एहुन्‍ना 11

लाजर राः मिरतू राः बारे ते

1 # लूका 10:38,39 बयतानियाह#11:1 एरुसलेम वरी एक कोस रेआ नआँ जघा (2.8 किलोमिटर) गाँव रेनिय लाजर मेनते कू ञुमू तडिय हेनी होड़ हसु यन दोहो एनु। अवुर हेंय दीदित एडकींञ#11:1 लाजर, मरथा अवुर मरियोमिय दिदी केडकिञाँ किदोय मिसी केडकिञाँ हेना राः बारे ते फरी फरी ते बेगर ए-मा, लेकिन गियानी कू कहनिया कि बनाहोड़ीय दिदी केडकिञाँ मेनते। लेकिन एहुन्‍ना 11:5,19 राः अनुसार ते नआँ लिखो केडा। मरथा अवुर मरियोम होकींञ दोहो एना। 2#एहुन्‍ना 12:3नेय मरियोम परभु कटा रे सोंओं सुनूमिय#11:2 सेंठ दुलकेते उबतू तेय जोडतेड हेनी हवे। ने-नी बोहोत लाजर हसु यन दोहो एनु। 3हेनाते दीदित एडकींञ ईसु राः अगेय लगड होड़कू थरे हाँःते कहनी केते खभेर कींञ कुलतेडा, “ए परभु, जे अम दुलारिय दोहो एनु, हेंय हसु यनायू।” 4नआँ अँजोम केते ईसु कहनी तेडा, “न बेमारी ते एरोय गोजेना; बल्कि भगवान राः सक्‍ति देखर लगड हवे। ताकि हेंय राः दोवारा ते भगवान होपोन राः महिमा होयाऊ।”

5ईसु, मरथा, मरियोम अवुर लाजर नेकू अजी बोहोय परेम कू दोहो एनु। 6हेना वरी ईसु लाजर हसु यना मेनाअय अँजोम तेड रेहो, जे जघा रेय दोहो एना, हेना रे अवुर दूय दीनिय दोहो यनु। 7हेना वरी ईसु अनेज रेनकू चेलाकू थरेय कहनी तेडा, “दू, अबू फेर एहूदी जिला हनतेबू सेनुऊ।” 8हेना वरी चेला कुतय कहनी तेडा, “ए गुरू, दनारवा एहूदिकू रेनकू मुख मुखकू दिरी तेकू तिकी गोजमी मेनते कू सँबह तना, फेर हेनेन हनतेम सेनुः मेनते?” 9तहाँ ईसु कहनी तेडा, “एक दिन रे बारह घंटा दोहोना। अगर कनय होड़ सीञिंय से-ने रेदो एरोय तोहोड लोजोर एना, कहेकि हेंय दुनिया राः मरसालिय ञें-ला। 10अगर कनय ञींदिय से-ने रेदो हेंय तोहोड लोजोरुअयू, कहेकि ञींद मरसल मेन ञेंलुआ।” 11नआँ टेबोईय कहनी केते चेला कुतय थरेय कहनी तेडा, “अबू गति लाजर गितीज यनायू, अवुर इंञ जजागोंञ सेनुः तना।” 12तहाँ चेला कुतय कहनी तेडा, “ए परभु, अगारिय गितीज यन रेदो हेंय रिमुअयू।” 13ईसु दो लाजर गोजियान हेना राः बारे तेय कहनी तेडा, लेकिन चेला कुतय सिनीरित्ते गितीज केनाय राः बारे तेय कहनी केडा मेनते कू अड़ींग एना। 14तहाँ ईसु फरी फरी ते हेंकू थरेय कहनी तेडा, “लाजर गोजियानायू। 15अवुर इंञ लाजर गोजेन हेना जघा रे मेनेंञ दोहो गना ते, इंञ खुस इदानिञाँ, कहेकि अब अपे राः बिसवास अवुर मजबू तुआ। निहों अबू दू बू लाजर हनते।”

16तहाँ थोमा दिदुमुस#11:16 दिदुमुस राः मतलोब हवे जवाकींञ मेनते होकू कहनी वया, अनेज गतिकू चेलाकू थरेय कहनी तेडा, “दू अबू हो मेय सुदा गोजुः हनतेबू सेनुऊ।”

