मत्ती 27

पिलातुस मड़ंग रे ईसु

(मरकुस 15:1; लूका 23:1,2; एहुन्‍ना 18:28-32)

1अँगा एना, तहाँ सींड़ बड बडे आजककू अवुर होड़कू रेनकू सपायँड़कू, ईसु ञेंड गोजेय लगड कू मतर एना।#मत्ती 24:14; लूका 22:66 2हेंकू ईसु कू तोलतेडिया, अवुर हेना छेतर रे अधिकार रखोअय रोम रेनिय अधिकारी पिलातुस थरे इदी केडिय तेकू जिमा तेडिया।

एहूदा तोल गोजेना

(परेरित 1:18,19)

3ईसु एर पकड़ो अय एहूदा ञेंलतेडा कि ईसु दोसिकू बनो गोत्तेडिया, अवुर हेंय पसतो एनायू, हेना वरी हेंय तीस गोटंग चाँदी राः सिक्‍का, बड बडे आजककू अवुर सपायँड़कू थरेय मिड़ाः अगतेडा। 4अवुरिय कहनी तेडा, “इंञ पाप गोत्तेडांञू, कहेकि इंञ बे-कसूर होड़ ञेंड गोजेय लगाडिंञ एर पकड़ो केडिया!”#मत्ती 27:24 हेना वरी हेंकू कहनी तेडा, “अले दो ची गथा लेआ! अनम पपाड़िआ।” 5हेना वरी एहूदा चाँदी राः सिक्‍का मँडिल रे अटड़ अटु केतेय चलो यनु, अवुर सेनकेन तेय तोल गोजियानू। 6तहाँ बड बडे आजककू हेना सिक्‍का हलंग केडते कू कहनी तेडा, “नआँ भन्डार रे दोहोय लगड जयेज कोवाआ, कहेकि नआँ लोहू राः दाम हवे।” 7हेंकू सलाह केनते हेना सिक्‍का ते परदेसिकू हर लगड कुँभार राः खेत#27:7 कुँभार कू गगेर कू बनो लगड हास कू लाआ हेना जघा कहनी वताना कू तिला तेडा। 8ने-ना राः चलते ते हेना खेत आज तक लोहू राः खेत हवे मेनते कू कहनी वआ। 9तहाँ जिर्मयाह भविस्यवक्‍ता नआँ घयतेय कहनी तेड हेना टेबोः पूरा होया एना, “हेंकू चाँदी राः तीस गोटंग सिक्‍का (हेना राः दाम इसरायिल होड़कू तोल तडा) कू अँगेर तेडा।#जकरिया 11:12,13; ईरिमयाह 32:6-9 10अवुर जेयसे परभु हुकूम वडिञाँ, हेन घयते हेंकू कुँभार राः खेत तिला लगड दाम कू एमतेडा।”#जकरिया 11:12-13

पिलातुस ईसुय होंबोर तेडा

(मरकुस 15:2-5; लूका 23:3-5; एहुन्‍ना 18:33-38)

11ईसु रोमि अधिकारी मड़ंग रेय चड़ाँ एना, तहाँ हेंय अधिकारी होंबोर तेडिया, “अम एहूदिकू रेनिय राजा#मत्ती 2:2 हवे किदो?” हेना वरी ईसु जबाब तेडिया, “अनम कहनी गोत्तेडा।” 12बड बडे आजककू अवुर सपायँड़कू, हेंय कू दोस दोहो एनु, तहाँ हेंय कनर मेनते मेनेय मिड़ाः गडा।#एसा 53:7; मरकुस 14:61 13नआँ टेबोः राः चलते ते पिलातुस ईसुय कहनी वडा, “नेकू अम तीमिन कू दोस यडमिआँ, हेना अम मेनेम अँजोम यडा किदो?” 14लेकिन हेंय मियाँ अखर हो मेनेय मिड़ाः गडा ते, रोमि अधिकारी हो अखीरिय अहचरज यनु।

पिलातुस ईसु मिरतू दंडिय ओवाडिया

(मरकुस 15:6-15; लूका 23:13-25; एहुन्‍ना 18:39—19:16)

