ดอ โฆว 36

ลอง หลูกหลาน อาโซว

1อานี มูห ฌาราง หลูกหลาน อาโซว ตึอน.

2อาโซว แฮะ ดึห อีบึณ แคง อาโมยว ดูอี กานัณ. อู วี จืร นาง เอดา. อัน มูห ฆอน อาเอโลน อี มูห ดูอี อาโมยว เฮทีด. ปอ อู วี มูห นาง ออฮอลีบามา. อัน มูห ฆอน อานา. ดา อัน มูห อาฌีโบน, อี มูห อาโมยว ฮีวีด. 3อีบึณ อัน ปอ อู วี มูห นาง บาเซมาด อี มูห ฆอน อาซามาน. อีกัด อัน จืร อาเนยาโบด.

4นาง เอดา มึห ฆอน อี จืร อาเอลีพาด. นาง บาเซมาด มึห ฆอน อี จืร อาเรอูเอน. 5นาง โอวลีบามา วี มึห ฆอน อี จืร อาเยอูด, อายาลาม บอ อาโควรา. อาตี มูห ฆอน อีมาย อาโซว อี ฆึอด แคง มืง กานัณ.

6ปัน ตี อาโซว บอ ดึห อีบึณ อัน บอ ฆอน อีมาย เฆ ฆอน อีบึณ อัน บอ เฆ อึณโฮม อัน บอ เฆ มาบู มาแป บอ โดว ซัดดาวา อัน บอ โกรวกราม อัน ดอน โมยว ปี ปึอน อัน แคง มืง กานัณ ตึอน. อัน ดึห โตต, ฮาว ปอ อู มืง, แตห อัน กอย กาย็อห ดี วา อัน, อี จืร อาโกบ. 7แคะ มึห ฆาย ดอน โมยว, อึณ กืน กาเซา. อึณ ตู แตห ฆาย ปึอน กอย รึม อู โปละ. ฆาย มึห โดว ซัดดาวา กืน กาเซา. โคว, มืง โดง กอย เฆ แบน แคต, อึณ ตู ตาง แคะ ปี โลว เฆ. 8โคว, อาโซว ตึอน แฮะ ฮาว กอย แดง นอน เซอี. อาโซว บอ จืร อาเอโดม.

9อานี วี มูห ฌาราง เฆ หลูกหลาน อาโซว. อัน มูห ฆูณ อาโมยว อาเอโดม, อี กอย แดง นอน เซอี.

10เฆ ฆอน อีมาย อาโซว บอ จืร อาเอลีพาด อี มูห ฆอน นาง เอดา, อี มูห อีบึณ อาโซว. อึณ มูห อาเรอูเอน อี มูห ฆอน นาง บาเซมาด, อี มูห อีบึณ อาโซว ปอ อู วี.

11เฆ ฆอน อีมาย อาเอลีพาด ตึอน, เฆ จืร อาเทมาน, อาโอวมา, อาเฌโพว, อาฆาทาม บอ อาเคนาด. 12อึณ บอ มึห นาง ทีมานา อี มูห อีบึณ เตียะ อาเอลีพาด ตึอน, อี มูห ฆอน อาโซว. นาง ทีมานา ตี, อัน มึห ฆอน อี จืร อาเอลีพาด บอ อามาเลก. ดูอี เฆ ตี มูห หลูกหลาน นาง เอดา ตึอน, อี มูห อีบึณ อาโซว ปอ อู วี.

13เฆ ฆอน อีมาย อาเรอูเอน ยี จืร อานาฮัด, อาเฌนรา, อาซามา บอ อามีซา. ดูอี เฆ ตี มูห ฆอน อีมาย นาง บาเซมาด, อี มูห อีบึณ อาโซว ปอ อู วี.

14อานี วี มูห ฆอน อีมาย นาง ออฮอลีบามา อี มูห ฆอน อานา. อัน บอ มูห หลาน อาฌีโบน. ฆอน อัน บอ จืร อาเยอูด, อายาลาม บอ อาโควรา.

