Seera Uumamaa 35

Rabbi Yaaqoobiin Beeteelitti Eebbise

1Rabbi Yaaqoobiin, «Ka'ii gara Beeteelii bayii achi jiraadhu; Waaqa hennaa obboleessa kee Eesawuu jalaa dheessite sitti mudhateef hulee ciinca'aa qopheessi» jedheen.#Ser. Uma. 28:11-17

2Kanaaf Yaaqoobillee maatii ufiitii fi worra isa woliin jiran maraan «Waaqolee tolfamaa jidduu keessanii balleessaa'a, qulqulloota ta'aa'a, uffata keessanillee jijjiiradhaa'a, 3ka'aa gara Beeteelii dhandhaa; achitti Waaqa hennaa rakkoo kiyyaa naa dhagaye, Rabbii karaa ani deeme marattuu na woliin ta'ee ciincaa dhiyeessaa» jedhe. 4Kanaafuu waaqa tolfamaa jidduu isaanii jiru maraa, faaya gurraa ka gurra isaanii irra jiru maraa fuudhanii Yaaqoobitti kennan; Yaaqoobillee muka qilxu'uu ka Seekeemiin bira jirtu jalatti awwaale.

5Achii ka'anii deeman sodaan Rabbii qachoota naannaya isaanii jiru maraa irratti bu'e; isaan deebi'anii ijoollee Yaaqoobii ari'u'uuf duukaa hin deemne. 6Yaaqoobii fi namoonni isa woliin jiran maruu gara Looza'aa dhaqan; isiin Beeteelii Kana'aaniin keessa jirtu. 7Achitti hulee ciinca'aa hojjatee, «Eel Beeteel#35:7 Eel Beeteel Afaan Ibraayisxiitiin «Waaqa Beeteelii» jechu'u.» jedhee itti baase; hennaa inni obboleessa ufii jalaa dheesse Rabbi achitti itti mudhate. 8Dibooraan Ribqaa guddifte duutee Beeteelitti muka dambi'ii jalatti awwaalamte; kanaaf maqaa hulee sanii Alonbaakuti#35:8 Alonbaakuti Afaan Ibraayisxiitiin «Qilxuu booyaa» jechu'u. jedhanii itti baasan.

9Yaaqoob haga Sooriyaa laga lamaan jiddu'uu deebi'e ammallee Rabbi itti mudhatee eebbiseen. 10Rabbi, «Maqaan kee Yaaqoob; ammaa achi Yaaqoob jedhamee hin waamamin Israa'el haa jedhamuu malee» jedhee maqaa isaa «Israa'el» jedhee itti baase.#Ser. Uma. 32:28 11Rabbi Waandhi waa maraa danda'u ana; horii baay'adhu; baniinii fi mootonnillee gudeeda kee keessaa bayan.#Ser. Uma. 17:4-8 12Lafa Abrahaamii fi Yisaaqii kenne siillee kenna» jedheen. 13Rabbi hulee isa woliin itti dubbate gaara san irra ol baye. 14Yaaqoobillee hulee Rabbi isa woliin itti dubbate sanitti soodduu dhaabee isa irratti woyini'ii fi Sayitii itti buuse;#Ser. Uma. 28:18-19 15Yaaqoob hulee Rabbi isa woliin itti dubbate san «Beeteel» jedhee itti baase.

Raaheel Duute

16Beeteelii ka'anii hulee Efraataa jedhamu gawuu gayanitti Raaheel ciniinsifattee ciniinsu'uun rakkatte. 17Hennaa ciniinsuun isii rakkise ta deessiftu, «Hin sodaatin kunillee ilmaa» jetteen. 18Isiin hennaa du'uu geette maqaa daa'ima dhalatee «Beeni'oon#35:18 Beeni'oon Afaan Ibraayisxiitiin «Ilma gadda kiyyaa» jechu'u. » jettee itti baafte; abbaan ammo «Biiniyaam#35:18 Biiniyaam Afaan Ibraayisxiitiin «Biiniyaamiin» «Harka kiyya ka mirgaa» jechuu yoo ta'u «Ilma hiree misha'aa» jechu'u.» jedheen.

19Achiin maayessa Raaheel duutee karaa Efraataa fidu biratti Beeteliheemitti awwaalamte. 20Yaaqoob awwaala isi'ii irratti soodduu dhaabe; huleen sun haga adhaa soodduu awwaala Raaheeliiti. 21Israa'el achii ka'ee gamoo Gaadeer gama jiru duubatti daasee ijaare.

Ilmaan Yaaqoobii

(Sen. 1ffaa 2:1-2)

22Haga Israa'el biyya san taa'e Roobeel deemee Baalaa abbaan isaa mata gala itti galu bira gaye; waan kana Israa'el hin dhagaye. Ijoolleen Yaaqoobii kudha lama.#Ser. Uma. 49:4

23Ijoolleen Liya'aa ilmi hangafaa ka Yaaqoobii Roobeel,

Simoon, Leewwii, Yihuudaa,

Yisaakoorii fi Zaabilooniin fa'a.

24Ijoolleen Raaheelii Yooseefii fi Biiniyaam.

25Ijoolleen Baala'aa ta garbittii Raaheelii Daanii fi Niftaaleem.

26Ijoolleen Zalafa'aa ta garbittii Liya'aa Gaadii fi Aseer.

Kunniin ijoollee Sooriyaa keessatti laga lamaan jiddu'utti Yaaqoobii dhalatan.

Yisaaq Du'e

27Yaaqoob gara abbaa ufii Abrahaamii fi Yisaaqii gara lafa isaan galtuu ta'anii keessa jiraatanii gara lafa Maammire'ee, gara lafa Qiriyaat'arbaaqii, gara Keebroonii dhaqe.#Ser. Uma. 13:18 28Umuriin Yisaaqii dhibbaa fi saddeettama ta'e. 29Jaaree umurii quufee du'e; ijoolleen isaa Yaaqoobii fi Eesawu hin awwaalaniin.

Currently Selected:

Seera Uumamaa 35: KitWoy

Highlight

Copy