Jon 14

Jesus i kamiñu pa Deus

1I kontinua fala elis: “Bo diskansa bo korson tarpajadu. Suma bo fia na Deus, bo fia tambi na mi. 2Kasa di ña Pape tene manga di#2 Kor 5.1 moradia; si i ka asin ba, N na kontaba bos. N na bai purpara bos lugar. 3Si N bai purpara bos lugar, N na bin utru#At 1.11; 1 Tes 4.15-17; Apok 22.12,20 bias, N na leba bos pa mi propi, pa nunde ku N sta#Kap 12.26 nel, bo ta sta la tambi. 4Abos propi bo sibi nunde ku N na bai; bo kunsi kamiñu pa ki kau.”

5Tome falal: “Anos no ka sibi nunde ku bu na bai; kuma ku no pudi kunsi kamiñu?” 6Jesus falal: “Ami i kamiñu,#Eb 9.8 ami i bardadi,#Kap 1.17; 8.32 ami i vida.#Kap 1.4 Si algin misti bin pa ña Pape, i ten ku pasa#Kap 10.9 purmeru na mi. 7Si bo kunsinba, bo na kunsiba#Kap 8.19 ña Pape; disna di gosi bo kunsil; bo ojal ja.”

8Filip falal: “Siñor, si bu mostranu bu Pape, i ta justa.” 9Jesus falal: “Filip, N sta manga di tempu ku bos; bo ka kunsin inda? Kin ku#Kap 12.45; Kol 1.15; Eb 1.3 ojan, i oja ña Pape. Kuma ku bu na falan pa N mostra bos ña Pape? 10Bu ka fia kuma ami N sta na ña Pape, ña Pape sta#Kap 5.19; 10.38; 12.49 na mi? Palabras ku N fala bos, N ka ta falal di mi propi, ma ña Pape ku sta na mi, i el ku ta fasi e kusas ku ami N na fasi. 11Bo fia na mi kuma N sta na ña Pape, ña Pape sta na mi. Bo fia na mi, nin si i son pabia di milagris ku N ta fasi. 12N na fala bos bardadi, kin ku fia na mi i ta fasi tambi e kusas ku N ta fasi; i ta fasi inda mas garandi#Mat 21.21 di ki esis, pabia ami N na bai pa ña Pape. 13Tudu kusa ku bo pidi#Kap 15.16; 16.23-24; Mat 7.7; Mar 11.24; Tia 1.5; 1 Jon 5.14 na ña nomi, N ta fasil, pa ña Pape pudi glorifikadu na si Fiju. 14Si bo pidi kualker kusa na ña nomi, N ta fasil.

15“Si bo aman, bo ta obdisi#Kap 14.21,23; 1 Jon 5.3 ña mandamentus. 16N na pidi ña Pape; el i ta da bos utru Judadur#Kap 14.26; 15.26; Rom 8.26 ku na fika ku bos pa sempri, 17ku sedu Spiritu di bardadi#Kap 16.13; 1 Jon 2.27; 4.6; 5.6 ku jinti ku ka kunsi Deus ka pudi risibi, pabia e ka ta nota pa el, nin e ka kunsil; ma abos bo kunsil, pabia i mora ku bos; i na sta na bos.

18“N ka na disa bos dingidu; N na riba pa bos. 19Mas un bokadu, jinti di mundu ka na#Kap 16.16 ojan, ma abos bo na ojan. Suma ami N sta bibu, abos tambi bo na#1 Kor 15.20 bibu. 20Na ki dia bo na sibi kuma ami N sta na ña#Kap 14.10 Pape, abos na mi, ami na bos. 21Kin ku tene ña mandamentus, i obdisi#Kap 14.15,23 elis, i el ku aman. Kin ku aman, ña Pape tambi ta amal; ami N ta amal, N ta mostral ami i kin.”

22Judas#Luk 6.16 (ki ka Iskariotis) puntal: “Siñor, kuma ku bu na pui pa no ojau, bu ka pui pa jinti di mundu ojau?” 23Jesus ruspundil: “Si algin aman, i ta obdisi ña palabra; ña Pape ta amal; no ta bin pa el, no mora#Kap 14.15; 1 Jon 2.24; 4.16; Apok 3.20; 21.3 ku el. 24Kin ku ka aman i ka ta obdisi ña palabra. Palabra ku bo obi i ka di#Kap 7.16 mi, ma i di ña Pape ku mandan.

25“N konta bos e kusas nkuantu N sta ku bos. 26Ki Judadur, ku sedu Spiritu Santu ku ña Pape na manda#Luk 24.49 na ña nomi, i na bin nsina#Kap 2.22; 1 Jon 2.20,27 bos tudu kusas; i na fasi bos lembra tudu kusas ku N fala bos. 27N na disa bos ku#Kap 16.33; Is 9.6; Fil 4.7; Kol 3.15 pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi. 28Bo obi ke ku N fala bos, kuma N na bai, N na bin bin#Kap 14.3,12,18 pa bos. Si bo aman di bardadi, bo ta kontenti suma ku N fala bos kuma N na bai pa ña Pape, pabia el i mas mi#1 Kor 11.3 puder. 29N na fala bos e kusa gosi antis#Kap 13.19 di i kontisi, pa ora ki kontisi, bo ta fia. 30N ka na papia ciu ku bos, pabia ŝef de mundu#Kap 12.31 pertu ja; i ka tene nada riba di mi. 31I pirsis pa jinti di mundu sibi kuma N ama ña Pape, tambi N ta fasi kil#Fil 2.8; Eb 5.8 ki mandan. Bo lanta, no sai di li.

Currently Selected:

Jon 14: povB

Highlight

Copy