Lukas 1
1
Kumsada
1Siñor#At 1.1 Teófilu, manga di jinti buska manera di skirbi storia di ke ku kontisi na no metadi. 2E skirbi ke ku utrus kontanu ku matiba#Mar 1.1; Jon 15.27; Eb 2.3; 1 Ped 5.1; 2 Ped 1.16; 1 Jon 1.1-3 disna di kumsada, ku sedu ja pursoris de palabra. 3Asin, Siñor, manera ku N punta tok N paña pe di tudu e kontisimentus disna di kumsada, N oja kuma N dibi di skirbiu pa N kontau na ordi, 4pa bu pudi paña pe diritu#Jon 20.31 di kusas ku bu kontadu ja.
Anju konta kuma Jon na padidu
5Oca Erodis#Mat 2.1 seduba rei di Judeia, i tenba un saserdoti ku comadu Zakarias ku pertensiba grupu di saserdotis di#1 Kron 24.10,19; Ne 12.4,17 Abias. Si minjer i di jorson di saserdoti Aron. Si nomi i Isabel. 6Elis tudu dus e ta yandaba diritu dianti di Deus; e ta guardaba mandamentu ku lei di Siñor; ningin ka pudi culi elis dedu. 7E ka teneba fiju, pabia Isabel i sebadu. Elis tudu dus e teneba idadi avansadu.
8Un dia Zakarias tenba sirvis; i na fasi si tarbaju#2 Kron 8.14; 31.2 di saserdoti dianti di Deus. 9Konformi kustumu di saserdotis i kujidu pa sorti pa i yentra na lugar sagradu di Siñor pa kema#Sai 30.1,7-8; 1 Sam 2.28; 1 Kron 23.13; 2 Kron 29.11; Apok 8.3-4 nsensu. 10Tudu multidon di jinti staba fora; e na ora na ora di nsensu.
11Zakarias oja un anju di Siñor sikidu na ladu direita di altar di nsensu. 12Oca ki ojal, i panta, i fika#Kap 1.29; 2.9; Dan 10.8; At 10.4; Apok 1.17 ku medu. 13Anju falal: “Ka bu medi, Zakarias, pabia bu orason obidu. Isabel bu minjer i na padi un fiju macu; bu na pul nomi di Jon. 14Bu na sinti kontentamentu#Kap 1.58 ku alegria. Manga di jinti na kontenti ora ki padidu, 15pabia i na sedu algin garandi#Mat 11.11 dianti di Siñor. I ka na bibi biñu#Kap 7.33; Num 6.2-4; Ŝef 13.4 nin bibida forti. Spiritu Santu na sta nel desdi bariga#Jer 1.5; Gal 1.15 di si mame. 16I na pui manga di fiju di Israel riba pa Siñor se Deus. 17I na bai dianti di Siñor na spiritu ku puder#Mal 4.5-6; Mat 11.14 di Elias, pa torna korson di papes pa fijus, pa pui brabus pa e pensa suma bon jinti, pa i pudi purpara pobu di Siñor pa e sta pruntu pa el.”
18Zakarias punta anju: “Kuma ku N pudi ten sertesa des? Ami N beju; ña minjer tambi i tene idadi#Kum 17.17 avansadu.”
19Anju ruspundi i falal: “Ami i Gabriel#Kap 1.26; Dan 8.16; 9.21; Mat 18.10; Eb 1.14 ku ta sta dianti di Deus pa sirbil. I mandan pa N papia ku bo, pa dau e bon noba, 20ma suma ku bu ka fia na ña palabra, bu na fika mudu; bu ka na pudi papia#Kap 1.64; Ez 3.26; 24.27 te tempu ku e kusa kontisi, pabia i ten ku sedu na tempu markadu.”
21Pobu na peraba Zakarias, e dimira suma ki tarda na lugar sagradu. 22Oca ki sai, i ka pudiba papia. E ntindi janan kuma i oja vison na lugar sagradu. I na papia ku elis ku sinal, ma i fika mudu.
