लूका 10

ईसु सत्तर झन चेला कुय कुलतेडा

1नआँ टेबोः राः बाद रे परभु सत्तर झन अवुर चेलाकू चुनो केडकू ते भगवान राः कामिय जिमा वडकुआ। अवुर जे जे सहर अवुर जघा अनेज सेनुः लगाडिय सँबह तना, हेना हेनाते बबड होड़ अनेज वरी मड़ंग तेय कुल मड़ंग तेडकुआ। 2#मत्ती 9:37,38हेना वरी ईसु हेंकू थरेय कहनी तेडा, “बिली केना खेत दो अखीर इदाना, बनियाँरकू ठुवा गिआ, हेनाते खेत मुँवर थरे पे बिनतीऊ, कि हेंय अनेज राः खेती ईर लगड बनियाँर कुय कूलु। 3#मत्ती 10:16अँजोम पे, जू, इंञ अपे भेंड़िकू घयते बिगवाकू मँझर रेंञ कुलयड पेआ। 4हेनाते पेयसा, थयली अवुर झोला, अवुर पनही अलोपे सबजोमू अवुर चलोः तोलोग होर ते कनय अलोपे जोहारवा। 5जे ओड़ाः रे मड़ंग तेपे उतरोआ, हेनारे पहील तेपे कहनियूँ, ‘न ओड़ाः रे सान्ति दोहोनू।’ 6हेनारे कनय सान्ति ञँम लायिक इदान रेदो, अपे राः सान्ति हेंय होय ञाँमेआँ, नहींतर अपे थरे मिड़ाः मेजुआ। 7#1 कुरि 9:14; 1 तीमुथि 5:18जे ओड़ाः रेपे उतरोआ हेनेन ओड़ाः रेपे दोहोनू, ओड़ाः ओड़ाः ते अलोपे होयोर बेड़ाऊ। कनारा हो जोमुः चरोः लगड कू ओवा पेआ, हें-नपे जोमू। कहेकि बनियाँर दो अपन बनी भर राः भगी दोहोना। 8कनर सहर रेपे सेनुऊ, अवुर हेना रेनकू होड़कू अपन ओड़ाः रेकू राःपे रेदो, जे-ना जोमुः लगड कू ओवापे हें-नपे जोमू। 9अवुर हेना रेनकू रोगिया कुपे चीकानू, अवुर हेंकू थरे पे कहनियूँ, ‘भगवान राः राज अपे बँदे रे मेजियाना।’ 10#परेरित 13:51जे सहर रेपे सेनुआँ, हेना गाँव रे कनय होड़ भगवान राः खभेर मेनेकू अपनोवे रेदो, हेंकू राः गलि ते सेनकोः तेपे कहनियूँ, 11#मत्ती 10:7-14; मरकुस 6:8-11; लूका 9:3-5अपे गाँव राः धूड़ी अले कटा लेरे जपाः तन हेना, गोवाही होयाः लगड ले कुटा अटु तना, नआँ पपाड़िकोःपे भगवान राः राज अपे बँदे रे मेजियाना। 12#मत्ती 11:24; मत्ती 10:15इंञ अपे थरे सही मेतेंञ कहनी यडा, हेना चेका हेना सहर रेनकू होड़कू भगवान सदोम#10:12 सदोम रेनकू अखीर बेलूर होड़कू दोहो एना, हेनाते भगवान हेंकू सेंगेल तेय नास तेडकुआ। रेनकू होड़कू दंडिय ओवड कुआ, हेना वरी हो बगरा ते हेना सहर रेनकुय ओवाआ।”

ईसु चेतोनिय ओवा कुआ

(मत्ती 11:20-24)

13“ओह, खुराजीन रेनकू! ओह बयेतसदा रेनकू!#10:13 नआँ बनाटंग एहूदिकू राः सहर हवे, ईसु मसीह नेकू थरेय परचार तेडा, अवुर अखीर चमत्कार कामिय काम तेडा, हेंडे रेहो नेकू मन मेने कू मिड़ाः गडा। अपे थरे सक्‍ति राः जो कामिंञ करो तेडा। हेना अनजातकू राः सूर अवुर सयदा रेंञ करो तेड रेदो, हेना रेनकू सुतरी#10:13 अपन दुख कू तिब लगड सुतरी बोरा घियाः कपड़ा ते उयू कोःतेकू ईयामा। बोरा घियाः कपड़ा ते उयू केनते, अवुर तोरोज ते भुरा केनते हेंकू मन कू मिड़ाः तेड मेनू। 14न्याये चेका सूर अवुर सयदा रेनकू वरी हो अपे अखीर दंड ञँमुआँ। 15ए कफरनहूम#10:15 कफरनहूम एहूदिकू राः सहर। रेनकू, अपे पसींद यडा, सरग राज अँगम ले सेनुआँ मेनते? नरक रे अपे दो पेंदी हनतेय लोजोर पेआ।”

