Genesi 20:6-7

Maʌ̃ne Ãcõrẽba cãĩmocarad̶e panusia: –Mʌ̃a bio cawa b̶ʌa bʌa crĩcha biad̶eba mãwã osida. Maʌ̃ bẽrã mʌ̃a bʌra mʌ̃ quĩrãpita idu cadjirua obiẽ́ basía. Mʌ̃a bʌra maʌ̃ wẽrã ume idu cãĩbiẽ́ basía. Jãʌ̃be idjira Abrahaʌ̃a jẽda diadua. Abrahaʌ̃ra mʌ̃neba bed̶eabaria. Idjia mʌ̃́a iwid̶ida b̶ʌa bʌ beurãmãrẽã. Baribʌrʌ bʌa jẽda diaẽ́bʌrʌ, bʌra bʌ ẽberãrã sid̶a ab̶ed̶a jũma quininia.