23Oca si dias di#1 Kron 9.25 tarbaju na kasa di Deus kaba, Zakarias riba pa kasa. 24I pasa un tempu, Isabel si minjer paña bariga. I fika son dentru sinku mis, i fala: 25“Siñor fasin garandi kusa; i jubi pa mi, i tiran ña borgoña#Kum 30.23 dianti di jinti.”
Anju konta kuma Jesus na padidu
26Oca ku bariga di Isabel na bai ja pa seis mis, Deus manda anju Gabriel pa prasa di Galileia ku comadu Nazaré, 27pa un bajuda ku tene nomi di Maria, ku staba pa kasa ku un omi#Mat 1.18 ku comadu José, di jorson di Davi. 28Anju yentra nunde ki staba, i falal: “Minjer sortiadu, N dijau pas. Siñor sta#Ŝef 6.12 ku bo, i mostra garandi fabur pa bo.”
29Oca ku Maria obi ki palabra, i panta#Kap 1.12 dimas; i na kuda nos kila i kal koldadi manteña. 30Anju falal: “Maria, ka bu medi, pabia bu oja fabur dianti di Deus. 31Jubi, bu na paña bariga, bu na padi#Is 7.14; Mat 1.21 un fiju, bu na pul nomi di Jesus. 32I na sedu algin garandi, i na comadu Fiju#Mar 5.7 di ki Deus ku sta riba di tudu. Siñor Deus na dal renu#2 Sam 7.13; Is 9.6-7; Jer 23.5 di Davi, si pape di antigu. 33I na rena pa sempri riba di jorson di Jakó. Si renu#Dan 2.44; 7.14,27; Mik 4.7; Eb 1.8; 2 Ped 1.11; Apok 11.15 ka na kaba.”
34Maria punta anju: “Kuma ku es pudi sedu suma ku N ka kunsi omi inda?”
35Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu#Mat 1.20; 14.33; Mar 1.1; Jon 1.34; 20.31; At 8.37; Rom 1.4 Fiju di Deus. 36Jubi, Isabel tambi, bu parenti, i paña bariga na si bejisa. Jinti fala kuma i ka ta padi, ma i sta ja na mis di seis. 37I ka ten nada#Kap 18.27; Kum 18.14; Jer 32.17; Mat 19.26; Rom 4.21 ku Deus ka pudi fasi.”
38Maria fala: “Alin li, ami i servu di Siñor. Pa i kontisi na mi suma ku bu fala.” Anju bai, i disal.
Maria bai visita Isabel
39Na ki dias Maria lanta, i bai dipresa pa ladu di montaña, pa un prasa di Judá, 40i yentra na kasa di Zakarias, i fala Isabel manteña. 41Oca ku Isabel obi manteña di Maria, mininu salta dentru di si bariga. Spiritu Santu inci Isabel na ki ora; 42i grita ku vos altu, i fala: “Abo i sortiadu#Kap 1.28,48; Ŝef 5.24 mas di ki tudu minjeris. Fiju ku bu na padi i sortiadu. 43Ami i kin, pa mame di ña Siñor bin visitan? 44Oca ku N obi bu manteña, mininu salta di alegria dentru di mi. 45Sortiadu i kil ku fia, pabia kusas ku Siñor kontal ten ku sedu.”
Kantiga di Maria
46Maria fala:
“Ña korson#1 Sam 2.1; Sal 34.2-3; 35.9; Ab 3.18 na mostra garandesa di Siñor;
47ña spiritu i kontenti ku Deus ña Salbadur,
48pabia i lembra di mi, si servu#1 Sam 1.11; Sal 138.6 umildi.
Disna di gosi tudu jinti na ba ta coman#Kap 1.28,42; Kap 11.27-28 ‘Sortiadu’,
49pabia Deus di puder fasin garandi#Sal 71.19; 126.2-3 kusas;
si nomi#Sal 111.9 i santu.
50I na ten pena di kilis#Kum 17.7; Sai 20.6; Sal 103.17; Ef 2.4 ku rispital,
ku se fijus pa dianti.
51Ku si mon i fasi kusas garandi#Sal 98.1; 118.15; Is 51.9; 52.10 ku mostra si puder.
I pajiga kilis ki garandiosu,
ku planus di se korson.
