Matta 3
3
Shomıldırıwshı Yaqıyanıń wazı
(Mrk 1:1-8; Luk 3:1-18; Yuxn 1:19-28)
1Sol kúnleri shomıldırıwshı Yaqıya kelip, Yahudiya úlkesiniń shól dalasında:
2– Táwbe etińler! Sebebi Aspan Patshalıǵı#3:2 Aspan Patshalıǵı – Qudaydıń Patshalıǵı. jaqınladı, – dep járiyaladı.
3Iyshaya payǵambar arqalı mınaday dep aldın ala aytılǵan adam usı Yaqıya edi:
«Shól dalada baqırǵan bir dawıs esitiledi:
„Iyemizge jol tayarlańlar,
Onıń júretuǵın jolların dúzetińler!“»#3:3 Iysh 40:3.
4Yaqıya túyeniń júninen kiyim kiygen, belin teri qayıs penen buwǵan bolıp, onıń awqatı shegirtke menen jabayı hárreniń palı edi.
5Sol waqıtta Erusalimniń, pútkil Yahudiya úlkesiniń hám Iordannıń pútkil dógereginiń turǵınları onıń aldına bardı 6hám ózleriniń gúnaların moyınlap, Iordan dáryasında shomıldırıldı. 7Yaqıya ózine kóp pariseyler menen saddukeylerdiń#3:7 Pariseyler menen saddukeyler – Iysanıń zamanında yahudiy xalqınıń kúshli diniy toparları. suwǵa shomıldırılıwǵa#3:7 Suwǵa shomıldırıw – grek tilinde «baptizo». Bul rásim adamlardıń Qudaydıń aldında táwbe etip, taza ómirdi baslawınıń nıshanı. kiyatırǵanın kórip, olarǵa:
– Háy, uwlı jılanlardıń tuqımları! Keleshektegi qáhárli jazadan qutılıwdı sizlerge kim úyretti? 8Táwbe etkenińizge ılayıq jemis berińler! 9Jáne: «Ata tegimiz Ibrayım ata-ǵo!» – dep ishlerińizden oylamańlar. Sizlerge aytatuǵınım: Quday Ibrayımǵa mına taslardan da urpaq jasap bere aladı.
10Tereklerdiń tamırında házirdiń ózinde-aq balta jatır. Jaqsı miywe bermeytuǵın hár bir terek shabılıp, otqa taslanadı. 11Táwbe etkenińizdiń belgisi retinde, men sizlerdi suw menen shomıldıraman. Biraq mennen keyin Keliwshi mennen de qúdiretli: men Onıń ayaq kiyimin sheshiwge de ılayıqlı emespen. Ol sizlerdi Muxaddes Ruwx hám ot penen shomıldıradı. 12Onıń jabası qolında. Ol Óz qırmanın tazalap, biydayın ǵállexanasına jıynaydı, al sabanın sónbes otqa jandıradı, – dedi.
Iysanıń shomıldırılıwı
(Mrk 1:9-11; Luk 3:21-22)
13Sonda Iysa Yaqıya tárepinen shomıldırılıw ushın Galiladan Iordan dáryasına, Yaqıyanıń qasına keldi. 14Biraq Yaqıya Onı irkip:
– Seniń qolıńnan shomıldırılıwǵa men mútájben-ǵo! Sen nege maǵan kiyatırsań? – dedi.
15Biraq, Iysa oǵan juwap berip:
– Endi ırazı bol, pútkil haqlıqtı#3:15 Pútkil haqlıq – Qudaydıń erki. bizler usılayınsha orınlawǵa tiyislimiz, – dedi.
Sonnan soń, Yaqıya Oǵan qayılshılıq berdi.
16Iysa shomıldırılıp, dárriw suwdan shıqtı. Mine, aspan ashılıp, Ol Qudaydıń Ruwxınıń Óziniń ústine kepter pishininde túsip kiyatırǵanın kórdi. 17Sonda aspannan:
– Bul – Meniń súyikli Ulım, Men Oǵan ırzaman! – degen saza esitildi.
Currently Selected:
Matta 3: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