15เฆ หลูกหลาน อาโซว ตี แฮะ วี แบน ดา กาณา อี อึบ มืง. เฆ ฆอน อาเอลีพาด ตึอน, อี มูห ฆอน ดัง อาโซว, เฆ แฮะ แบน ดา กาณา แคง มืง เทมาน, มืง โอวมา, มืง เฌโพว, มืง เคนาด, 16มืง โควรา, มืง ฆาทาม บอ มืง อามาเลก. อา ตี มูห ดา กาณา อี มูห ฆอน อาเอลีพาด อี มูห ฆอน นาง เอดา. เฆ กอย แคง กาดาย มืง เอโดม.

17อานี อึณ วี มูห ฆอน อีมาย อาเรอูเอน. อาเรอูเอน ยี มูห ฆอน อีมาย อาโซว. บอ เฆ มูห ดา กาณา อี อึบ มืง. เฆ มูห ดา กาณา แคง มืง นาฮาด, มืง เฌรา, มืง ซามา บอ มืง อามีซา. อา ตี มูห ดา กาณา อี มูห ฆอน อาเรอูเอน อี กอย แคง มืง ตาง เอโดม. เฆ มูห หลาน นาง บาเซมาด, อี มูห อีบึณ อาโซว ตึอน.

18อานี บอ มูห ฆอน นาง ออฮอลีบามา อี มูห อีบึณ อาโซว ตึอน ปอ อู วี. อึณ มูห ดา กาณา มืง เยอูด, มืง ยาลาม บอ มืง โควรา. เฆ ดูอี ตี, เฆ แบน ดา กาณา อี มูห ฆอน นาง โอวลีบามา, อี มูห ฆอน อานา, บอ มูห อีบึณ อาโซว ตึอน.

19เฆ ดูอี ฌึร ตี มูห ฆอน อาโซว ตึอน บอ แบน ดา กาณา แคง มืง แบน มืง แบน มืง. เฆ กอย แคง มืง ตาง อี จืร มืง เอโดม.

20อานี อึณ วี มูห ฆอน อีมาย อาเซอี, อี มูห อาโมยว โฮวรีด. เฆ มูห ดูอี อี กอย แคง มืง ตึอน. เฆ จืร อาโลวทาน, อาโซวบาน, อาฌีโบน บอ อานา. 21อึณ มูห บอ อาดีโซน, อาเอเฌน บอ อาดีซาน. ดูอี เฆ ตี มูห ดา กาณา อี อึบ ดูอี อาโมยว โฮวรีด. เฆ บอ มูห ฆอน อีมาย อาเซอี อี กอย แคง มืง เอโดม.

22ฆอน อีมาย อาโลวทาน ตึอน จืร อาโฮวรี บอ อาโฮวมาน. วา อีบึณ อาโลวทาน อัน จืร นาง ทีมนา.

23ฆอน อีมาย อาโซวบาน เฆ จืร อาลาวาน, อามานาฮาด, อาเอบาน, อาเซโพว บอ อาโอวนาม.

24ฆอน อีมาย อาฌีโบน ตึอน ยี จืร อาเอยา บอ อานา. วี อี จืร อานา ตี, ดอ ฮาว บัร อัน มาลา ฆูณ อัน แคง แปร, อัน แฮะ กาตูณ อึม โตห อี ซีนัม ดาด กาเซา.

25ฆอน อีมาย อานา ตึอน, อัน จืร อาดีโซน. นาง ออฮอลีบามา ตึอน ยี มูห ฆอน อีบึณ อานา.

26ฆอน อีมาย อาดีโซน ตึอน, เฆ จืร อาเฮมาดาน, อาเอซาบาน, อายีทาราน บอ อาเคราน.

27เฆ ฆอน อีมาย อาเอเฌน ตึอน, เฆ จืร อาบีลาฮาน, อาซาวาน บอ อาคาน.

28ฆอน อีมาย อาดีซาน ตึอน บอ จืร อาอูด บอ อาราน. 29เฆ ดา กาณา อี อึบ อาโมยว ดูอี โฮวรีด, เฆ จืร อาโลวทาน, โซวบาน, ฌีโบน บอ อานา. 30อึณ บอ จืร บอ ดา กาณา อาดีโซน, อาเอเฌน บอ ดา กาณา อาดีซาน. ดา กาณา เฆ ตี มูห ดา กาณา อี อึบ อาโมยว ดูอี โฮวรีด อี กอย แคง มืง ตาง อี จืร มืง เซอี.

