Jɔn Ndibned ń kálag
Ndibned ń kálag
Nkalaŋ ḿ bwâm ngáne Jɔnɛ átélé ńlûmte aá Yesuɛ adíi Eyale é Dyǒb éche édé á ngíndé ne á ngíndé. Échê Eyale êntǐm moonyoŋ édyɛ̄ɛ̄-ʼɛ átîntê e bad. Ḿmɛ́n nkalaŋ, Jɔnɛ atelé mɔ́ âbɛl bad ábe béláa mɔ́ bédúbe nɛ́n bán Yesuɛ, Mwǎn a Dyǒb mɔ́ adé Nsoodɛ awě Dyǒb dénhɔ̄bpē aá mɔ́ɔ̄lōm. Anlúméd-tɛ aá nzé bad bédúbpé mɔ́ bɛ́kǔd eʼsoósoŋ.
Á kálag tê wɛ́n á mbooted, Jɔnɛ alûmte ngáne baahɔ́g béndūbɛ̄ɛ̄ Yesuɛ békwɛntɛ́n-nɛ âhíd mɔ́, álūmtē-ʼɛ ngáne bémpēe-ʼɛ bétə́ŋgánnáá mɔ́, béekwɛntɛneʼ-ɛ mɔ́ adúbe. Eʼpɛd 13-17 éʼhɔ́be tə̂ŋgɛne abɛ́ áde Yesuɛ ne ábē bembapɛɛ bémbɛ̄ɛ̄ póndé esyəə́l kə́ə́ŋ ne epun éche békóbé mɔ́ ne mam ḿme ánlāāʼɛ́ bɔ́ ene póndé esyəə́l. Jɔnɛ ahɔ́bé ámpē aá nzé mod adúbpé Krǐstəə ǎkǔd aloŋgé áde déemaáʼ.
Nkabtéd ń kálag
Ndibned 1.1-18
Jɔnɛ, Ndusɛnɛ ne bembapɛɛ béʼsō ábe Yesuɛ 1.19-51
Nsɔ́n ḿme Yesuɛ 2.1-12.50
Eʼpun bé asóg ábe Yesuɛ á Jerusalɛm ne bɛnbɛn ne Jerusalɛm 13.1-19.42
Mpuu ḿme Sáŋgwɛ́ɛ́ ne alúmed áde álúmtáá bad yə̌l 20.1-31
Nsógtɛn: Yesuɛ alúmté yə̌l ámpē á Galilia 21.1-25
Currently Selected:
Jɔn Ndibned ń kálag: bss
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2011, CABTAL