15पस्का परब रे सलेना रोमि अधिकारी, होड़कू जे कू मनहें वआ, हेंय बंधवाहोड़ीय अड़ाः दोहो एनु। 16हेना तोलोग बरअब्बा मेनते कू ञुमू तडिय हेनी मियाँहोड़ जेहेल रेय दोहो एना। हेंय सगोर कुकू पपाड़ी दोहो एनु। 17हेनाते होड़कू जवर एना, तहाँ रोमि अधिकारी पिलातुस हेंकुय होंबोर तेडा, “अपे ईया पे मन वताना? इंञ अपे लगड कायिंञ अड़ाआ, बरअब्बा किदो मसीहा#27:17 मसीहा मतलोब भगवान चुनो केडिया राजा मेनते कू कहनी वया ईसु?” 18कहेकि हेंकू हिसका राः चलते तेकू एर पकड़ो तेडिय हेना, पिलातुस पपाड़ी दोहो एनु।#एहुन्‍ना 11:47,48; 12:19 19हेंय न्याय गद्दी रेय दुड़ूब तना, तहाँ इंगत कू हेंय थरे मियाँटंग खभेरिय कुलतेडा, “मेय धरमी होड़ कनर अलोम चीयू, कहेकि इंञ तेसींञ सपन रे मेय राः चलते ते अखीर दुख लगो एना।”#अय्यू 33:14-16 20लेकिन बड बडे आजककू अवुर सपायँड़कू बरअब्बा बगिवा लगड अवुर ईसुय ञेंड गोज लगड होड़कू कू उलर तेडा।#परेरित 3:14 21हेना वरी अधिकारी होड़कुय होंबोर तेडा, “नेकींञ बा होड़ रे अपे लगाडिंञ अड़ागिय मेनते काय पे मन वताना?” हेंकू कहनी तेडा, “बरअब्बा।” 22हेना वरी पिलातुस हेंकुय होंबोर तेडा, “दो इंञ मसीहा मेनते कू कहनी वया ईसुंञ चीया?” हेंकू सींड़ कुकू जबाब तेडा, “मेय कुरूस रेम रकाबियू।” 23पिलातुस होंबोर तेडकुआ, “ची लगाडू? मेय चीय कसूर केडा?” लेकिन हेंकू अनावुर हल्ला केनतेकू कहनी तेडा, “मेय कुरूस रेम रकाबियू।” 24पिलातुस कनर मेने बनोः तना, बल्कि अनावुर हल्ला बड़होः तना हेनाय ञेंलतेडा, तहाँ दाईय असी केते होड़कू मड़ंग रेय अंचा एना,#27:24 होड़कू राः टेबोः रे मेनेय एड़वा गन हेना, तिब लगड होड़कू मड़ंग रेय अंचा एना अवुरिय कहनी तेडा, “नेय धरमी होड़ राः लोहू राः दोसी कोवाञाँ; नेय राः अनापे पपाड़िआ।”#बेवस्था 21:6-9; सिरिंग 26:6; मत्ती 27:4 25तहाँ सींड़ होड़कू जबाब तेडा, “नेय राः मिरतू राः दोस अले राः सिर कपार रे अवुर अले रेनकू चोंडिजकू थरे दोहोनू।”#परेरित 5:28

कुरूस रे रकाबिय लगाडिय जिमा तेडिया

26हेना वरी पिलातुस हेंकू लगड बरअब्बाय अड़ाः तेडा, अवुर ईसु कोड़ा तेय एर ञेंड केतेडिय ते,#एसा 53:5 कुरूस रे रकाबिय लगड सिपाहिकू थरेय जिमा तेडिया।

सिपाहिकू ईसु राः मजाक कू उड़ो तेडा

(मरकुस 15:16-20; एहुन्‍ना 19:2,3)

27रोमि अधिकारी रेनकू सिपाहिकू ईसु गड़ही भीतर रेकू इदी तेडिया, अवुर सींड़ दल रेनकू सिपाहिकू हेंय थरे कू जवर तेडकुआ। 28हेंकू ईसु राः कपड़ा कू तुलूज तेडा, हेना वरी हेंय लाल रंग राः कपड़ा कू तुसिंञ वडियू। 29अवुर जनोम राः मुकुट बेनी केते भोःतू रेकू दोहो तेडा, अवुर जोम गतर तीत रे मियाँटंग लाठी कू सबवाडियू, अवुर हेंय मड़ंग रे उकड़ूम केनते हेंय राः मजाक नआँ घयतेकू उड़ो तेडा, “ए एहूदिकू रेनिय राजा, जोहार।” 30हेंकू हेंय थरे कू बेजतेडा,#एसा 50:6 अवुर हे-ना लाठी ते भोःतु रेकू ञेंड तेडा। 31हेंय मजाक उड़ो केडिय राः बाद रे, कपड़ा तुलुज केते, फेर अनानेज राः कपड़ा कू तुसींञ वडियू। हेना वरी कुरूस रे रकाबिय लगड कू गोःतेडिया।

