ดอ โฆว 10

ลอง ดูอี แบน โมยว แบน โมยว

1คา นี ดี วี กาลาง ลอง หลูกหลาน อาโนว. เฆ ฆอน อีมาย อาโนว อี จืร อาเซม, อาฮาม บอ อายาเพด, เฆ โอย วี ตี วี มึห ฆอน อีมาย วาย อึม แฮะ ฮอต อึณปูน กาดาย.

2ฆอน อีมาย อายาเพด บอ จืร อาโฆม, อามาโฆวกัะซีด, อามาดาย, อายาว, อาทูบา, อาแมซีด บอ อาทีราด.

3ฆอน อีมาย อาโฆม วี จืร อาเคนาด, อารีบ, อาโทวฆราม.

4ฆอน อีมาย อายาว บอ จืร อาลีซา, อาทาซีด, อาคีทีม บอ โรวดานีม.

5หลูกหลาน เฆ ดูอี ฌึร ตี, เฆ แฮะ แบน อาโมยว ดูอี อี กอย กาตัด อึม นัมมูกซารา. เฆ ดูอี ตี มูห หลูกหลาน อายาเพด ตึอน. เฆ แฮะ วี แบน อาโมยว ดูอี, อู โมยว กอย อู มืง บอ อู โมยว กาลาง อู โฆรห. เฆ ดอน โมยว บอ มึห ครึร เฆ, อาโมยว เฆ.

6ฆอน อีมาย อาฮาม ตึอน บอ จืร อากูซา, อามีราด, อาพูด บอ อากานัณ.

7ฆอน อีมาย อากูซา ตึอน บอ จืร อาเซบา, อาฮาวีลัะ, อาซาบดา, อารัะมา บอ อาซาบเทคา.

ฆอน อีมาย อารัะมา บอ จืร อาซาบา ฆาย อาเดดาน.

8อากูซา วี มึห ฆอน อี จืร อานีม. อานีม แฮะ มูห ดา ซึก อี กยัะ ดี กาโฆห บอ มึห ปวน ตาง แดง กาดาย. 9เฌาพรา แฮะ แตห อัน กยัะ ดี เหมต โดว แปร. โคว อัน ตี เฆ ดูอี บอ นับ ดี ต็อห ลอง อี เฮา, “อัน ปี อานีม ตึอน. เฌาพรา แฮะ แตห อัน เหมต โดว ซัด, แฮะ แตห อัน กยัะ.” 10มืง ปี อึบ อานีม ตึอน มูห มืง บาแบ ฆาย มืง เอเรด. อึณ มึห บอ มืง เอกาด เฆ มืง กาเลน อี กอย แคง กาดาย มืง อี จืร มืง ชีนา. อัน อึบ โตต มืง เฆ ตี. 11อัน แฮะ ฮอต อึบ มืง เฆ ตี, อัน วี เลห ฮาว อึบ มืง อาซูรา. อัน มืร แด มืง กามาย. มืง เฆ ตี บอ จืร มืง นีนีเว, มืง เรโฮวโบดอีรัะ บอ มืง เกลัห. 12อัน มืร แด บอ มืง เรเซน. มืง เรเซน ตี, อึณ กอย กาแต มืง นีนีเว ฆาย มืง เกลัห ตึอน. มืง ตี มูห มืง ตาง.

13อามีราด ตึอน วี มึห ฆอน อี แบน อาโมยว ดูอี แบน โมยว. อึณ มูห อาโมยว ดูอี ลูดีด, อาโมยว ดูอี อานามีด, อาโมยว ดูอี เลฮาบีด, อาโมยว ดูอี นาทูฮีด, 14อาโมยว ดูอี พาโทซีด, อาโมยว ดูอี คาโพรีด บอ เฆ ดูอี คาซูฮีด ตี แฮะ แบน ฆูณ มา เฆ ดูอี พีลีที. เฆ ดอน โมยว ฌึร ตี, เฆ มูห หลูกหลาน ดา อามีราด ตึอน.