16 # मत्ती 10:40; मरकुस 9:37; लूका 9:48; एहुन्‍ना 13:20 “कनय अपे रअय अँजोमा, हेंय ईञाः टेबोईय अँजोम यडा; अवुर कनय अपेय मेरंग वआ, हेंय ईञिंय मेरंग वआ; अवुर कनय ईञिंय मेरंग वआ, हेंय ईञिंय कुलकेडा, हेंयिय मेरंग वताना।”

सत्तर झन चेलाकू मिड़ाः एना

17सत्तर झन चेलाकू हँसी खुसी ते मिड़ाः मेजकेन तेकू कहनी तेडा, “ए परभु, अम ञुमू ले ञुमू तेड सी भूतकू अले राः टेबोः कू मनो तेडा।”

18हेना वरी ईसु हेंकू थरेय कहनी तेडा, “सयतान हदुड़वा तोलोग बिजली चमकोआ घयते सरग वरी लोजोरुः तोलोगिंञ ञेंलेय दोहो एनु। 19अँजोम पे, इंञ अपे बींञकू अवुर किदींञकू तिका कू लगड अवुर सयतान राः सक्‍ति खतामे लगड हो हाँकिंञ ओवड पेआ। कना रहो अपे एरो नोकसान तेडपेआ। 20हेंडे रेहो भूतकू अपे राः टेबोः कू मनो यड मेनाः रे अलोपे खुसीऊ, लेकिन नआँ टेबोः तेपे खुसीऊ किदो अपे ञुमू सरग रे लिखल इदाना।”

ईसु खुसी एना

(मत्ती 11:25-27; 13:16-17)

21हेनेन तोलोग ईसु पवितर आत्मा ते अखीर खुसी केनतेय कहनी तेडा, “ओ अपा, सरग अवुर धरती रेनिय मुवाँरू, इंञ अम धन्यावादिंञ ओवाम तना, कहेकि अम न टेबोः बुधमानकू अवुर चलहाँक होड़कू थरेम उकू तडा। हूँ, लेकिन चोंडिजकू थरेम लाय केडा, ओ अपा, कहेकि अम ने-ना बढ़ियाँ वडमिआँ।”

22 # एहुन्‍ना 3:35; एहुन्‍ना 10:15 हेना वरी ईसु नआँ घयतेय कहनी तेडा, “इंञ अपुंञ सींड़ चीजिय जिमा वडिञाँ। होपोन तू काय हवे, हेना कनय मेने कू पपाड़ी तना, अपत भर पपाड़िआ, अपत काय हवे, हेना कनय मेने कू पपाड़ी तना, होपोन तू भर पपाड़िआ, अवुर जे जे होपोन तू तिःवाकू लगाडिय चहोआ, हेनेनकू भर पपाड़िआ।”

23हेना वरी ईसु फेर चेलाकू थरे कलेकल तेय कहनी तेडा, “अपे भगवान आसीसिय ओवड पेआ ते निहों इंञ पे ञेंलयाडिञाँ। 24इंञ अपेंञ लाय वपे तना, अखीर भविस्यवक्‍ताकू, अवुर राजाकू अपे ञेंलयड अँजोम यड हेना टेबोः ञेंल गिसन तेडकुआ। लेकिन हेंकू अपे ञेंलयड अँजोम यडा, हेना मेनेकू ञेंल सको गना।”

दयादार सामरी राः उदाहरड़

25 # मत्ती 22:35-40; मरकुस 12:28-34 एक दिन एहूदी नियम चेचेड हेनी गुरू, चड़ाँ केनते ईसु अजमो लगाडिय होंबोर तेडा, “ए गुरू, अनन्त जीवन ञँम लगड इंञ चिंञ बनोआँ?” 26हेना वरी ईसु जबाब तेडा, “धरम नियम रे ची मेनते लिखल इदाना? हेना अम काःतेम समझो यडा?” 27हेना वरी हेंय होड़ जबाब तेडा, “अम अनामअय भगवान पूरा मन लगय ते, अवुर पूरा जीव लगय ते अवुर पूरा बल लगय ते अवुर पूरा बुदही लगय तेम परेमियूँ; अवुर अमाअय परोसी अनम घयतेम परेमियूँ।” 28हेना वरी ईसु हेंय थरेय कहनी तेडा, “अम ठिकेम जबाब तेडा, नेन याःतेम करोवे रेदो, जीवत तेम दोहोना।” 29हेना वरी हेंय होड़ बढ़ियाँ गिअय मेनतेय अड़ींग वञूँ मेनाःते हेंय ईसुय होंबोर तेडा, “ईञाअय परोसी ईया हवे?”

