मत्ती 7
7
एटाःकू अलोपे दोस कू
(लूका 6:37,38,41,42)
1अपे एटाःकू बेजय केडाय मेनते, अलोपे दोस कू, तबे भगवान अपे हो बेजय केडा पे मेनते एरोय दोस तेडपेआ। 2#मरकुस 4:24कहेकि जेयसे एटाःकू पे दो-सा, हेन घयते अपे होय दोस पेआ; जे नाप तेपे नपोवेआ, हे-ना नाप ते अपे लगड होय नपोवेआ।
3“अम अमाअय भाई मेड राः तील भराः कचरा ची लगड मी ञेंलियाडा, अपन मेड राः बडेआ गेडा दो मेन सुझोः तना किदो? 4अनम मेड रे बडेआ गेडा इदाना, दो ‘रहा चड़ाँः मी अम मेड वरी कचरांञ उडूंगा मेनते,’ अमाअय भाई थरे काःतेम कहनी सकोआ? 5ए कपटी, पहील ते अनम मेड वरी बडेआ गेडाम उडूंग के, हेंडे अम अमाअय भाई मेड राः कचरा, बढ़ियाँ ते ञेंलके तेम उडूंग सकोआ। 6पवितर चीज कुतूकू अलोपे ओवाकू, अवुर सुकरिकू मोती अलोपे ओवाकू, नहीं तदोकू तिका धंगड़ाया, अवुर उल्टी याःते अनापे थरे कू टुटोआ।”
असिय रेदो पे ञाँमेआ
(लूका 11:9-13)
7असिय पे, हेंडे अपेय ओवा पेआ; छपई पे, हेंडे अपे ञाँमेआँ; खटखटोय पे, हेंडे अपे लगाडिय जीजेआ। 8कनय हो असिय रेदो कू ओवाया। अवुर जे छपई हेनी ञाँमेआयू। अवुर दुवारिय खटखटोः हेनी लगड कू जीजेआ।
9“अगर अपे मेंडे रे कनय हो, कोड़ा होपोन तू रोटिय असी रेदो, दिरिय ओवाया किदो? 10चहे हकुय असी रेदो, बींञिय ओवाया किदो? 11अपे खराब होड़कू घलि, चोंडिजकू तपे बढ़ियाँः चीज पे ओवा कुआ, दो अपे सरग रेनिय भगवान अपा, अनेज थरे असिय कू बढ़ियाँः#2 पतरस 1:3; लूका 11:13 चीज ची लगड एरोय ओवड कुआ?” 12#लूका 6:31हेनाते जेयसे अपे एटाःकू सुदा बेवहार पे चहोः तना, हेन घयते एटाःकू सुदा होपे बेवहारुऊ। कहेकि धरम नियम अवुर भविस्यवक्ताकू राः सिक्छा नेना हवे।
सकेता अवुर चकाड़ा होर
(लूका 13:24)
13“सकेता दुवर तेपे बो-लू, कहेकि चकाड़ गिआ हेना दुवर अवुर सेथिया गिआ हेना होर ननास जघा रे इईदिआ; अवुर अखीर होड़कू हेनातेकू से-नेआ। 14कहेकि सकेत गिआ हेना दुवर अवुर किलिस गिआ हेना होर अनन्त जीवन रे इदि बुआ, अवुर हेना ठुवा होड़कू ञाँमेआ।”
जेयसे दुबीत तेयसे जोओत
(लूका 6:43,44,46; 13:25-27)
15“झूठा भविस्यवक्ताकू वरी सँवचेती तेपे दोहोनू, हेंकू भेंड़िकू राः भेस ते अपे थरे कू मेजुआ, लेकिन हेंकू पोगड़ जोजोमकू बिगवाकू हवे। 16अपे हेंकू राः जोओत तेपे चिन्हों कुआ। होड़कू झवुड़ वरी अंगूर, अवुर जनोम ओत वरी अंजीर मेने कू गो-डेआ। 17नेन घयते बढ़ियाँआँ दुबी रे बढ़ियाँ ते जो-आ, अवुर बढ़ियाँ मेने दोहोन हेना दुबी, बढ़ियाँ ते मेने जो-आ। 18बढ़ियाँआँ दुबी रे खराब ते मेने जो-आ, अवुर बढ़ियाँ मेने दोहोन हेना दुबी रे बढ़ियाँ ते एनेरो जोःएना। 19#मत्ती 3:10; लूका 3:9जे जे दुबी बढ़ियाँ ते मेने जो-आ, हेना गेरकेते सेंगेल रेय अटाड़ेआ। 20#मत्ती 12:33नेन घयते अपे हेंकू राः जोओत तेपे चिन्हों कुआ। 21जे जे होड़कू इंञ, ‘ओ परभु! ओ परभु!’ मेनते कू कहनी वञाँ, हेंकू मेंडे रे सींड़कू सरग राज रे एरो कू सेन सको एना, लेकिन जे जे सरग रे इदानिया अपुंञ राः इक्छा कू पूराआ, सीरिफ हेनकू सरग राज रेकू सेनुआ। 22न्याय होयाः चेका अखीर होड़कू इंञ थरे कू कहनिया, ‘ओ परभु! ओ परभु! अले अम ञुमू ते मेने ले भविस्यवाड़ी गडा किदो? अवुर अले अम ञुमू ते भूतकू मेने ले उडूंग गडकुआ किदो? अवुर अम ञुमू ते केय गोटंग अहचरज काम मेने ले करो गडा किदो?’ 23तहाँ हेंकू इंञ राफ साफ तेंञ कहनी वकुआ, ‘इंञ अपे मेनेनेंञ पपाड़िआ। ए गलत काम हेंकू होड़कू, अपे सींड़कू इंञ वरी ञींर पे।’
बुधमानय अवुर बोयाअय होड़ राः बारे ते
(लूका 6:47-49)
24कनय हो ईञाः टेबोः अँजोम केते मनोवेअयू, चटाँड़ी ओत रे बनोवेअय बुधमान होड़ घयगी अयू। 25अवुर दाः उयुः तेडा, अवुर बाढ मेजेना, अवुर गरा घटा मेजेना, अवुर हेना ओड़ाः रे टकरो एना, हेंडे रेहो मेने धसगों गना, कहेकि हेना राः नेंव चटाँड़ी ओत रेय बोंहड़ी तेडा। 26लेकिन जे ईञाः टेबोः अँजोम केते, हेना मेनेय मनोवेअयू, हेंय बितील ओत रे ओड़ाः बनोवेअय, बोया होड़ घयगी अयू। 27अवुर दाः उयुः तेडा अवुर बाढ मेजेना, अवुर गरा घटा मेजेना, अवुर हेना ओड़ाः रे टकरो एना, तहाँ हेना ओड़ाः तुरेत्ते धसगों यनु, अवुर हेंय राः सींड़ बरबाद यनु।”
28 #
मरकुस 1:22; लूका 4:32 हेना वरी ईसु नआँ टेबोईय कहनी केड राः बाद रे, एयसा होया एना कि भीड़ रेनकू हेंय लाय तेडा टेबोः अँजोम केतेकू अहचरज यनु, 29कहेकि ईसु हेंकू रेनकू एहूदी नियम चेचेडकू घयते मेने, लेकिन अधिकार राः साथ तेय चेडकू दोहो एनु।
Currently Selected:
मत्ती 7: ksz
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2022, Wycliffe India. All rights reserved.