तीन मोयना रोत तो तीहीरोत नावूमे बोहित सीरिया जागे जाण्यावर ओतु तेहलाम यहुदी तियाआ घात कोईलामे लागाडीत ओते याकोअता तिये खरोज कोअयु ओतु का मकिदुनिया फासी जाईला बेत कोअयु. 4बिरुयाकर पुरीचा पुत्र सोपत्र अने थेसलनिका मायरोत अरिस्तर्खुस अने संकुद गायसाआ दर्बेकर अने तीमुथियुस अने आसियाआ तुखिक अने त्रुफिमुस आसिया तियाआ आरी आविलो गोये. 5ते आगाडी जात त्रोआसात आमाआं वात पालीत राहो. 6अने आमाहा बेखमीर रोटाहा दिहापोरत फिलिप्पी तारवात सोडवीत पाच दिहोमे त्रोआस त्याजागे पुग्या अने सात दिहेजा होमजीत्लो रोल्या.
युतुखुसोहो जिवाड्यु
7हाप्ताआ पाल्या तेदीही जांहा आमाहा भाकर तोडिला कोअता एकठे उवे तेहलाम पौलाने जे दिहरा तेदीही निहित जाण्यावर ओते तिये किबी गोठी कोयु अने आर्दी राती पर्यंत गोठी कोईत रोल्या. 8ज्या खोलीम मोडली आमाहा एकठे ओते तीयाम जाअखो दिवे बोलीईला लागाडीत. 9अने युतुख नावाआ एक जुवान खिडकीत बोहीतरोल्यु जाखो निंदोम निसे वाकिलो ओतु जांहा पौलुस जाखो वेल पर्यंत गोठी कोईत रोल्या ताहा तो निदेहे गुंगीत तिसऱ्या उपोरोते पोडीत गोल्यो अने मोल्यू विशिलो गोल्यो. 10परंतु पौलुस उतरित तियाहा मिठ्ठी माइहि अने गोलीतपोड्यू गोले लागाडी कोइतलु बित नाहा, काहाके का तिया जीव तियाहा होय. 11अने उसे जात भाकर तोडीअते अने खात तिये ओतो वेल पर्यत गोठी कोईत रोल्या का वेगीवेल उवी फासाडी तो निहित गोल्यो. 12अने ते तिया जुवानाहा जिवंत घेऊन आव्ये अने जाखो शांती मिलवी.
त्रोआस सी मिलेतुसोओ यात्रा
13आमू पालील्यो का जहाजमे सोडवीत अस्सुस कोअता जायलो आव विचाराआ आगाडी गोये का तीहीरोत आमाहा पौलाहा चोढावीन लेऊ काहाके का तियाहा ओ याकोअता ठेरवीही ओते का आमुज पागेपागे चालणारो ओते. 14ओमे अस्सुस कडे आमाहा मिल्यू ताहा आमाहा तियाहा चोढावीन मितुलनास आव्ये. 15तिहीरोत नाव उगाडीत आमाहा दिहरा तेदीही खियास आगाडी पोतीअलो अने आगाडी तेदीही सामुस मध्ये जाऊ लागाडीत फासाडी दिहरा तेदीही मिलेतास आव्ये. 16काहाके का पौलाने इफिसापो ओतगोयु जाईला खरोज कोअयु ओतु का केधी एहलो न ओवो का तियाहा आशियामेहे वेल लागेहेकोयते तो घाईम ओतु का केधी ओवुहू गोयो ताहा तो पन्नासाआ तेदीही सनात यरूशलेमरोत रोहू.
इफिसुसोओ प्राचीनोहो उपदेश
17तिये मिलेतूस इफिसाहामेहे खोबोर मोकल्यु अने मंडळ्याआ डायाहा हादिलो. 18जांहा ते तिया जागे आवीत तिये कोइतलु, तुमु ओलखीत का पेल्लाज दिवसापोरोत जांहा आय आशिया माय पुग्यु आय हर एक वेळेला तुमाआ आरी केहला प्रकारे रोला 19अर्थात जाअखो नम्रतेने अने आहवे वोहाडीत अने तियाअ परीक्षा आमे जे यहुद्याचे कंटाळामुळे मापो आविलो पोडी, आय प्रभूऊ सेवा कोअतुज रोही, 20अने ज्या गोठी तुमाआ लाभाची ओती तियाहा कोहू अने माअहाआ आगाडी अने को हिकाडनारे केधी ण डगमग्यु, 21नहाते यहुदी अने यूनानी याहा आगाडी साक्ष आपित रोल्यूके परमेश्वराही पश्चताप कोअला अने आमा प्रभू येशु ख्रिस्तापो विश्वास कोअला जोवे. 