एहुन्‍ना 13

ईसु चेला कुतायिय गोड़दोही तेडा

1दुनिया रे हेंय तयोम तेकू से-ने दोहोएन हेंकू, ईसु अखीरिय परेम कू दोहो एनु, अवुर हेंय हेंकू सुदा हेनेन घयते अखरी साँस अँगम मेनतेय परेम तेडकुआ। हेना वरी पस्का परब मनो वरी मड़ंग ते ईसु पपाड़ियन कि दुनिया बगी वते अपुंञ हनते चलोः राः समय मेजियाना। 2तहाँ ईसु चेला कुतय सुदा बियाड़ी जोम लगाडिय दुड़ूब एना। अवुर सयतान सिमोन कोड़ा होपोन एहूदा इस्करयोती थरे ईसु मुदेय कुराः ती रे एर पकड़ोविय लगड पहील ते हेंय राः मन रेय काम तडा। 3हेना वरी ईसु अपुंञ सींड़ टेबोः राः हाँकिय ओवाडिञाँ, अवुर भगवान अपुंञ वरिंञ मेजकेना अवुर भगवान अपुंञ हनतेंञ मिड़ाः चलोः तना मेनते पपाड़ी केनते, 4बियाड़ी जोम वरिय रिमकेनते, अगस रे तुसिंञ तडा#13:4 हेना जबाना रे कटत कू अँगम मेनते सोल फोल दोहोना अंगा कू तुसींञ दोहो एनु। कपड़ाय तुलूज तेडा। अवुर सफी ते मयंग तुय तोल तेडा। 5हेना वरी पराठ ते दाः इदी केते चेला कुय गोड़दोही तेडा। अवुर मयंग तुय तोलताडा सफी ते कटत कुय पोछो तेडा#13:5 नआँ हेना जबाना रे सींड़कू वरी होडीञाँय हरवाह राः काम हवे।। 6फेर सिमोन पतरस थरेय तयाः तेडा, तहाँ पतरस ईसु थरेय कहनी तेडा, “ए परभु, इंञ अलोम गोड़दोहिञूँ।” 7तहाँ ईसु कहनी तेडा, “इंञ चिंञ बनो यडा हेना अम निहों एरोम पपाड़ी एना, लेकिन नआँ वरी तयोम तेम जे-रेआ#13:7 पवितर आत्मा अगड़ू एन हेन तोलोग कू पपाड़ी एना।” 8हेना वरी पतरस कहनी तेडा, “अम एनेरोंञ इकम गोड़दोही वडमिआ।” तहाँ ईसु कहनी तेडा, “अगर मेनेंञ गोड़दोही#13:8 भगवान राः नँजेर रे पाप राः माफ लगाडिय कहनी तेडा मी रेदो, अम ईञाअय चेला एरोम बनो एना।” 9तहाँ सिमोन पतरस हेंय थरेय कहनी तेडा, “ए परभु, कटंञ भर दो अलो, तींञ होम अंचा गोत्ते अवुर भोगिंञ होम नड़खा गोत्ते।” 10हेना वरी ईसु कहनी तेडा, “जे उमके नयू हेंय एकदम सुद्ध गिआयू, हेंय कटत गोड़दोही भर जरूरत इदाना। अवुर अपे हो सुद्ध गिआपे, लेकिन अपे मेंडे सींड़कू सुद्ध कोवा पेआ।” 11ईसु अनेज एर पकड़ोअयिय पपाड़ी दोहो एनु, हेनाते हेंय हेंकू थरेय कहनी तेडा, “अपे मेंडे सींड़कू सुद्ध कोवा पेआ” मेनते।

