مَرْكُسْ 9
9
1يَكُمَثٜىٰ مُسُ «غَسْكِيَ، إِنَ غَيَ مُكُ، أَݣَويْ وَطَنْسُ دَسُكٜىٰ ڟَيٜىٰ أَنَنْ وَطَنْدَ بَذَاسُ مُتُ بَ، سَيْ سُنْغَ مُلْكٍ اللَّهْ يَبَيَّنَ دَ إِيكُواْ؞»
سَاكٜىٰوَرْ كَمَنِّنْ عِيسَىٰ
﴿مَتْ 17.1-13؛ لُكْ 9.28-36﴾
2بَايَنْ ݣُونَ شِدَ عِيسَىٰ يَطَوْكِ بِتْرُسْ دَ يَعْڧُوبَ دَ يَحْيَى، يَكَيْسُ كَنْ وَنِ بَبَّنْ تُدُ مَيْ ڟَوُاْ عِنْدَ سُكَ كَسَنْثٜىٰ سُو كَطَيْ؞ أَنَانً سَيْ كَمَنِّنْسَ يَثَنْجَ أَغَبَنْسُ، 3رِيغُنَنْسَ كُمَ سُكَيِ ڢَرِ ڢَتْ سُنَ ڨَلِّ، يَدَّ بَا مَيْ وَنْكِنْ دَ ذَيْ إِيَيِنْسُ حَكَ عَدُونِيَا؞ 4سَيْغَا أَنَّبِے إِلْيَاسُ دَ أَنَّبِے مُوسَٰى سُكَ بَيَّنَ أَغَرٜىٰسُ، سُنَ مَغَنَ دَ عِيسَىٰ؞ 5سَيْ بِتْرُسْ يَثٜىٰ وَ عِيسَىٰ «مَلَمْ، يَيِݣَوْ دَمُكٜىٰ نَنْ، بَرِ مُيِ بُكُّواْكِ عُكُ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞» 6يَرَسَ أَبِنْدَ ذَيْ ڢَطَا نٜىٰ، دُواْمِنْ شِ دَ سَوْرَنْ أَلْمَجِرَنْ سُنْ جِڟُواْرُواْ ڨُورَيْ؞
7سَيْغَا وَنِ غِرْغِجٜىٰ يَا ذُواْ يَا رُڢٜىٰسُ، عَكَ كُمَجِ وَتَ مُرْيَ دَغَ ثِكِنْ غِرْغِجٜىٰنْ، تَنَ ثٜىٰوَ «وَنَّنْ شِينٜىٰ طَانَ، وَنْدَ نَكٜىٰ ڧَوْنَ؞ كُسَوْرَرٜىٰشِ!» #2 بِتْ 1.17-18 8بَا لَابَرِ دَ سُكَ دُدُّوبَ، بَسُ ڧَارَ غَنِنْ كُواْوَ بَ، سَيْ عِيسَىٰ كَطَيْ تَرٜىٰدَسُو؞
9دَ سُنَ ثِكِنْ غَنْغَرُواْوَ دَغَ تُدُنْ، سَيْ عِيسَىٰ يَجَا مُسُ كُنّٜىٰ كَدَ سُغَيَ وَكُواْوَ أَبِنْدَ سُكَ غَنِ، سَيْ طَنْ مُتُمْ يَتَاشِ دَغَ مَتَتُّو تُكُنَ؞