15อากานัณ ตึอน มึห ฆอน ฆีณ อี จืร อาซีโดน. บอ อาเฮด มูห ฆอน อีมาย อากานัณ. 16บอ เฆ ดูอี เยบูซีด, ดูอี อาโมวรีด, ดูอี ฆีฆาซีด, 17ดูอี ฮีวีด, ดูอี อาคีด, ดูอี ซีนีด, 18ดูอี อาราดีด, ดูอี เฌมารีด, บอ เฆ ดูอี ฮามาทีด, เฆ บอกาเฆลียด มูห หลูกหลาน อากานัณ ตึอน.

19อาโมยว ดูอี เฆ ตี, เฆ อี มูห หลูกหลาน อากานัณ ตึอน, เฆ วี ฮาว กอย แบน โปละ แบน โปละ. เฆ วี ฮาว กอย แคง มืง ซีโดน กอ ฌัม มืง ฆีราด, มืง ฆาซา บอ มืง โซวโดม ฆาย มืง โฆวโมว, มืง ดามา, มืง เฌโบวยีม บอ มืง เลซา. มืง ตี ดอน มืง แฮะ แบน โดง กอย เฆ.

20อา ตี มูห ฆอน อีมาย ดา อาฮาม ตึอน. เฆ แฮะ กาย็อห แบน อาโมยว ดูอี แบน โมยว แบน โมยว. เฆ บอ มึห โฆรห แบน โมยว แบน โมยว. ดูอี ดอน โมยว บอ มึห มืง อัน.

21บอ อาเซม ตึอน มึห ฆอน อีมาย. อัน แฮะ แบน ฆูณ ดัง อาโมยว อาเอบา. อาเอบา มูห อีกัด อายาเพด. เฆ บอกาเฆลียด แฮะ แบน ฆูณ ดัง อาโมยว ดูอี แฮแบร.#10:21 กาบัก นี อาว ลึห ซีคยา แคง โฆรห แฮแบร

22เฆ ฆอน อีมาย อาเซม จืร อาเอลัม, อาซูรา, อาพาซาด, อาลูด บอ อาราม.

23เฆ ฆอน อีมาย อาราม ตึอน จืร

อาอูด, อาฮูน, อาเฆด บอ อาแมซีด.

24อาพาซาด วี มึห ฆอน อี จืร อาเซลา. อาเซลา วี มึห ฆอน อี จืร อาเอบา.

25อาเอบา ยี มึห ฆอน อีมาย อา วี.

อู วี จืร อาเพเล.#10:25 ‘อาเพเล’ แคง โฆรห แฮแบร, ลอง ดาง อัน มูห ‘กาย็อห’ โคว, ดอ กอย อัน กาดาย กาย็อห. วา อัน จืร อาโยวกาทาน.

26อาโยวกาทาน ตึอน วี มึห ฆอน อี จืร

อาโมวดาด, อาเซเลบ, อาฌามาเวด บอ อาเยราด, 27อาฮาโดม, อาอูซาน บอ อาดีคา, 28อาโอวบาน, อาบีมาเอน บอ อาเซบา, 29อาโอวพี, อาฮาวีลัะ บอ อาโยวบาบ. ดูอี เฆ ตี ดอน อี แฮะ มูห ฆอน อีมาย อาโยวกาทาน ตึอน.

30โดง กอย เฆ ดูอี ฌึร ตี, อึณ จูห ดี มืง เมซา, ฮาว ฌัม มืง เซพา. แฮะ ฮอต, อึณ กอ วี โฮะ ฌัม ดี นอน อี กอย นา เลห ซีแง.

31อาตี แฮะ มูห โตต เฆ ฆอน อีมาย อาเซม บอ หลูกหลาน อัน อี กาลาง โฆรห แบน โมยว แบน โมยว, อี กอย แคง มืง เหมา มืง อัน.

32เฆ ดูอี ฌึร ตี อี แดม อูน แคง ฌาราง นี, เฆ มูห โตต หลูกหลาน อาโนว ตึอน. เฆ แฮะ วี แบน ครึร แบน ครึร, แบน โมยว แบน โมยว. วาย อึม ตาง ตึอน แฮะ ปูน กาดาย, เฆ วี แบน ดูอี อาโมยว กืน, ดูอี อาโมยว ตาง. เฆ อี กอย แดง กาดาย วาย อึม แฮะ ปูน กาดาย, เฆ บอกาเฆลียด แฮะ แบน หลูกหลาน ดูอี เฆ ตี.

Currently Selected:

ดอ โฆว 10: pce

Highlight

Copy