परेरित 26
26
अगरिपा राः मड़ंग रे पवलुस राः भाँसड़
1अगरिपा पवलुस थरेय कहनी तेडा, “अम अपन बिसेय ते टेबोः लगड हुकूम वम तनाञूँ,” हेना वरी पवलुस तीत सुहरू केतेय कहनी तेडा, 2“ओ अगरिपा राजा! एहूदिकू जे टेबोः रे इंञ थरे दोस कू लगो यडा, तेसींञ अम मड़ंग रे हेना राः जबाब एम लगड, इंञ अपन आसीसिंञ ञँमकेडा मेनतेंञ समझोः तना। 3खासकर अम एहूदिकू राः सींड़ रीति रिवाज अवुर होड़बा दुआ हेनाम पपाड़िआ, हेनाते इंञ अरजीः तना, ठहरूक ते ईञाः टेबोः मी अँजोमे।
4ईञाः चाल चाल बेहवार अपन देस रे अवुर एरुसलेम रेहो इंञ चोंनोडीज वरी काःते जिनगिंञ बितो केडा, हेना सींड़ एहूदिकू पपाड़िआ। 5#परेरित 23:6; फिलि 3:5हेंकू अगर गोवाही एएमकू चहोः तन रेदो। मेकू इंञ सुनुरू वरी कू चिन्हों केडिञाँ, अवुर इंञ फरीसिकू घयते, अपन धरम राः एगो एगोंञ मनो तेडा। 6भगवान अले रेनकू दादी पुरखाकू थरे पनाहिल ते गोजकोः वरी जियो रिमुः राः जबान राः असराय एमकेडा, हें-नराः बात चीत चलोः तना। 7हें-ना जबान केडा पूरा होयाः लगड, असरा केनते अले रेनकू बारहो गोतिकू, अपन मन लगाय ते सींञ ञींद भगवान राःकू सेवा अगियाडा। ए राजा, नेनांञ असरा वताना राः बिसेय ते, एहूदिकू दोस यडिञाँ। 8अपे भगवान गोजकोःकुय जियो कुआ मेनाआँ टेबोः रे ची लगड मेने पे बिसवास यडा?
9 #
परेरित 8:3; 22:4,5 इंञ होंञ पसींद तेडा कि नासरेत रेनिय ईसु राः बिरोध रे बहुत कुछ करेक चही। 10अवुर इंञ एरुसलेम रे नेनेन घयतेंञ करो तेडा; अवुर बड बडे आजककू वरी हँक ञँमकेड ते, अखीर पवितर होड़कू जेहेल रेंञ डलो तेडकुआ। अवुर हेंकू कू ञेंड गोजकू तोलोग, इंञ हो हेंकू राः बिरोध रे सहमातिंञ दोहो एना। 11अवुर सींड़ आराधना ओड़ाः ते, हेंकू सजा दे-दे ते, ईसु राः ञुमूंञ एर निंदा कू दोहो एनु। हेंकू राः बिरोध रे इंञ खीस राः मार ते बवुड़ यनाय होड़ घयते हेंकू सतो कू लगड एटाः सहर रेहोंञ सेनेना।
अनेज राः जीवन बदलो एना हेनाय लाय तेडा
12ने-ना काम लगड इंञ बड बडे आजककू वरी हँक अवुर हुकूम ञँमकेते, दमिस्क सहर हनतेंञ चलोः दोहो एनु। 13ए राजा, तीकिन जुवर होर तेले चलोः तोलोग, इंञ अगस रे बेर वरी घली अखीर तेज ते चमकोआ, मियाँटंग इंजोर इंञ अवुर गतिंञ कू थरे, चरियो गतर हँडे चमकोः तोलोगिंञ ञेंलवाडा। 14अवुर अले सींड़कू ओतेत रेले लोजोर यनु, तहाँ इंञ थरे इबरानी भासा ते नआँ घयते कहनिय तोलोगिंञ अँजोम तेडा, ‘ए साऊल, ए साऊल, अम इंञ ची लगड मी ससीत यडिञाँ? सुजगाआ पयना रे ललातान अम लगड बढ़ियाँ कोवाआ।’ 15तहाँ इंञ कहनी तेडा, ‘ए परभु अम ईया हवे?’ हेना वरी परभु कहनी तेडा, ‘अम ससीत यडिञाँ, हें-नी ईसु हवे। 16लेकिन अम रिमुःमी, अवुर कटम राः बल तेम चड़ाँऊ, अम ईञाअय सेवेखिया अवुर गोवाही ए-मय बनो मी लगाडिंञ दरसन एना, अवुर इंञ अम दरसानिय ओवड मिआँ, अवुरिंञ ओवा मिआँ, नआँ टेबोः होड़कुम लायवा। 17अब इंञ अमाःकू होड़कू, अवुर अनजातकू थरेंञ कुलयड मिआँ, अवुर इंञ हेंकू वरिंञ बंचो मिआँ। 18अवुर अम हेंकू राः मेड मी जीजू, ताकि हेंकू अंधरा ओत वरी इंजोत हनते, अवुर सयतान राः हाँथ गाँथ वरी भगवान हनतेकू मिड़ाऊ; अवुर पाप राः माफी ञँमुऊ, अवुर इंञ लाय वडकुआ हेना रेकू बिसवास केडा तेकू पवितर केना, हेंकू होड़कू सुदा जघा कू ञाँमू’।”