10دُواْمِنْ حَكَ سُكَ بَرْ وَنَّنْ مَغَنَرْ، سُنَ تَمْبَيَرْ جُونَ كُواْ مٜىٰنٜىٰنٜىٰ عِيسَىٰ يَكٜىٰ نُڢِ دَ «تَاشِ دَغَ مَتَتُّو»؞ 11عَڧَرْشٜىٰ سُكَ تَمْبَيٜىٰشِ سُكَثٜىٰ «تُواْ، دُوانْمٜىٰ مَلَمً كُواْيَرْوَرْ مُوسَٰى سُكٜىٰثٜىٰوَ سَيْ أَنَّبِے إِلْيَاسُ يَڢَارَ ذُوَا، سَعَنً أَلْمَسِيحُ يَذُواْ؟» #مَلْ 4.5؛ مَتْ 11.14
12 عِيسَىٰ يَأَمْسَ يَثٜىٰ «غَسْكِيَ نٜىٰ أَنَّبِے إِلْيَاسُ ذَيْ ڢَارَ ذُوَا دُواْمِنْ يَشِرْيَ كُواْمٜىٰ؞ عَمَّا أَنْكُمَ رُبُوتَ عَثِكِنْ مَغَنَرْ اللَّهْ ثٜىٰوَ طَنْ مُتُمْ ذَيْشَا وُيَ إِرِ إِرِ، ذَاعَ كُمَ وُلَڧَنْتَ شِ؞ كُواْ بَهَكَبَ؟ 13أَيْ، إِلْيَاسُ يَا رِغَا يَاذُواْ، مُتَنٜىٰ سُكَ كُمَيِ مَسَ دُكْ أَبِنْدَ سُكَغَ دَامَ، كَمَرْ دَيْ يَدَّ عَكَ رُبُوتَ ذَيْ ڢَرُ؞» #مَتْ 17.13
عِيسَىٰ يَوَرْكَرْ دَ يَرُواْ مَيْ أَلْجَنِ
﴿مَتْ 17.14-21؛ لُكْ 9.37-43﴾
14دَ عِيسَىٰ دَ أَلْمَجِرَنَّنْ عُكُ سُكَ كُواْمَ وُرِنْ سَوْرَنْ أَلْمَجِرَنْ، سَيْ سُكَ غَ بَبَّنْ تَارُواْ يَكٜىٰوَيٜىٰسُ؞ مَلَمً كُواْيَرْوَرْ مُوسَٰى كُمَ سُنَ غَرْدَمَ دَسُو؞ 15دَ غَنِنْ عِيسَىٰ سَيْ دُكْ تَارُوانْ سُكَيِ مَامَاكِ ڨُورَيْ دَ غَسْكٜىٰ، سُكَتَاشِ دَ غُدُ سُكَجٜىٰ سُكَ غَيْشٜىٰشِ؞ 16عِيسَىٰ يَتَمْبَيِ أَلْمَجِرَنْسَ يَثٜىٰ «غَرْدَمَرْ مٜىٰ كُكٜىٰيِ دَسُو؟»
17سَيْ وَنِ مُتُمْ دَغَ ثِكِنْ تَارُوانْ يَأَمْسَ مَسَ، يَثٜىٰ «مَلَمْ، غَاشِ نَكَٰوُاْ مَكَ طَانَ، وَنْدَ يَكٜىٰدَ رُوحُ نَذَمَنْ بٜىٰبٜىٰ عَثِكِنْسَ؞ رُوحٌ يَنَ حَنَ شِ مَغَنَ؞ 18دُكْ لُواْكَثِنْ دَ أَبِنْ يَتَاشِ، يَكَنْ جٜىٰڢَرْ دَشِ عَڧَسَا؞ يَكَنْ سَا شِ يَڢِدَّ كُمْڢَ عَبَاكِ، يَنَ كُمَ ثِظُوانْ هَڧُواْرَ، جِكِنْسَ كُمَ يَمِيڧٜىٰ دَ ڧَرْڢِے؞ نَيِ وَ أَلْمَجِرَنْكَ مَغَنَ سُڢِتَرْ دَشِ، عَمَّا سُنْ كَاسَ؞»
