Jon 9

Jesus kura un omi ku padidu segu

1Jesus na pasa, i oja un omi ku padidu segu. 2Si disipulus puntal: “Rabi, kin ku peka#At 28.4 pa es algin padidu segu? I el propi, o si papes?” 3Jesus ruspundi elis: “I ka pabia di si pekadu o pekadu di si papes ku manda i segu, ma i sedu asin pa Deus#Kap 11.4 pudi mostra si puder nel. 4I pirsis pa N fasi tarbaju#Kap 4.34; 11.9; 12.35 di kil ku mandan nkuantu i dia; noti na bin, ora ku ningin ka na pudi tarbaja. 5Nkuantu N sta na mundu, ami i lus#Kap 1.4-5 di mundu.”

6Dipus di fala e palabra, i kuspi#Mar 7.33; 8.23 na con; ku si kuspiñu i fasi un lamasiñu, i untal na uju di ki segu, 7i falal: “Bai, bu laba na lagua di#Is 8.6 Siloé” (ku signifika mandadu). I bai,#2 Re 5.14 i laba; dipus i riba; si uju yabri, i kumsa na oja.

8Si visiñus ku jinti ku kunsilba ocal segu e punta: “Es i ka ki omi segu ku ta sintaba i na pidi simola?” 9E ruspundi e fala: “I el propi.” Utrus fala: “I parsi nan ku el.” Omi fala: “I ami.” 10E puntal: “Kuma ku bu uju yabri?” 11I ruspundi: “Ki omi comadu Jesus fasi lama, i untan na uju, i falan pa N bai laba na lagua di Siloé. N bai, N laba; ña uju yabri.” 12E puntal: “Nunde ki sta nel?” I ruspundi: “N ka sibi.”

13E leba ki omi ku segu ba dianti di fariseus. 14Oca Jesus fasi lamasiñu, i yabril uju, i seduba dia di diskansu. 15Fariseus punta ki omi kuma ki yanda si uju yabri. Omi ruspundi elis: “I pun lama na uju; N laba, N kumsa na oja.”

16Utru fariseus fala: “Ki omi ku fasi e kusa i ka di Deus, pabia i ka ta guarda dia di diskansu.” Utrus punta: “Kuma ku un omi mau pudi fasi#Kap 3.2 e sinal?” Asin i kumsa na ten disavensa#Kap 6.52 entri elis. 17E torna punta segu: “Abo, ke ku bu ta fala di kil ku kurau?” I ruspundi: “I#Kap 4.19 anunsiadur.”

18Ŝefis di judeus ka fia kuma ki omi i segu ba, ma gosi i na oja, tementi e ka coma si mame ku si pape. 19E punta elis: “E omi i bo fiju ku bo fala i padidu segu? Kuma ki na oja gosi?” 20Si pape ku mame ruspundi: “No sibi kuma e omi li i no fiju, i padidu segu, 21ma no ka sibi kuma ki yanda i na oja gosi, o kin ku kural uju no ka sibi. El i garandi. Bo puntal; el propi i ta konta bos.” 22Si pape ku si mame fala e kusas pabia e tenba medu di ŝefis di judeu, pabia ŝefis rumaba ja kuma, si algin diklara kuma Jesus i Mesias, i ta tujidu yentra na kasa di#Kap 9.34; 16.2 juntamentu. 23E ku manda pape ku mame di ki omi fala: “El i garandi; bo puntal el propi.”

24E coma pa sugundu bias ki omi ku segu ba, e falal: “Konta bardadi dianti di Deus.#9.24 Konta bardadi dianti di Deus: Lingua gregu fala: “Da Deus gloria.” (Jos 7.19) Anos no sibi kuma ki omi ta fasi mal.” 25Omi ruspundi: “Si el i ta fasi mal, ami N ka sibi. Ami N sibi son kuma, N segu ba ma gosi N na oja.” 26E torna puntal mas: “Ke ki fasiu? Kuma ki yabri bu uju?” 27I ruspundi elis: “N konta ja bos; bo ka obi. Pa ke ku bo misti torna obi mas? Abos sertamenti bo misti sedu si disipulus tambi!” 28Pabia di ki palabra e kobal, e falal: “Disipulu del i abo. Anos no sedu disipulus di Moisés. 29No sibi kuma Deus papia ku Moisés, ma es, nin no ka sibi#Kap 8.14 i di nunde.” 30Ki omi ruspundi elis: “Ali ku purblema sta! Bo ka sibi el i di nunde, ma i el ku yabrin uju! 31No sibi kuma Deus ka ta obi#Jo 35.12; Sal 34.15; Dit 15.29; 28.9; Is 1.15; 1 Ped 3.12 kilis ku ta fasi mal, ma i ta obi algin ku rispital, ku ta fasi si vontadi. 32Disna di kumsada di mundu nunka ningin ka obi kuma algin yabri uju di kil ku padidu segu. 33Si ki omi ka sedu di Deus, i ka na pudi fasi nada.” 34Ŝefis di judeu ruspundil: “Abo bu padidu na pekadu, bu misti gora nsinanu?” E serkal na kasa di juntamentu.

Segu na spiritu

35Jesus obi kuma e serkal. Oca i kontra ku el i puntal: “Bu seta Fiju di omi?” 36I ruspundi: “El i kin, Siñor, pa N setal?” 37Jesus ruspundil: “Bu ojal ja. I el ku na papia#Kap 4.26 ku bo.” 38Ki omi ruspundi: “N setau, Siñor.” I mpina, i adoral.

39Jesus fala: “Ami N bin e mundu pa#Kap 5.22,27 julga, pa kilis ku ka ta oja pa e oja; kilis ku ta oja pa e bida segu.” 40Utru fariseus ku staba juntu ku Jesus e obi, e puntal: “Nta anos tambi no segu?” 41Jesus fala elis: “Si bo segu ba, bo ka ta teneba#Kap 15.22,24 pekadu, ma suma gosi bo na fala kuma bo na oja, e ku manda bo na fika ku bo pekadu.”

Currently Selected:

Jon 9: povB

Highlight

Copy