फेर सेते जियो रिरिमय अवुर जीवन ए-मय ईसु हवे

17हेना रेय सेनेन तहाँ, ईसु पपाड़ियन कि लाजर मरघटी#11:17 लास लात रेकू जताने दोहो एनु रे इदी केडिय ते चार दिन पुरो यना मेनते। 18एरुसलेम वरी बयतानियाह करीब करीब एक कोस राः सँगिंञ रे इदाना। 19हेना रे अखीर एहूदिकू मरथा अवुर मरियोम बोहोत गोजियान दोहो एनु, हेनाते टेबोः बहाली कींञ लगड कू मेजताना। 20हेना वरी मरथा ईसु मेजुः तनाय मेनाआँ खभेरिय अँजोम तेडा, तहाँ ईसु सुदा जुमोईय सेनेना, लेकिन मरियोम ओड़ाः रेय दुड़ूब तना। 21तहाँ मरथा ईसु थरेय कहनी तेडा, “ए परभु, अगर अम न रेम दोहोएन रेदो बोहोंञ एनेरोय गोजेन मेनू। 22लेकिन इंञ पपाड़ी तनांञ अम निहों हो भगवान थरे जे-नम असिआ, भगवान आँमिय ओवा मिआँ।” 23हेना वरी ईसु कहनी तेडा, “अम बोहोम फे-रिय जियो रिमुआँ।” 24तहाँ मरथा ईसु थरेय कहनी तेडा, “इंञ पपाड़ी तनाञूँ, अखरी दिन रे गोजकोःकू फेर जियो रिमुः राः बेला रे हेंय फे-रिय जियो रिमुआँ।” 25हेना वरी ईसु कहनी तेडा, “फेर जिजीयोवय अवुर जीवन ए-मय ईनिंञ हवे; कनय हो इंञ थरे बिसवासेअय, गोजकोः रेहोय जियो रिमुआ, 26अवुर कनय हो जिवा तयू, अवुर इंञ थरेय बिसवास यड हेनी जुग जुग एरोय गोजेना। नआँ टेबोः रे अम बिसवास यडामू?”

27हेना वरी मरथा हेंय थरेय कहनी तेडा, “हूँ परभु, इंञ बिसवास यडाञूँ, भगवान होपोन मसीहा दुनिया रे मेजुः मेनाअय अनाम हवे।”

ईसु मेडतू दाः लोजोर एना

28नआँ कहनी केड राः बाद रे मरथा ओड़ाः तू हनतेय मिड़ाः मेजेना। अवुर अनेज बोहोत मरियोमिय राःकेड ते कलेकल ते हेंय थरेय लाय तेडा, “गुरू मेजियानायू अवुर आँमिय राःयाडा।” 29हेनाते मरियोम नआँ टेबोईय अँजोम तेड सी, तुरेत्ते रिमकेनते ईसु थरेय सेनेना। 30लेकिन ईसु नीमित मेनते गाँव रे अनायीनिय मेजुः दोहो एनु। जे जघा रे मरथा जुमोईय सेनेना, हें-डेय दोहो एना। 31तहाँ हेंय सुदा ओड़ाः रेकू दोहोएन हेंकू एहूदिकू टेबोः बहालिय दोहो एनकू, तुरेत्ते मरियोम रिमकेन ते बहेर हनतेय उडूंग एन हेना ञेंलके ते मरघटी हनते, ईयाम लगाडिय चलोः तना मेनते कू अड़ींग एना। तहाँ कू ओतोंग तेडिया। 32मरियोम ईसु दोहोएन हेनाय तयाःतेड तहाँ, ञेंलतेडिय सी ईसु कटा दुबी रेय उकड़ुम एना, अवुरिय कहनी तेडा, “ए परभु, अम ना रेम दोहोएन रेदो इंञ बोहोंञ एरोय गोजेन मेनू।”

33हेना वरी ईसु मरियोम अवुर हेंय सुदा कू मेजेन हेंकू एहूदिकू ईयाम दोहो एनकू, हेना ञेंलके ते दुख लगो एना, अवुरिय मन उदास यनु। 34अवुरिय होंबोर तेडा, “हेंय करे पे जतन केडिया?” हेना वरी हेंकू कहनी तेडा, “ए परभु, सेनकोः तेम ञेंल अगेयू।”

35ईसु ईयाम एना। 36हेना वरी एहूदिकू कहनी तेडा, “ञेंलेय पे मखा, लाजर तीमिनिय परेमिय दोहो एनु।”

37लेकिन हेंकू मेंडे अवुराःकू कहनी तेडा, “नेय अंद्हा घलिय चिकन तेडिया, दो नेय मेनेय बंचो सकोगन किदो?”

ईसु लाजारिय जियो तेडा

38हेना वरी ईसु फेरेच अखीर उदास केनते मरघटी रेय सेनेना। हेना मरघटी लात राः दोहो एना, अवुर हेना दुवर तू मियाँटंग बडाआ दिरी तेकू रेडताडा। 39हेना वरी ईसु कहनी तेडा, “नआँ दिरी पे अड़ी।” गोजता नय दीदित मरथा कहनी तेडा, “ए परभु, गोजकेन ते चार दिन पुरो यना, निहों दो सोंओंआँ जहानू।”