ईसु कुरूस रेकू ठोको तेडिया

(मरकुस 15:21-32; लूका 23:26-43; एहुन्‍ना 19:17-27)

32हेंकू सहर वरी बहेर हनतेकू उडूंगुः दोहो एनु, हेना वरी हेंकू कुरेनी सहर रेनिय सिमोन मेनते कू ञुमू तडिय हेनी होड़ कू ञँमतेडा, तहाँ हेंकू ईसु राः कुरूसिय रिम गोः लगड कू सब चकड़ो तेडिया। 33हेंकू “गुलगुथा” मेनते कू ञुमू केडा हेना जघा कू तयाः तेडा, (गुलगुथा राः मतलोब हवे खोपड़ी राः जघा)। 34हेना रे हेंकू बुबूल हेना जड़ी बुटी तेकू मेड़वा तआ, अंगूर रस ञुँय लगड ईसु कू ओवाडू,#सिरिंग 69:21 लेकिन हेंय चिखो तेड तहाँ, मेनेय ञूँ गडा। 35तहाँ हेंकू कुरूस रेकू रकब तेडिया, अवुर अंगा तय ईया अँगेरेआ मेनते चिट्ठी कू डलो तेडा। तहाँ जे राः ञुमू ते चिट्ठी उडूंग एना, हें-नी अँगेर तेडा।#सिरिंग 22:18 36तहाँ हेंकू हेना रे दुड़ूब केनतेकू पहराय दोहो एनु। 37अवुर हेंय भोःतू अगस हँडे दमभराआ पटरा रे बदी तेडिय हेना, लिखो केतेकू ठोको तडा, “नेय एहूदिकू रेनिय राजा ईसु हवे।” 38हेंकू हेंय सुदा बा होड़ चोरहा कींञ#एसा 53:12 हो कुरूस रेकू रकब तेडकिञाँ, मियाँहोड़ जोम गतर हँडे, अवुर मियाँहोड़ कोंञ गतर हँडे।

39हेनाते तोर दार रूःकू हो ईसु राः ठट्ठा कू उड़ो, अवुर भोःतू कू डडुब केतेकू कहनी वयू,#सिरिंग 22:7; 109:25 40“ए, मँडिल धसगोंअयू अवुर तीन दिन ते बनोवेअयू, बेदे, अनाम मी बंचो। अगर अम भगवान होपोन हवे रेदो, कुरूस वरिम अगड़ू मेजुऊ।”#मत्ती 26:61; एहुन्‍ना 2:19 41अवुर बड बडे आजककू अवुर एहूदी नियम चेचेडकू अवुर सपायँड़कू हो नआँ घयते ठट्ठा कू उड़ो तेडिया, 42“नेय एटाः कुय बंचो तेडा, दो अनानेज मेनेय बंचो सकोः तना। नेय दो इसराएलिकू रेनिय राजा हवे। निहों नेय कुरूस वरिय अगड़ू मेजुः रेदो, अले नेय थरे ले बिसवासेआ। 43नेय भगवान थरेय भरोसा केडा। अगर भगवान नेय थरे खुस इदानिय रेदो, नेयिय छडोवियू,#सिरिंग 22:8 कहेकि नेय ‘इंञ भगवान होपोन हवे’ मेनतेय कहनी तेडा।” 44नेन घयते हेंय सुदा कुरूस रे रकब तडकींञ हेकींञ चोरहा कींञ होकींञ निंदा तेडिया।

ईसु साँसिय अड़ाः तेडा

(मरकुस 15:33-41; लूका 23:44-49; एहुन्‍ना 19:28-30)

