Atus 16

Timótiu junta ku Paulu ku Silas

1I ciga na Derbi#Kap 14.6 ku Listra. I staba la un krenti ku comadu#Kap 19.22; Rom 16.21; 1 Kor 4.17; 16.10; 2 Kor 1.19; Fil 2.19; 1 Tes 3.2; 1 Tim 1.1; 2 Tim 1.2,5; Eb 13.23 Timótiu, fiju di un minjer judeu, krenti, ma si pape i gregu. 2Tudu ermons ku staba na Listra ku Ikóniu e daba bon tustumuñu del. 3Paulu mistiba lebal ku el; i tomal, i sirkunsidal pabia di judeus#1 Kor 9.20; Gal 2.3-4; 5.2-3 ku staba na ki lugar, pabia e sibi tudu kuma si pape i gregu. 4Ora ke na pasa na kada prasa, e ta ntregaba ermons ki regras#Kap 15.28-29 pa e obdisi, ku apostolus ku garandis na Jerusalen pui. 5Asin igreẑas fika e na bida mas forti#Kap 15.41; Jud 20 na fe; kada dia e na aumenta na numeru.

Vison di Paulu na Troas

6E kortela Fríẑia ku reẑion di Galásia. Spiritu Santu tuji elis konta palabra na Asia. 7Oca e ciga frontera di Mísia, e mistiba bai pa Bitínia, ma Spiritu di Jesus ka disa elis. 8E pasa na Mísia, e ciga na#Kap 20.5-6; 2 Kor 2.12; 2 Tim 4.13 Troas. 9Na ki di noti Paulu oja un#Kap 2.17; 10.3,11 vison. Un omi di Masedonia staba sikidu si dianti, ku pidil i falal: “Bin pa Masedonia, bu judanu.” 10Oca ki tene e vison, logu#Sal 119.60; Ekl 9.10; Rom 12.11 no buska pasaju pa bai Masedonia. No oja kuma Siñor comanu pa no konta elis Bon Noba.

Lidia konverti na Fílipus

11No mbarka na Troas, no bai diritu pa Samotrásia. Sol mansi, no ciga Neápolis. 12Di la no bai pa Fílipus, prasa mas importanti na ki parti di Masedonia; i un kolonia di Roma. No fika la puku dia.

13Na dia di diskansu no sai na porton di prasa pa roda di riu, nunde ku no kuda kuma i pudi ten un lugar di orason. No sinta, no na papiaba ku minjeris ku junta la. 14Un minjer ku comadu Lidia, di prasa di#Apok 2.18 Tiatira, bindidur di fazenda purpura, ku ta adoraba Deus, i na sukutanuba. Siñor yabril korson pa i pui sintidu na kil ku Paulu na fala. 15Oca ki batisadu, tudu ku si familia, i pidinu, i fala: “Si bo oja kuma ami i krenti fiel na Siñor, bo ta bai fika na ña kasa.” Asin ki#Kum 19.3; Ŝef 19.20-21; Luk 24.29; Eb 13.2 ngodanu; no bai.

Paulu ku Silas na kalabus

16Un dia, oca ku no na bai pa lugar di orason, no kontra ku un bajuda ku teneba spiritu di diviña. I ta ngañaba manga di diñeru#Kap 19.24 pa si mestres ku si diviñason. 17I ta pegaba tras di nos ku Paulu, i na#Kap 19.15; Mar 1.23-26,34; 16.17; Tia 2.19 grita: “E omis ku ta kontanu kamiñu di salbason i servus di Deus ku sta riba di tudu.” 18I fasi asin ku nos pa manga di dia, tok Paulu ka pudi nguental mas; i rabida pa el, i fala spiritu: “N na dau ordi na nomi di Jesus Kristu pa bu sai nel!” Na ki ora i sai.

19Oca si mestres oja kuma e pirdi speransa di ngaña#Kap 19.25-27 diñeru, e prindi Paulu ku Silas, e rasta elis te na metadi di prasa dianti di#Mat 10.18 otridadis. 20E leba elis dianti di juisis, e fala: “E omis li i judeus; e na kansa#Kap 6.13; 17.6; 21.28; 24.5-6; 1 Re 18.17 jinti dimas na no prasa, 21e na nsina kustumus ki kontra lei pa no seta o pa no fasi, pabia anos i romanus.” 22Tudu jinti lanta e junta kontra elis.

Juisis rumpi elis ropa, e manda suta elis#2 Kor 6.5 ku manduku. 23Dipus de suta elis ciu, e bota elis na kalabus, e da guarda ordi pa i tene elis suguru. 24Suma ki risibi ki ordi, i pui elis na kalabus di dentru, i fica elis pes na#Jer 20.2 tronku.

25Pertu di me-noti, Paulu ku Silas na oraba, e na kanta kantiga pa Deus. Utru prezus na sukutaba elis. 26Di repenti con tirmi ku forsa, alisersu di kalabus#Kap 4.31; 5.19 bulbuli, portas tudu yabri, korenti kai na mon di tudu prezu. 27Guarda korda, i oja portas di kalabus yabridu, i toma spada pa mata si kabesa, i kuda kuma prezus kuri tudu, 28ma Paulu grita ku vos altu, i falal: “Ka bu fasi bu kabesa mal, pabia alinu li tudu.” 29Guarda pidi pa tisi lus, i salta pa dentru di kalabus, i na tirmi, i kai dianti di Paulu ku Silas. 30I tisi elis pa fora, i punta: “Siñoris, ke ku N dibi di fasi#Kap 2.37 pa N salba?” 31E ruspundil: “Seta#Jon 3.16,36; 6.47; 1 Jon 5.10-12 Siñor Jesus, bu ta salba, abo ku tudu bu familia.” 32E konta palabra di Siñor pa el ku tudu kilis ku staba na si kasa. 33Na ki ora di noti guarda toma elis, i laba se molostus. Logu i batisa, ku tudu si familia. 34I leba Paulu ku Silas pa si#Luk 5.29 kasa, i pui elis kumida na mesa. El ku tudu si familia e kontenti suma ke pui ja se fiansa na Deus.

35Oca sol mansi, juisis manda polisias, e da elis ordi pa e larga elis. 36Guarda konta Paulu rekadu, i falal: “Juisis manda fala pa bo largadu. Bo sai, bo bai diskansadu.” 37Paulu ruspundi: “E sutanu dianti di jinti sin e ka fasinu justisa, kontudu no sedu sidadon#Kap 22.25 romanu. E botanu na kalabus; gosi e misti tiranu sukundidu. I ka pudi sedu! Elis propi ku ten ku bin tiranu.”

38Polisias bai konta juisis ke ku Paulu fala. E panta oca e obi kuma elis i sidadon di Roma. 39E bai pidi elis diskulpa, e kumpaña elis te fora, e pidi elis pa e sai#Mat 8.34 na ki prasa. 40Paulu ku Silas sai na kalabus, e bai pa kasa di Lidia, e oja ermons, e kaba da elis palabra di animu, e bai.

Currently Selected:

Atus 16: povB

Highlight

Copy