22ओमे पाला आय आत्मा मेहे बादितमेल्यु यरुशलेम ला जात होय अने नाहा उलखित्लू का तिही मापो नाहाकोत-नाहाकोत परिस्थिती आवे, 23फक्त ओ का पवित्र आत्माआ हर एक नगरामेहे साक्ष आपित माहु कोत्लू का बंधन अने त्रस ता कोअता तीयार होय. 24पोन आय आपाआ जीवोहो किबी नाहा होमजाडीत का तियाहा प्रिय माणू नाहा ताहा ओ का आय आपाआ गुगदिला अने तियाअ सेवेला पुरो कोहू जी आय परमेश्वरोओ कृपेणे सुवार्तेपो साक्ष आपलो कोअता प्रभू येशु त्यापोरोत मिलवी. 25ओमे पाला आय ओलखीत्लू का तुमु आखे ज्याम परमेश्वरोओ राज्याआ घोषणा कोईत फिर्यु, माआ सोब फासी नाहा पालनारू. 26याकोअता आय आजे तेदीही तुमापोरोत साक्ष आपित कोत्लू का आय आखाआ रक्तानी निर्दोष होय. 27काहाके का परमेश्वरोओ आखे मनोरथाला तुमामे पुरो रीतीवाही कोहू डगमग्यु नाहा. 28याकोअता आपाआ अने पुरो झुडाची चौकशी कराज्याच्यात पवित्र आत्माआ तुमामे मुख्य ठेरवीही होय का तू परमेश्वरोओ मंडळ्याही होंबाला कराज्याला तिये आपाआ रक्तानी वेसातो लेधलो होय. 29आय ओलखीत्लू का माआ गोयेनतर फाडीईलो लांडगे, तुमामे आवे जे झुंडाआ सोडविणारू नाहा. 30काहाके तुमाआ माय पण एहलो मांहु उटे जे शिष्यांआ आपाआ फासाडी ताकिला कोअता वाकडयाआ तीवोग गोठी कोआ. 31याकोअता जागतू रो अने स्मरण कोईत रो का तीन वर्षापर्यंत रातदीही आहवे वोहाडीत प्रत्येकाहा चेतावणी आपुहू सोडये नाहा 32अने ओमे आय तुमामे परमेश्वरोओ अने तियाआ कृपेच्या वचनाआ होफहोपिन आपोहो जो तुमाआ उन्नति कोहू शकतो अने ओमे आखे पवित्र कोल्यु गोये अने माहुंमे मेळ कोईत वतन आपुहू शकतो. 33आय कोडाआ चांदी किंवा होनो किंवा कापडाआ लोभ कोअयु नाहा. 34तुमु स्वतःहा ओलखीत का याआ आताई अने माआ हेंगात्याहां आवश्यक ते पुरो कोल्यु. 35आय तुमामे आखे किबी कोईत देखाये का आव रीतीवाही परिश्रम कोअत्लू तेहलाम निर्बाळाना होमलीलो अने प्रभू येशुउ नाव स्मरण मेकीला आवश्यक होय जो तिये खुद कोयु होय का, लेअलापेक्षा आपलो जाखा धन्य होय. 36ओ कोत तिये टोसणे टेक्यू अने तियाअ होगाआरी प्रार्थना कोअयी. 37तेहलाम ते आखे जाखो रोडीलो अने पौलाचआ गोलीतपोड्यू गोलु मिलून तियाहा चुंबन आपुहू लागाडीत. 38ते विरोस कोईत आव गोठीही संकेत ओते का जी तिये कोल्यी ओती का तुमु माआ सोब या आगाडी कदाचित पालनारू नाहा फासाडी तिये जहाज पर्यंत तियाहा सोदुहू आव्ये.

Highlight

Share

Copy

None

Want to have your highlights saved across all your devices? Sign up or sign in