40हेना वरी ईसु हेंय थरेय कहनी तेडा, “अम बिसवासे रेदो भगवान राः सक्‍तिम ञें-लेआ मेनते, मेनेंञ कहनी गडमिआँ किदो?” 41हेना वरी हेंकू हेना दिरी कू अड़ी तेडा। तहाँ ईसु अगस हनिय तको केतेय कहनी तेडा, “ओ अपा, ईञाः मी अँजोम केडा, हेनाते धन्यावादिंञ ओवाम तना। 42अम ईञाः हमेसाम अँजोमेआँ, हेना इंञ पपाड़ी तना। लेकिन धरी कगर ते चड़ाँ केनकू होड़कू, इंञ मी कुलकेड हेना कू बिसवासे लगड नआँ याःतेंञ कहनी तेडा।” 43नआँ कहनी केड राः बाद रे ईसु अच्छा तेय कहनी तेडा, “ए लाजर, उडूगुःमी!” 44तहाँ गोजतन हेनी जेयसे तीत कटत कफन तेकू तोलताडा, हेन घयते मरघटी वरी बहेरिय उडूंग एना, अवुर हेंय अहात चिथरा तेकू गुरघेट तडा। हेना वरी ईसु हेंकू थरेय कहनी तेडा, “लड़ा गोडवय पे।”

ईसु ञेंड लगड कू सलाह एना

(मत्ती 26:1-5; मरकुस 14:1-2; लूका 22:1-2)

45मरियोम सुदा मेजेन हेंकू एहूदिकू, ईसु चमत्कार कामिय काम तेडा हेना कू ञेंलतेडा, हेंकू मेंडे रे अखीर होड़कू हेंय थरे कू बिसवास तेडा। 46लेकिन हेंकू मेंडे गोटाचार होड़कू फरीसिकू थरे सेनकेनते, ईसु काम तेडा हेना राः बारे तेकू लाय तेडा। 47हेना वरी नआँ अँजोम केते बड बडे आजककू अवुर फरीसिकू महासभा रेकू जवर एना, अवुर कू कहनी तेडा, “अबू काःतेबू चीया? नेय होड़ दो अखीर चमत्कार कामिय काम यडा। 48अबू नेन याःतेबू एनेंवय रेदो सींड़कू हेंय मसीहा हवे मेनते कू बिसवासेआ, अवुर रोमिकू मेजकोःते अबू राः मँडिल अवुर अबू रेनकू होड़कुकू कब्जा कुआ।”

49तहाँ हेंकू मेंडे रे मियाँहोड़ कयफा मेनते कू ञुमू तडिया, हेना तोलोग सींड़कू वरी बडेअय आजक हें-नी दोहो एना। हेंय कहनी तेडा, “अपे कनर मेने पे पपाड़िआ, 50अवुर अबू देस रेनकू सींड़कू रोमि सरकार राः हाथ ते नासुः राः बदला ते अबू लगड मियाँहोड़ होड़ गोजुः लगड बढ़ियाँ गिआ, नआँ अपे ची लगड मेने पे समझोः तना?”

51नआँ टेबोः अनानेज राः मन ते मेनेय कहनी गडा, लेकिन हें-नी हेना तोलोग सींड़कू वरी बडेअय आजक दोहो एना, हेनाते हेंय भविस्यवाड़ी तेडा कि सींड़ एहूदिकू लगड ईसु गोजुः जरूरी इदाना। 52एहूदिकू लगड भर मेने गोटा दुनिया रे जेतना ना भगवान रेनकू होड़कू मिरीज केना, हेंकू सींड़कू जवर कू लगाडिय गोजुआ मेनते।

53हेन चेका वरी हेंकू ईसु ञेंड गोज लगड गुट कू बनो दोहो एनु। 54हेनाते ईसु हेन तोलोग वरी एहूदिकू थरे सगोरकू राः आँख देखर ते मेनेय सेन बेड़ा गडा, लेकिन चेला कुतय सुदा इफराईम मेनते कू ञुमू केडा, हेना सहर रे सेनकेन तेय दोहोन दोहो एनु। हेना सहर सुनहर ओत बँदेर रे दोहो एना। 55एहूदिकू राः पस्का परब तयाः बंचो तना, अवुर अखीर होड़कू पस्का परब वरी मड़ंग ते अना कुकू सुद्ध#11:55 भगवान राः नँजेर रे सुद्ध कोःते पस्का परब मनो लगड कुछ दिन पहील ते होड़कू एरुसलेम मँडिल रे सेनकोःते नियम राः अनुसार ते अना कुकू सुद्ध दोहो एनु। लगड गाँव वरी एरुसलेम कू सेनेना।

56हेंकू होड़कू ईसु कू छपा बेड़ा दोहो एनु। अवुर मँडिल रे अकू अकू होंबोर ओड़ेंगू, “अपे काःतेपे पसींद यडा, हेंय नआँ परब रेय मेजुआ किदो एरोआ?” 57अवुर बड बडे आजककू अवुर फरीसिकू आदेस तडा कि अगर कनय ईसु करेया हेना कू पपाड़ीः रेदो, लाय वले कू ताकि अले पकड़ोवियू मेनते।

Currently Selected:

एहुन्‍ना 11: ksz

Highlight

Copy