प्रेरितो काम 19

इफिसुस मेहे पौलुस

1जाहा अपुल्लोस कुरीन्थुस मेहे ओतु ते पौलुस उसे वाला आखा देशमेहे रोत फीरीत इफिसुस मेहे आयु तीही काही चेलाह पालीत कोयो 2अने तिये तियाहा कोयु, नाहाकोत तुमु जांहा विश्वास कोअयु ओतु तेहलाम पवित्र आत्माहा ग्रहण कोल्यु ओते? तिये उत्तर आप्लु, आमाहा ताहा होमल्यु सुधा नाहा का पवित्र आत्माआ होय का नाहा. 3तो तियाहा कोयु, ताहा तुमु केहलो बाप्तिस्मे लेधलो होय? तिये उत्तर आप्लु योहानाआ बाप्तिस्मे. 4फासाडी पौलाने कोयु, योहानाआ बाप्तिस्मे ताहा मोन फिरविला कोअता ओतु तिये माहुंहु कोयु ओते का जो माआ नंतर आवीत होय अर्थात येशु ख्रिस्त यापो विश्वास को. 5ओ होमलित तिये प्रभू येशुउ नावापो बाप्तिस्मे लेदो. 6फासाडी जांहा पौलाने तियापो आथे मेकलू, तेहलाम तियापो पवित्र आत्माआ उतरीलो अने ते जुदेजुदे भाषा गोगीत ओते, अने भविष्यवाणी पण कोहू लागाडीत. 7आखे मिलून ते बारा माहहू ओते. 8फासाडी पौलुस यहुदी प्रार्थना सभाम निहित गोयु एने तीन महिन्यापोरोत न बिकर्या गोगीत रोला तो यहुदिआरी वादविवाद कोईत तियाहा परमेश्वरोओ राज्याविषयी होमजाडीत कोयु ओतु. 9परंतु त्यामेरोत किबी मांहे जास्तीज हठ्ठी ओते तिये विश्वास कोईलाकाजे नकार आप्यू अने माहुआगला पंथोहो हाजो वाईट कोयु रोल्या तेहलाम तो आपाआ शिष्यांआ घेऊन तियाहा सोडीत निहित गोल्यो अने ताहा तुरन्नुस पाठशाळेत हर एक तेदीही विचार विमर्श कोईत ओते. 10बेन वर्ष पर्यंत ऐहलेच उवनारा रोल्या, याआ परिणाम एहेलू ओवयू का आखे आशियामे रोणारे यहुदी, यूनानी तिये प्रभूऊ वचन होमलित ग्रहण कोईत लेधलो.

इफिसुस मेहे सामर्थ्योओ अनोखे काम

11परमेश्वर पौलाचआ त्यापोरत जास्तीज आश्चर्य काम कोईत ओतु. 12इहिंजा का तियाआ रुमालाआ अने पोतडाल माद्वाड्याजागे घेऊन जात अने तियाआ रोग हाजो उवनारा ओते, तेहलूज दुष्टात्मा पण निहित जात रोतत्लो. 13किबी अशुद्ध मांहे जे दुष्टात्मा काडीत इही तीही फिरीत ओते ते ओ कोहू लागाडीत का ज्या माहुंमे दुष्टात्मा लाग्यीही ओते तियापो येशुउ नाव घेऊन प्रयोग कोहू लागाडीत अने म्हणु लागाडीत, आय तुमामे तियाअ येशु नावापो ज्याचा प्रचार पौलुस कोअत्लू आदेश आपित होय का एक स्कीवा नावामेहे यहुदी महायाजाकाचे सात पोऱ्ये जांहा एहलो कोईत ओते. 14अने म्हणु लागाडीत, आय तुमामे तियाअ येशु नावापो ज्याचा प्रचार पौलुस कोअत्लू आदेश आपित होय का एक स्कीवा नावामेहे यहुदी मुख्य याजकाचे सात पोऱ्ये जांहा एहलो कोईत ओते. 15तेहलाम दुष्टात्मा तियाहा कोयु, आय येशुहू ओळखील्यो, अने पौलाहा पण ओळखील्यो परंतु तुमु कोडू होय? 16फासाडी जो माहहू ज्यापो दुष्टात्मा लागीई ओती तिये तियापो उडी माईत बेनुहू विलीतमेक्ये, अने तियापो एती जबर बाहाळली का ते उगडे नागरे ओतगोयु तियाअ कोअमे रोत नाहीत गोये. 17इफिस माय रोणाआरा आखे यहुदी अने यूनानी यांहा याआ गोठीपो आखे मालूमे उवे, ते आखे मांहे जास्तीज बितगोये ओते, ह्याप्रमाणे प्रभू येशुउ नावापो जास्त आदर उत्पन्न उवनारा गोल्यो. 18तीयामरोत खूप माहु विश्वास कोअयु ओतु आपाआ त्यापोरत कोल्यु गोयल्यु वाईट काम ग्रहण कोईत त्याजागे आव्ये. 19जादू टोना कोअनारे जास्तीज ओते तिये आपाआ पुस्तके तियाआ जागापो आगाडी पेटाडीत टाक्यी आव पुस्तकां किमोत पन्नास हजार शिकां आरी ओते. 20ह्याप्रमाणे प्रभूऊ वचन जाखा प्रभावशाली उवनारा सेटे-सेटे पर्यंत गाजवीत गोये. 21याआ घटनेबदमे पौलाने आपाआ मोनामे मकिदुनिया अने अखया तेबी ओते, पण यरुशलेमो जाण्याआ खरोज कोअयु तिये कोयु, तियाअ जागापो जात माहु रोम पण माहु पालाहू जोवे. 22तेहलाम तिये आपाआ तीमुथियुस अने इरास्तुस नावाआ बेन सेवकाआ मकिदुनिया मोकलित आप्लु अने स्वतः आशिया माय थोडू वेल कालीत.