पवलुस राः करम
19“हेनाते अगरिपा राजा, इंञ सरग राः दरसानिंञ ञेंलकेड हेना मेनेंञ नहकार गडा। 20#परेरित 9:20,28,29लेकिन मड़ंग ते दमीसिक रे, फेर एरुसलेम रे दोहोनकू, हेना वरी अहूदिया राः सींड़ छेतर रे, अवुर अनजात कुंञ समझो दोहो एनु कि अपन पाप वरी मन पे मिड़ाऊ, अवुर भगवान हनते मिड़ाः कोःते पाप वरी मन मिड़ाः केडकू घयते बढ़ियाँः काम पे करो। 21ने-ना टेबोः राः चलते ते, एहूदिकू इंञ मँडिल रेंञ दोहोएन तोलोग कू पकड़ो केडिंञ ते ञेंड गोजेंञ मेनते कू सँबह एना। 22अवुर इंञ भगवान राः सहेता ते, तेसींञ मेनते इदानिञाँ, अवुर होडिंञ बडेकू सींड़कू मड़ंग रे गोवाहिंञ लाय यडा, हेना भविस्यवक्ताकू अवुर मूसा हो ‘होयाआ’ मेनतेय कहनी तेडा, ने-ना टेबोः छोड़ कनर मेनेंञ कहनी यडा। 23#1 कुरि 15:20 नआँ टेबोः न घयतेकू कहनिया कि मसीहा दूखिय रीमा, अवुर हें-नी गोजकेनकू मेंडे सींड़कू वरी मड़ंग तेय जियो रिमकोःते, अबू रेनकू होड़कू थरे अवुर अनजातकू थरे इंजोत मतलोब बंचो बुराः टेबोईय परचारा।”
24पवलुस नेन घयतेय जबाबे दोहो एनु, तहाँ फेस्तुस बडे आवाज तेय कहनी तेडा; “ए पवलुस, अम बवराह यनामू, अम अखीर बिदियाम चेडकेड हेनाते बवराह गोत्तेड मिआँ।” 25लेकिन पवलुस कहनी तेडा, “ए आदरनिय फेस्तुस, इंञ बेगारिंञ बवराहा, लेकिन इंञ सत अवुर बुद्धि राः टेबोईंञ कहनी यडा। 26अवुर ईञाः बिसवास हवे कि नआँ टेबोः अगरिपा राजा होय पपाड़िआ, अवुर हेंय वरी कनर बेगर उकुआ, हेनाते इंञ हेंय मड़ंग रे निडर तेंञ कहनी यडा, कहेकि नआँ घटना कनर दलंग रे बेगर होयाआ। 27ए अगरिपा राजा, अम भविस्यवक्ताकू रअम बिसवास यडा किदो? हूँ, इंञ पपाड़ी तना, अम बिसवास यडामू।” 28हेना वरी अगरिपा पवलुसिय कहनी वडू, “अम मिनिये घड़ी ते मसीहा बनोविंञ मेनतेम सँबाहुः तना किदो?” 29तहाँ पवलुस कहनी तेडा, “भगवान थरे ईञाः बिनती हवे कि मिनियें घड़ी ते चहे बगरा समय ते, केवल अनाम भर दो मेने, लेकिन जेतना होड़कू तेसींञ ईञाः टेबोः कू अँजोम यडा, हेंकू सींड़कू इंञ घयतेकू बनोऊ, लेकिन इंञ मेनेंञ चहोः तना कि इंञ घयते बंधवाकू दोहोनू।”
30हेना वरी राजा अवुर अधिकारी अवुर बिरनीके अवुर हेंकू सुदा कू दुड़ूब तन हेंकू रिम चड़ाँ यनु। 31अवुर हेंकू एटाः हँडे सेनकेन तेकू कहनी ओंड़ेग एना, “नेय होड़ मिरतू दंड ञँमुः घियाआ चहे तोलेय घियाआ, कनर बेगारिय कामा।” 32अगरिपा, फेस्तुस थरेय कहनी तेडा; “अगर नेय होड़ कयसर थरे मेनेय अरजी गन रेदो, नेय अगड़ू एन मेनियू।”
Currently Selected:
परेरित 26: ksz
Highlight
Share
Copy

Want to have your highlights saved across all your devices? Sign up or sign in
© 2022, Wycliffe India. All rights reserved.