मति 28:12-15
मति 28:12-15 DHINT
कालाउ मुलि पुजारिगेलाइ कालाउ यहुदि आगुवागेलाइ जोम्तेङ इम्बालाइ साल्हा पाहि, कालाउ सिपालाइहेङ एसा दोअ्तेङ हेन्जाङ घुस पिहि। नेलाइ द्याङगेलाइहेङ एसापा दोअ्सु, कि केलाइ जिम्तेङ हिलाउ येसुको चात्यागेलाइ लोतेङ वाको लासहेङ खुतेङ चुम्पुहि। नेलाइ पाले हिका बेला जिम्लाउ इदोइ काथा हाकिमको न्हातोङता थुकालाउ बुङ नेलाइ चिन्ता मापासु, केलाइ वासेहेङ मानेपातेङ नेलाइहेङ बान्चेपाङ। कालाउ इम्बालाइ इङको ताका ह्रुतेङ, जेसाङ धिर्पाहि एन्साङ दोअ्हि, इदोइ काथा चाहि यहुदिगेलाइको माझाता एला थेकापा बुङ चार-चाराइका हि।
Bible App
Bible App for Kids