इफिसुस मेहे उपद्रव

23इयाच दिहोम याआ पन्थ मार्गाबद्दल जाहकीज कापाली उडाली. 24तियाअ जागापो देमेत्रोयेसाआ नावूज एक सादिई काम कोअनारू सोनार रोत ओतु तो अरीतीमिसचे सांदीई मंदिर बोनाडीत होतोतीयाफा जास्तीज मोजऱ्याहा कामधोदा मिलून आपित ओतु. 25तिये तियाहा अने याआ कामोम जोडीत रोहीत्ले दिहरे काम कोअनारे यांहा एकठे कोल्यु अने कोयु पाला, माहुहू तुमामे मालूमे होय का याआ कामोवांही आपाहा हाजू पोशा मिललू. 26तुमु पाल्हू शकहू अने उनालू शकहू का याआ पौलाने न फक्त इफिसा मेहे परंतु लगबग आशियाआ आखे भगत माहुंहु बहाकावीत ओते तो कोयु ओतु का माहुहीई बोनाडल्ये देव खोरो नाहा. 27ह्याआरी फक्त याआ गोठी बीइलो होय का आमाआ व्यवसायाआ निंदा उवे परंतु महान देवी अरतिमिस मंदिराआ प्रतिष्ठा समाप्त होऊला पण बीइलो होय अने ज्या देवाआ उपासना आखे आशिया अने संसारावांही कोअयी जात होय तियाआ गरिमाआ निहित जाआला पण बीइलो होय. 28जाहा तिये ओ होमल्यु का तेहलाम ते जास्तीज क्रोधीत उवे अने वोडा आवाजोवाही कोहू लागाडीत, इफिसिई अरतिमिस ची देवी महान होय. 29तीही आखे नगरामेहे अव्यवस्था फेलितगोई ओती तेहलाम जे मांहे गयुस अने मकिदुनिया हून आवल्या पौलुस अने अरिस्तर्खुसला तोओईलो अने खेचीलो-खेचीलो एकठा ओईने नाट्यगृहात गुगदीत गोये. 30पौलुस माहु आगला जानारू ओतु परंतु शिष्यांनी तियाहा जाऊ आप्लु नाहा. 31किबी प्रांतीय अधिकारी जे तियाआ हेगांति ओते तियाहा खोबोर मोकोल्या का नाट्यगृहात जात स्वतःहा धोक्यात कालहू नाहा. 32तेहलाम ओमे पाला कोडु आअडीलो देत ओतु, अने किबी दिहरेज काहाके सभाम माहुहु गोधळ उडाड्यु ओतु अने आपु काहा मिला ओ कोअता जो वोलोलो नाहा, 33याहुयांनी सिकन्दर ज्याआ नाव यहुदी गर्दीमोरोत आव्ये अने आगाडी लाविले आलाडीत-आलाडीत लोकांची होमजलु कोईत ओतु, 34पोन जांहा तियाहा ओ मालूमे उवे का तो एक यहुदी होय तेहलाम ते बेन तासापार्यंत होमला आवाजोमें आअडीलो आपित कोयो ओते इफिसुस ची देवी अरतिमिस महान होय. 35पोन नगरआ लिपिक गोर्दी ठावकू कोईत कोयु ऐ इफिसिसआ माहुहू नाहाकोत जोगमेहे एहेलू माहहू होय ज्याहा ओ मालूमे नाहा का इफिसुस नगरी महान देवी अरतिमिस मंदिर अने स्वर्गामेहे आवल्या पवित्र शीलाचा सरंक्षण होय, 36कोईत याआ गोथिहिई नकार आपुहू शकत नाहा यकोअता तुमु ठावकू रोल्या जोवे अथवा विचार ताहा किबी कोहू कायना. 37पोन तुमु याआ माहुंहु तोईत इही लाविले होय इये किबी मंदिर लुट्ये नाहा अने न आमा देवीई निंदा कोल्यु होय. 38तरी पण दिमेत्रियुस अने तियाआ होबती मोजऱ्याहा कोडाआ विरूध किबी तक्रार होय ताहा न्यायालय उघडी होय तीइही राज्यपाल होय त्याजागे ते आपसामेहे एकादिहरावे अभियोग सालाडहू शकतो. 39पोन तुमु ज्याहा किबी जाखा ओळखे इच्छेतात तिया निर्णय नियमित सभामे कोअयी होय. 40जे किबी तेहलो आव्हान यागोढीई बीइलो होय का दंगलचा आमाआ तेबी दास किबी माआ मुन्डीपो ण आवहू याआ दंगलाबद्दल आमाआ किबी लेतू नाहा योग्य ठेरवूहू शकतो किबी हेडू निमिले. 41एहलो पोळाच्या साडामेहे सभा बरखस्त कोअयी.

Currently Selected:

प्रेरितो काम 19: NOINT

Highlight

Copy