19 عِيسَىٰ يَأَمْسَ مُسُ يَثٜىٰ «كُو مُتَنٜىٰنْ زَامَانِنَّنْ، مَرَسَ بَنْغَسْكِيَ، حَرْ ذُوَا يَوْشٜىٰ ذَنْ ذَوْنَ تَرٜىٰدَكُو؟ حَرْ يَوْشٜىٰ كُمَ ذَنْ جِمْرٜىٰ دَكُو؟ كُكَٰوُاْ مِنِ يَرُوانْ؞» 20سَيْ سُكَ كَٰوُاْ مَسَ يَرُوانْ؞
دَ رُوحٌ يَغَ عِيسَىٰ، نَنْ دَنَنْ سَيْ يَبُغِ يَرُوانْ، جِكِنْسَ يَنَ ضَوَ، يَڢَاطِ يَنَ تَبِرْغِمَ، بَاكِنْسَ كُمَ يَنَ تَڢِدَّ كُمْڢَ؞ 21سَيْ عِيسَىٰ يَتَمْبَيِ بَابَنْ يَرُوانْ «تُنْ يَوْشٜىٰ وَنَّنْ أَبُ يَسَامٜىٰشِ؟»
بَابَنْ يَثٜىٰ «تُنْ يَنَ ڧَرَمِ؞ 22يَكَنْ جٜىٰڢَ شِ أَوُتَادَ ثِكِنْ ضُوَ، دُوانْ دَيْ يَكَشٜىٰشِ؞ عَمَّا إِنْ ذَاكَ عِيَيِنْ وَنِ أَبُ، كَجِ تَوْسَيِنْمُ كَتَيْمَكٜىٰمُ؞»
23 عِيسَىٰ يَثٜىٰ مَسَ «دُوانْمٜىٰ كَكٜىٰ تَمْبَيَ كُواْ ذَنْعِيَ؟ أَيْ، دُكَنْ أَبُ مَيْيِوُوَ نٜىٰ غَ وَنْدَ يَكٜىٰ بَادَ غَسْكِيَ؞»
24نَنْ دَ نَنْ سَيْ بَابَنْ يَرُوانْ يَطَغَ مُرْيَ يَثٜىٰ «نَا بَادَ غَسْكِيَ، كَتَيْمَكٜىٰنِ إِنْڧَارَ غَسْكَتَاوَا!»
25دَ عِيسَىٰ يَغَ مُتَنٜىٰ سُنَ تَظُوَ دَ غُدُ، سَيْ يَڟَاوَتَا وَڧَظَامِنْ رُوحٌ يَثٜىٰ مَسَ «كَيْ رُوحُ مَيْ حَنَ يَرُواْنَّنْ يِنْ مَغَنَ، نَعُمَرْثٜىٰكَ كَڢِتَ دَغَ ثِكِنْسَ، كَدَ كَسَاكٜىٰ شِغَ ثِكِنْسَ كُمَ؞»
26أَلْجَنِنْ كُوَ يَيِ إِيهُ، يَكُمَ جِجِّغَ يَرُوانْ سُواْسَيْ، سَعَنً يَڢِتَ؞ يَرُوانْ كُمَ يَݣُونْتَ كَمَرْ غَاوَا، حَرْ مَا يَوَنْثِنْ مُتَنٜىٰ سُكَثٜىٰ «أَيْ، يَمُتُ؞» 27عَمَّا عِيسَىٰ يَكَامَ حَنُّنْسَ يَطَغَ شِ، يَكُوَ تَاشِ أَڟَيٜىٰ؞
28دَ عِيسَىٰ يَشِغَ ثِكِنْ غِدَا، أَلْمَجِرَنْسَ سُكَ تَمْبَيٜىٰشِ عَٻُواْيٜىٰ، سُكَثٜىٰ «دُوانْمٜىٰ مُو مُكَ كَاسَ ڢِتَرْدَ رُوحٌ؟»
29 عِيسَىٰ يَأَمْسَ، يَثٜىٰ «أَيْ، إِرِنْ وَنَّنْ رُوحٌ بَايَ ