Dubbii Nagayaa Ka Yohaannisii 17

Yesuus Darasoota Ufiitiif Faateffate

1 # 11:41; 12:23,28; 13:31-32 Yesuus kana dubbatee ija ufii gara sami'ii ol kaasee akkana jedhe, «Abbaa kiyya! kunoo sa'aatiin gayeera. 2Ilmi kee akka si kabajju, akka foon uffataa maraa irratti baallii kenniteef, worra kenniteef maraa akka jireenna bara baraa kennuuf Ilma kee kabajji. 3#Qor. 1ffaa 8:6; Tas. 1ffaa 1:9; Yoh. 1ffaa 5:20 Akka ati Waaqa dhuga'aa taatee fi Yesuus Kiristoosiinillee akka ergite akka beekaniif tun jireenna bara baraati. 4#4:34; Yoh. 13:31-32 Hujii ati akka ani hojjadhu naa kennite raawwadhee lafa irratti si kabajjeera. 5#1:1-2; 17:24; Filph. 2:6 Ammallee Abbaa kiyya! ulfinna uduu adunyaan hin uumaminiin duratti si biraa qabuun ati uf biratti na kabajji!

6 # 17:9,26; Mat. 6:9 «Namoota adunyaa irratti naa kennite biratti maqaa kee ibseera. Worra kee turan; ati naa kennite. Isaanillee dubbii kee eeganiiran; 7Ka naa kennite maruu si irraa akka ta'e amma hin beekan. 8#16:27,30 Dubbii naa kennite isaanii kenneera; isaanillee fudhataniiran; akka si biraa dhufe dhugamaan beekaniiran; akka ati na ergitellee amananiiran.

9 # 6:37; Ibr. 7:25 Ani waan kanniinii si kadhadha. Waan adunya'aatiif si hin kadhadhu; isaan waan naa kenniteef; keellee waan ta'aniif. 10#16:15 Kiyya maruu keeti, keellee kiyya. Anillee waan isaaniitiif kabajjameera. 11#10:30; Gal. 3:28 Ani ammaa achi adunyaa irra hin jiraadhu; isaan adunyaa kana irra jiraatan. Ani gara kee dhufa. Abbaa Woyyuu'u! ka naa kennite kanniin akka keenna akka tokko ta'aniif maqaa keetiin isaan eegi. 12#6:39; 13:18; Far. 41:9 Ani hennaa isaan woliin adunyaa tana irra jiru worra naa kennite maqaa kee ka naa kenniteen eegeera; wonti kitaabni jedhe akka raawwatamuuf ilma badi'ii malee isaan keessaa eennullee hin banne. 13#15:11; Yoh. 1ffaa 1:4 Ammallee gara kee hin dhufa isaan biratti gammachuun kiyya ka raawwatame akka isaaniif ta'u kana biyya lafaa keessatti dubbadha. 14#15:18-19 Ani dubbii kee isaanii kenneera. Akkuma ani ka adunyaa tanaa hin taane isaanillee ka adunyaa tanaa waan hin taaneef biyyi lafaa isaan jibbite. 15#Mat. 6:13; Tas. 2ffaa 3:3; Yoh. 1ffaa 5:18 Hamaa irraa akka isaan eedduuf malee biyya lafaa tana keessaa akka isaan baaftu si hin kadhadhu. 16Akkuma ani ka adunyaa kanaa hin taane isaanillee ka adunyaa kanaatii miti. 17#Far. 119:160 Dhuga'aan isaan woyyoomsi dubbiin kee dhuga'aa. 18#20:21 Akkuma ati gara adunyaa tanaa na ergite akkasuma anillee gara adunya'aa isaan ergeera. 19#Ibr. 2:11; 10:10; Tit. 2:14 Isaanillee akkasuma worra dhuga'aan woyyooman akka ta'an ani waan isaaniitiif uf woyyoomsa.

20 # 17:9; Rom. 10:17 «Worra barumsa isaanii fudhatanii natti amanan maraaf malee isaan calla'aaf si hin kadhadhu. 21Kunillee Aabba! akkuma ati na keessa, akkasuma anillee akkuma si keessa jiru, maruu akka tokko ta'an, akkasuma akka ati na ergite, adunyaan akka beettuuf isaanillee akka nu keessa ta'aniif. 22#Rom. 8:15-30 Akkuma nu tokko taane isaanillee akka tokko ta'an ulfinna naa kennite isaanii kenneera. 23Kun waan ani isaan keessa, atillee na keessa taateef. Akka ati na ergitee fi haga jaalala na jaalatteetiin isaanillee akka jaalatte adunyaan akka beettuuf tokkummaan isaanii guutuu haa ta'u.

24 # 12:26; 14:3; Yoh. 1ffaa 3:2; Mat. 25:34 «Abbaa! Worri ati naa kennite kunniin akka hulee ani jiru jiraataniif uduu adunyaan hin uumamne waan na jaalattee fi ulfinna ati naa kennitellee akka argan barbaada. 25#8:19,55 Abbaa qajeelaa! adunyaan si hin beenne; ani ammo si beeka. Kunniinillee akka ati na ergite hin beekan. 26#15:9; 17:6 Jaalalti ati naa qabu akka isaan keessa ta'u, anillee isaan keessa akka ta'u akka si beekan taasiseera; akka si beekanillee hin godha» jedhe.

Currently Selected:

Dubbii Nagayaa Ka Yohaannisii 17: KitWoy

Highlight

Copy