गोड़दोही राः मतलोब

12 # लूका 22:27 ईसु सींड़कुय गोड़दोही केडकू ते अनेज राः कपड़ाय तुसींञ केतेय दुड़ूब एना। तहाँ हेंकू थरेय कहनी तेडा, “इंञ अपे सुदा चिंञ बनो तेडा, हेना पे जेर तेडा किदो? 13अपे इंञ, ‘गुरू अवुर परभु’ मेनते पे कहनी वञाँ, अवुर अपे ठिके पे कहनी वञाँ, कहेकि इंञ हें-नी हवे। 14अगर इंञ गुरू अवुर परभु रह ते, गुलामी कू घयते अपेंञ गोड़दोही तेडा, दो अपे हो नेन घयते अपन आप होडिंञय बनो कोःते सेवा#13:14 मूल भासा ते गोड़दोही मेनतेआ। ओड़ेंग पे। 15जेयसे इंञ अपे सुदांञ करो केडा, हेन घयते अपे होपे करोवे, कहेकि इंञ नआँ नमुनंञ तिःवड पेआ। 16#मत्ती 10:24; लूका 6:40; एहुन्‍ना 15:20इंञ अपे थरे सही मेतेंञ कहनी यडा, हरवाह गिरहत तू वरी बडे मेनेय दोहोना। अवुर कुलतायय होड़ कुकूलय वरी बडे मेनेय दोहोना। 17निहों अपेंञ करो तिःवड पेआ, हेना पे समझो यना। हेनाते अपे नेन घयतेपे करोवे रेदो भगवान आसीसिय ओवा पेआ।

18नआँ सगोर टेबोः अपे सींड़कू राः बारे ते मेनेंञ कहनी यडा। जे-जेंञ चुनो केडकुआ हेंकुंञ पपाड़िआ। अवुर ईञिय एर पकड़ोआ, हेनी होंञ चुनो केडिया। कहेकि भगवान राः कागद रे लिखो केड हेना बचन पूरा होयाऊ। हेना नआँ घयतेआ, ‘जे ईञाः रोटिय जोमियाडा, हें-नी इंञ थरे लातिय रिम केडा#13:18 ईञाअय मुदेयिय बनोआँ।#सिरिंग 41:9’ 19नआँ टेबोः होयाः वरी पहील तेंञ लाय वपे तना, ताकि नआँ सींड़ टेबोः होयाः रे अपे बिसवासेआ कि इंञ#13:19 मसीहा हवे हें-नी हवे। 20#मत्ती 10:40; मरकुस 9:37; लूका 9:48; 10:16अवुर इंञ अपे थरे सही सही तेंञ कहनी यडा, जे इंञ कुलकेड कुआ हेंकुय अपनो रेदो, हेंय ईञिय अपनोआँ, अवुर जे ईञिय अपनोआँ, हेंय ईञिय कुलकेडा, हेंयिय अपनोआँ।”

ईसु मियाँहोड़ चेला एर पकड़ोविया हेना राः बारे तेय लाय तेडा

(मत्ती 26:20-25; मरकुस 14:17-21; लूका 22:21-23)

21नआँ टेबोईय कहनी तेडा, तहाँ ईसु राः जीव खोट यनु। अवुरिय लाय वडकुआ, “इंञ अपे थरे सही सही तेंञ कहनी यडा कि अपे मेंडे रे मियाँहोड़ एर पकड़ो विञाँयू।” 22चेला कुतय अकू अकू तको ओड़ेंगकू अवुर ईया राः बारे तेय कहनी तेडा, हेना हेंकू मेने कू जेर गडा। 23चेला कुतय मेंडे मियाँहोड़, ईसु अखीरिय परेमिय दोहो एनु। हेनी ईसु कुड़म गतर हनते लढे केनतेय दुड़ूब तना। 24तहाँ सिमोन पतरस अपिज वडिय तेय कहनी तेडा, “होंबोरिय मी, ईया राः बारे तेय कहनी यडा?”

25तहाँ हेंय हेन याःते ईसु कुड़म गतर हनते लढे केनतेय होंबोर तेडिया, “ए परभु, हेंय काय हवे?”