52I tira reis#1 Sam 2.5-6; Jo 5.11 di se tronus; i yalsa mansus.
53I inci#Sal 34.10 fomentis di bon kusas;
i serka rikus ku mon limpu.
54I bin juda Israel#Sal 98.3 si servu,
suma ki falaba no papes antigu.
55I lembra#Kum 17.19; Rom 11.28; Gal 3.16 di mostra si pena pa Abraon,
ku fijus di si fijus pa sempri.”
56Maria fika ku Isabel kuas tris mis; dipus i riba pa si kasa.
Jon Batista padidu
57Oca ku tempu ciga, Isabel padi un fiju macu. 58Oca ku si visiñus ku si parentis obi di garandi bondadi ku Deus fasi pa el, elis tudu ku Isabel e fika#Kap 1.14 kontenti.
59Oca ku mininu ten oitu dia#Kum 17.12; Sir 12.3 ki padidu, e bin pa sirkunsidal. E mistiba pul nomi di si pape Zakarias, 60ma si mame ruspundi i fala elis: “Nau, i na comadu#Kap 1.13 Jon.”
61E falal: “Bu ka tene ningin na bu familia ku tene ki nomi.” 62E punta si pape ku sinal kuma ki misti pa mininu comadu. 63I pidi un taguasiñu, i skirbi: “Si nomi i Jon.” Tudu jinti fika dimiradu. 64Ki ora si boka#Kap 1.20 yabri, si lingua yalsa; i kumsa na papia, i na ngaba Deus. 65Tudu si visiñus fika ku medu. Noba de kusas spaja pa tudu reẑion di montaña di Judeia. 66Kilis ku obil e ta fika e na kuda, e ta punta: “Ke ku e mininu na bin sedu?” Mon di Siñor staba riba del.
Kantiga di Zakarias
67Spiritu Santu yentra na Zakarias, pape di mininu, i pui palabra na si boka. Zakarias fala:
68“No ngaba Siñor Deus#Sal 41.13; 111.9 di Israel,
pabia i bin visita si pobu, i liberta elis.
69I lantanda pa nos un Salbadur ku ten garandi puder
di jorson#Is 11.1; Jer 23.5-6; 33.15 di si servu Davi.
70Disna di tempu antigu i konta
na boka di si santu anunsiaduris
71kuma, i ta libranu di no inimigus,
ku mon di kilis ku odianu;
72kuma, i ta mostra pena pa no papes;
i ta lembra#Sir 26.42; Sal 98.3; Ez 16.60 di si santu kontratu,
73ku juramentu ki fasi pa Abraon,#Kum 12.2-3; 17.4 no pape antigu.
74I jurmenta kuma i ta libertanu di mon di no inimigus,
pa no pudi sirbil#Rom 6.18; Eb 9.14 sin medu,
75pa no sedu puru#2 Kor 7.1; Ef 4.24; 1 Tes 4.3-4; 2 Tes 2.13; Titu 2.12; Eb 12.14; 1 Ped 1.15 i justu si dianti
tudu dias di no vida.
76Abo, ña fiju, bu na comadu#Mat 14.5 anunsiadur
di Deus ku sta riba di tudu,
pabia bu na bai dianti#Kap 1.17; Is 40.3; Mal 3.1; 4.5 di Siñor
pa purpara si kamiñu,
77pa da si pobu kuñisimentu di salbason
ku purdon#Kap 3.3; 24.47 di se pekadu.
78Suma no Deus ten garandi pena ku amor, e ku manda
sol di mandrugada#Mal 4.2; 2 Ped 1.19 di seu na lanta riba di nos,
79pa numia#Kap 2.32; Is 9.2; 42.7; Mat 4.16; At 26.18 kilis ku sinta na sukuru,
na sombra di mortu,
pa gia no pe na kamiñu di pas.”
80Mininu kirsi, i fika kada bias mas forti#Kap 2.40 na spiritu. I ta moraba na#Mat 3.1; 11.7 lala, te dia ki parsi dianti di pobu di Israel.
Currently Selected:
Lukas 1: povB
Highlight
Share
Copy
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