31แคง กาดาย มืง อี จืร เอโดม ตึอน, อึณ บอ มึห คูนดีคัม แบน กาดัง แบน กาดัง. ดอ อึบ เฆ แคง มืง ตี, แคง มืง อีซาเรลัะ ตึอน, เฆ หณัม มึห คูนดีคัม อี อึบ มืง เฆ.

32เฆ คูนดีคัม แคง มืง เอโดม ตึอน, เฆ จืร อาเบนลา อี มูห ฆอน อาเบโอว. อัน อึบ กาดาย มืง เอโดม. โดง กอย อัน อึณ จืร มืง ดีนฮาบา.

33คูนดีคัม อาเบนลา ตึอน แฮะ ฮอต ยัม, อาโยวบาบ วี แบน คูนดีคัม อี ปลูะ อัน. อาโยวบาบ ตึอน มูห ฆอน อาเฌนรา อี กอย มืง โบวฌารา.

34คูนดีคัม อาโยวบาบ แฮะ ฮอต ยัม, อาฮูซาม วี แบน คูนดีคัม อี ปลูะ อัน. อัน ตัห โดง กอย เฆ ดูอี เทมาน.

35คูนดีคัม อาฮูซาม ตึอน แฮะ วี ยัม, อาฮาดาด วี แบน คูนดีคัม อี ปลูะ อัน. อัน มูห ฆอน อาเบดาด. คูนดีคัม ตี แฮะ แป เฆ ดูอี มีดีอาน ดอ ลาย กาโฆห เฆ แคง โดง นา อี มูห โกรว อาโมยว ดูอี โมวอาบ. โดง กอย อัน, อึณ จืร มืง อาวีด.

36คูนดีคัม อาฮาดาด ตึอน แฮะ ฮอต ยัม, อาซามาลาด วี แบน คูนดีคัม อี ปลูะ อัน. อาซามาลาด ตึอน ตัห มืง มาซาเรคา.

37วาย อาซามาลาด ตึอน แฮะ ฮอต ยัม, อาซาอูน วี แบน คูนดีคัม อี ปลูะ อัน. คูนดีคัม อาซาอูน ตัห มืง เรโฮวโบด อี กอย ดี โคบ แบลง อึม อูพาราด. 38วาย คูนดีคัม อาซาอูน ตึอน แฮะ ฮอต ยัม, อาบาลัะฮานาน, อี มูห ฆอน อาซาโบด, อัน แบน คูนดีคัม อี ปลูะ อัน.

39แฮะ ฮอต, อาบาลัะฮานาน ตึอน, อี มูห ฆอน อาซาโบว, ดอ แฮะ วี ยัม อัน, อาฮาดาด วี แบน คูนดีคัม อี ปลูะ อัน. อัน กอย แคง มืง พาฆู. อีบึณ อัน จืร นาง เมเฮทาเบน. อัน มูห ฆอน อีบึณ อามาเทเรด บอ มูห หลาน อาเมซาฮาบ.

40อานี มูห จืร เฆ ดา กาณา อี มูห อาโมยว อาโซว. อึณ บยัะ แคง ฌาราง เฆ อี ลาย ดาม. อึณ บยัะ บอ โดง กอย เฆ บอ จืร เฆ.

อึณ มูห ดา กาณา อี อึบ มืง ทีมานา, มืง อาลาวา บอ มืง เยเทด, 41มืง ออฮอลีบามา, มืง เอลา บอ มืง พีโนน. 42อึณ มูห บอ ดา กาณา อี อึบ มืง เคนาด, มืง เทมาน, มืง มีบาฌา, 43มืง มากดีเอน บอ มืง อีราม.

เฆ ดา กาณา ตี อึบ มืง ปี ปึอน เฆ. อึณ มูห มืง อี กอย แคง มืง ตาง อี จืร มืง เอโดม. อาโซว ยี มูห ฆูณ ดัง เฆ ดอน โมยว อี กอย แคง มืง เอโดม ตึอน.

Currently Selected:

ดอ โฆว 36: pce

Highlight

Copy