30तहाँ ईसु जबाब तेडा, “एरुसलेम सहर वरी मियाँहोड़ एरीहो गाँव हनतेय चलोः दोहो एनु। हेन तोलोग लँवडाकू छेका केडिय ते कपड़ा लता लुसी केते, अवुर ञेंड बेड़ा वडिय ते अदमरहा केडिय तेकू चलो यनु। 31हेनेन तोलोग हेन होर ते मियाँहोड़ आजक चलोः दोहो एनु। हेना वरी हेंय ञेंलकेडिय ते चोन अटु वडियू। 32हेना वरी फेर मियाँहोड़ लेवी#10:32 मँडिल रे सहेता राः रूप ते काम हेंकू। हेना थव रेय मेजेना, तहाँ हेंय होय ञेंलकेडिय ते चोन अटु वडियू। 33हेना वरी फेरेच हेना थव रे सामरी#10:33 एहूदिकू, सामरी रेनकू अखीर कू मेरंग वकू दोहो एना, कहेकि छुवा छुत कू मनो दोहो एनु। नेय एहूदी दोहोएन रेहो, कनय एहूदिकू नेय मेने कू रिमगाडिया, लेकिन सामरी रेनिय होड़ रिमतेडिया। देस रेनिय डगर रेंगवा मेजेना, तहाँ हेंय ञेंलकेडिय ते सोग लगो एना। 34अवुर हेंय मेजकेन ते घवतन हेना रे, अंगूर रस अवुर बिड़ो लगो केते पट्टीय तोल तेडा। तहाँ गदहा तय रे रकब केय ते धरम साला रेय इदी तेडिया।” अवुर हेना रे हेंयिय सेवा सत्कार तेडा। 35हेना ञींदावत हेंय होड़ धरम साला रेनिय मुँवर तू, चाँदी राः बाटंग सिक्‍काय ओवाडिया, हेना वरी हेंय थरेय कहनी तेडा, “नेय बढ़ियाँ तेम सेवा सत्कार हताड़ियू, अवुर नआँ वरी अमाः खरचा बगरा होयाः रेदो फेर मिड़ाः रेंञ भरोवेआ।” 36हेना वरी ईसु हेंय हो-ड़िय होंबोर तेडा, “निहों अमाः मन रे नेकू पेनेय होड़ डगर रेंगवा कू भर रे, ञेंड बेड़ा वडिय हेनी रेनिय परोसी ईया हवे?” 37हेना वरी हेंय कहनी तेडा, “जे दया एन हेनी।” हेना वरी ईसु कहनी तेडा, “जू, अब वरी अम हो नेन घयतेम कामे।”

ईसु मरथा अवुर मरियोम ओड़ाईय सेनेना

38 # एहुन्‍ना 11:1 ईसु अवुर चेला कुतय चलोः तोलोग मियाँटंग गाँव रेकू सेनेना, हेना रे मरथा मेनते कू कहनी वडिय हेनी कोड़ीहोन अनेज ओड़ाः रेय राःतेड कुआ। 39हेंय बोहोत ञुमू मरियोम मेनते दोहो एना। हेंय ईसु बँदे रे दुड़ूब केनते ईसु राः टेबोईय अँजोम दोहो एनु। 40तहाँ मरथा हेनातेरा बुता तेय अकबको केनते ईसु थरे मेजकेन तेय कहनी तेडा, “ए परभु, बोहोंञ मियाँहोड़ ते बुता लगाडिय ञेंल हड़ीवंञ तना, हेना अम मेनेम पसींद यड किदो? कहनी वय मी सब देगा ञँयू।”

41हेना वरी ईसु जबाब तेडा, “अँजोम मी मरथा, अम एटाः एटाः चिन्ता लगड अखीर मी परेसानुः तना। 42लेकिन नआँ टेबोः पपाड़िकोः मी। मरियोम बढ़ियाँः टेबोईय चुनो केडा, हेंय वरी हेना कनय एरो लुसी सको एना।”

Currently Selected:

लूका 10: ksz

Highlight

Copy