45बारह बजे वरी तीन बजे अँगम गोटा देस रे अंधरा यनु। 46करीब करीब तीन बजोः तोलोग ईसु बडे आवाज ते हाक केनतेय कहनी तेडा, “एली, एली, लमा सबक्‍तनी?” नआँ राः मतलोब हवे, “ओ इंञाँअय भगवान, ओ इंञाँअय भगवान, इंञ ची लगड मी बगी वडिञाँ?”#सिरिंग 22:1 47हेना रे चड़ाँ तनकू मेंडे, कुछ होड़कू नआँ अँजोम केतेकू कहनी तेडा, “नेय एलियाहिय गोहरो यडा।” 48तुरेत्ते हेंकू मेंडे मियाँहोड़ हुँको सेनकेन ते, रूवा सिरका रेय बोथो तेडा, अवुर लाठी रे लगो केते ईसु चेपेजे लगाडिय ओवाडिया।#सिरिंग 69:21 49अवुराःकू कहनी तेडा, “रहा, ञेंलेय बू एलियाह नेय बंचो लगाडिय मेजुआ किदो एरोआ।” 50तहाँ ईसु फेर बडे आवाज ते हाक केनते साँसिय अड़ाः गोत्तेडू। 51अवुर हेनेन तोलोग मँडिल राः परदा#निर्ग 26:31-33; इबरानी 9:3-8; 10:19,20 अगस वरी पेंदी अँगम ओड़ेज केनते बार कुटका यनु। अवुर धरती हिलो एना, अवुर चटाँड़ी पड़ाः यनु। 52अवुर मरघटी जीजयानू; अवुर गोजतन हेंकू केय्यो झन पवितर होड़कू जियो रिमेना। 53हेंकू मरघटी वरी बहेर कू उडूंग एना, अवुर ईसु जियो रिमकेन राः बाद रे हेंकू पवितर सहर#27:53 एरूसलेम रेकू सेनेना, अवुर केय्यो झन होड़कू ञेंलवड कुआ। 54तहाँ दरोगा अवुर हेंय सुदा ईसु कू पहरा दोहो एनु, भुईडोल अवुर जो कुछ होया तना हेना ञेंलकेते अखीर कू बोरो यनु, अवुर कू कहनियू, “सहिच मेते नेय भगवान होपोन#मत्ती 17:5 दोहो एना!” 55हेनारे अखीर कोड़िकू सँगिंञ रे चड़ाँ केनतेकू ञेंल एनेज दोहो एनु, नेकू ईसु कू ञेंल अँजोम लगड गलील वरी हेंय तयोम तयोम तेकू मेजतन दोहो एनु।#लूका 8:2,3 56हेंकू मेंडे मगदल रेनिय मरियोम, अवुर एकूब अवुर ओसेस इंगत मरियोम, अवुर जबदी कोड़ा होपोनकू रेनिय इंगत दोहो एना।

ईसु मरघटी रेकू दोहो तेडिया

(मरकुस 15:42-47; लूका 23:50-56; एहुन्‍ना 19:38-42)

57सिंगड़ एना, तहाँ अरिमतियाह सहर वरी मियाँहोड़ गिरहत होड़ मेजेना। हेंय ञुमू उसुफ मेनते दोहो एना, अवुर हेंय हो ईसु रेनिय चेलाय दोहो एना। 58हेना वरी हेंय पिलातुस थरे सेनकेनते ईसु राः लासिय असी तेडा। तहाँ पिलातुस ओवाय लगाडिय हुकूम तेडा। 59उसुफ लासिय अगड़ू तेडा, अवुर हेना पुँडिआ कपड़ा तेय लपेट तेडा। 60अवुर हेंय अनेज राः नवाँः मरघटी रेय दोहो तेडा, नआँ अनेज लगड चटाँड़ी रेय एर खोदियार तडा। अवुर हेना मरघटी दुवर रे मियाँटंग बडाआ दिरी ते रेड अटु केतेय चलो यनु। 61मगदल रेनिय मरियोम अवुर एटागी मरियोम हेना मरघटी बँदे रेकींञ दुड़ूब तना।

मरघटी कू पहरा तेडा

62हेना सुक ञींदावत मतलोब सब्द राः दिन बडे बडे आजककू अवुर फरीसिकू पिलातुस थरे सेनकेन तेकू कहनी तेडा, 63“ए परभु, अले उहयर यडा ले, हेंय भभड़कोवय जीवातिय दोहोएन तोलोगिय कहनी तेडा, ‘इंञ तीन दिन रेंञ जियो रिमुआ’ मेनते।#मत्ती 12:40; 16:21; 20:19; मरकुस 8:31; 9:31; 10:33,34; लूका 9:22; 18:31-33 64हेनाते तीन दिन मेनते, हेना मरघटी कू पहराय लगड मी हुकूमे। हेंय रेनकू चेलाकू मेजकोःते लास कू चोरा इदी केते,#मत्ती 28:13 होड़कू थरे अलोकू कहनिय जहानू कि ‘हेंय गोजतन वरिय जियो रिमकेना मेनते।’ नहीं तदो पहीलाः गलती वरी अवुर बडेआ गलती होयाआ।” 65हेना वरी पिलातुस कहनी वडकू, “अपे थरे पहारदार कू इदान कुआ मा। जू, अपे जेयसे पे चहोः तना हेन घयतेपे पहरायू।” 66तहाँ हेंकू पहारदार कुकू इदी तेडा, अवुर दिरी रे सील लगो केतेकू पहरा तेडा।

Currently Selected:

मत्ती 27: ksz

Highlight

Copy