Hujii Ergamootaa 1

1 # Luq. 1:1-4 Teewofiloos! Ani waan Yesuus hojjachu'uu fi barsiisuu jalqabe maraa kitaaba kiyya ka jalqabaa keessatti sii barreesseera; 2sunillee waan haga guyyaa sami'itti ol fudhatamuutitti ergamtoota filatee fi ajaja karaa Ayyaana Woyyu'uutiin isaanii kennamteeti. 3#Yoh. 20:19-30; Qor. 1ffaa 15:4-8 Akkasuma guyyaa afurtamaaf waan jeennata Rabbii isaanitti hima'aa ragaa hedduun rakkinna fanno'ootiin maayii jiraataa ta'ee isaanitti uf mudhise. 4#10:41; Luq. 24:49; Yoh. 14:16; 15:26 Hennaa isaan woliin jiru akka Yerusaalemiin keessaa hin baane isaan ajaje. Haa ta'uu ammo, «Dubbii abdi'ii ka Aabba kenne ka hennaa ani dubbadhu na irraa dhageettan eegaa'a» 5#Mat. 3:11; Mar. 1:8; Luq. 3:16; Yoh. 1:33; Hu. Er. 2:4; 11:15-17 «Yohaannis bisaaniin cuuphee ture; isin ammo guyyaa hago'oon maayii Ayyaana Woyyu'uun cuuphamtan» jedhe.

Yesuus Gara Sami'ii Ol Fudhatame

6 # Luq. 19:11; 24:21 Isaan hennaa wol gayan, «Gooftaa kennaa! Hennaan mootummaa Israa'elii deebiftee dhaabdu ammaa?» jedhanii gaafatan.

7 # Mar. 13:32 Innillee deebisee, «Ji'oota fi woggoota Aabba baallii ufiitiin murteesse beekuun isinii hin kennamne. 8#5:32; Mat. 28:19; Mar. 16:15; Luq. 24:47-48; Yoh. 15:27 Haa ta'uu ammo hennaa Ayyaanni Woyyuun isin irratti bu'e hunna argattan; Yerusaalemii fi Yihuudaa maratti, Samaariya'aa haga daangaa lafaa ragaa kiyya taatan» jedhe. 9#Mar. 16:19; Luq. 24:50-51; Yoh. 6:62 Kana haga dubbateen maayii uduma isaan isa argan gara sami'ii ol fudhatame; duumessillee ija isaanii afo'oo isa dhosse.

10 # Luq. 24:4 Inni deemnaan gara sami'ii xiinxallanii uduu lala'aaran namoonni lamaan uffata adii uffatan ladda isaanii dhaabatanii, 11#Mat. 26:64; Luq. 21:27; Mudh. Yoh. 1:7 «Namoota Galiila'aa! maaf dhaabattanii gara sami'ii laaltan? Yesuusiin isin biraa gara sami'ii baye kun akkuma hennaa deemu argitan akkasuma deebi'ee dhufa» isaaniin jedhe.

Nama Bikka Yihuuda'aa Filame

12Kanaan maayessa gaara gaara ejersaa ka jedhamu irraa gara Yerusaalemii deebi'an. Gaarri kun Yerusaalemiin irraa deemsa guyyaa Sambataa (kiilomeetira tokko) ta'a. 13#Mat. 10:2-4; Mar. 3:16-19; Luq. 6:14-16 Hennaa seenan gara mana mana gubba'aa ol bayan; Pheexroos, Yohaannis, Yaaqoob, Indiriyaas, Filiphoos, Toomaas, Bertelomeewoos, Maatewoos, ilmi Ilfiyoosii Yaaqoob, ka hinaafaa jedhamu Simoonii fi Yihuudaa ilma Yaaqoobii fa'a. 14#2:1; Mat. 13:55; Luq. 24:53 Kunniin maruu dubartoota, haadha Yesuusii Maariyaamii fi obboleeyyan woliin yaada tokko ta'anii Rabbiin kadhachu'uun jabaatan.

15Hennaa san Pheexroos amantoota dhibbaa fi diddamaa wodhakkaa dhaabatee akkana jedhe, 16#Far. 41:9; Yoh. 13:18 «Amantoota! waan Yihuudaa worra Yesuusiin qabaniif masakkaa ta'ee wonti Ayyaanni Woyyuun afaan Daawitiitiin dursee dubbate dubbiin kitaabaa akka raawwatamuuf. 17Inni nu keessatti laakkayamee waan tureef, tajaajila kanaaf hiree argate. 18#Mat. 27:3-8 Namichi kun gatii hujii hammeennaan hojjatee argateen lafa bite; achumatti kallachaan gad kufee wodhakka'atti baqaqee madhumaan garaa isaa martinuu hin jige. 19Wonti kun worra Yerusaalemiin jiraatan maraa biratti hin beekkame. Kanaafuu lafti sun afaan isaaniitiin «Akeldaamaa» jedhamee waamame. Hiikkaan isaa, «Lafa dhiigaa» jechu'u.

20 # Far. 69:25; 109:8 Kitaaba faarfanna'aa keessatti,

‹Jireenni isaa lafa gammoojji'ii haa ta'u;

womaa keessa hin jiraatin›;

akkasuma, ‹Baallii isaa namni biraa haa fudhatuu› jedhamee waan barreeffameeruuf. 21#Mat. 3:16; Mar. 1:9; Luq. 3:21; 24:51 Kanaafuu cuuphaa Yohaannisiitii jalqabee haga guyyaa nu biraa ol bayeetitti bara Gooftaan Yesuus nu jidduu jiraate namoota nu woliin jiran keessaa, 22tokko nu woliin ragaa du'aa ka'uu isaa ta'uu barbaachisa. 23Kanaan maayessa Iyyoosxoos ka jedhame, Barsiyaanii Yooseef jedhamee fi Maatiyaasiin lamaan kanniin dhiyeessan. 24#15:8; Sam. 1ffaa 16:7; Luq. 16:15 Hennaa Rabbiin kadhatan, «Gooftaa'a! ati ka garaa nama maraa beettu hulee Yihuudaan dhiisee gara fedha ufii deeme saniif hujii ergamu'uu kana akka huju, 25#Far. 109:8 namoota lamaan filatte kanniin keessaa tokko muudi» jedhan. 26#Mam. 16:33 Achii isaan hixaa buusanii, hixaan Maatiyaasiin qabee inni ergamtoota kudha tokkoo keessatti laakkayame.

Currently Selected:

Hujii Ergamootaa 1: KitWoy

Highlight

Copy