26हेना वरी ईसु जबाब तेडा, “नआँ रोटी टुकड़ा बोथो केतेंञ ओवाया, हें-नी हवे।” अवुर हेंय रोटी टुटका बोथो केते सिमोन इस्करयोती कोड़ा होपोन एहूदाय ओवाडू। 27अवुर हेंय रोटी टुटका जोमकेड रे ईसु हेंय थरेय कहनी तेडा, “जे अम करो यडा, हेना हलितेम करोवे।” तहाँ हेंय सयतान कब्जा गोतेडियू। 28लेकिन हेना रे दुड़ूब तनकू मेंडे रे नआँ टेबोः ची लगड हेंय थरेय कहनी तेडा, हेना कनाय मेने कू जेर गडा। 29अवुराःकू चेलाकू अड़ींग एना कि ईसु पस्का परब रे अबू लगड जे जे जरूरत इदाना हेना तिला लगड, चहे गरिबकू दान ओवाकू लगाडिय कहनी वडिया मेनते, कहेकि पेयसा बटू#13:29 पस्का परब राः समय रे एहूदिकू, गरीब होड़कू दान कू ओवाकू दोहो एनु। एहूदा थरे दोहोन दोहो एनु।

30हेना वरी एहूदा रोटी टुटकाय जोम तेडा, तहाँ तुरेत्ते बहेर हनतेय चलो यनु। अवुर हेना तोलोग अंधरा#13:30 सयतान राः समय राः बारे ते लाय यडा यन दोहो एनु।

ईसु चेलाकू नवाआँ हुकूमिय ओवडकू

31हेंय बहेरिय उडूंग एना, तहाँ ईसु कहनी तेडा, “इंञ होड़ होपोन तीमिन बडे गिआञूँ हेना भगवान होड़कुय तिःवा कुआ। अवुर ईञाः दोवारा ते होड़कू पताया कि भगवान हो तीमिन बडे गिआयू। 32अगर ईञाः दोवारा ते होड़कू पताया कि भगवान तीमिन बडे गिआयू, भगवान हो होड़कुय तिःवाआ कि इंञ होड़ होपोन तीमिन बडे गिआञूँ। अवुर हेना हनालितेय करो वेआ।

33 # एहुन्‍ना 7:34 एगा चोंडिजकू, कुछ समय लगड अपे सुदा इदानिञाँ; हेना वरी पे छपाञाँ अवुर जेयसे एहूदिकू थरेंञ कहनी तेडा, हेन घयते अपे थरे होंञ कहनी यडा, जे जघा हनते इंञ चलोः तना, हेना रे अपे एरो पे सेन सको एना। 34#एहुन्‍ना 15:12,17; 1 एहुन्‍ना 3:23; 2 एहुन्‍ना 1:5इंञ अपे मियाँटंग नवाँः हुकूमिंञ ओवापे तना, अपे एटाःकू सुदा परेम पे रखो, जेयसे इंञ अपेंञ परेम तेडा, हेन घयते अपे हो एटाःकू सुदा परेम पे रखो। 35अगर अपे आपस रे परेम पे रखो रेदो, ने-ना ते सींड़ होड़कू पपाड़िआ कि अपे ईञाःकू चेलाकू हवे।”

ईसु पतरस नहकारिया हेनय लाय तेडा

(मत्ती 26:31-35; मरकुस 14:27-31; लूका 22:31-34)

36हेना वरी सिमोन पतरस ईसुय होंबोर तेडा, “ए परभु, का हनतेम चलोः तना?” तहाँ ईसु लाय वडिया, “जे जघा रे इंञ सेनुः तना हेना रे निहों एरोम सेन सको एना, लेकिन तयोम तेम मेजुआ।” 37तहाँ पतरस फे-रिय होंबोर तेडा, “ए परभु, निहों अम तयोम ते इंञ ची लगड एरोंञ सेन सको एना? इंञ अम लगड ईञाः जीव घलिंञ ए-मेआँ।” 38हेना वरी ईसु होंबोर तेडिया, “अम सही मेते ईञाः चलते ते जीविम मी ए-मेआ किदो? इंञ अम थरे सही सही तेंञ कहनी यडा, मुरगा कुकड़ूचुः वरी पहील ते पेय एस मेनेंञ पपाड़िआ मेनतेम नहकारिञाँ।”

Currently Selected:

एहुन्‍ना 13: ksz

Highlight

Copy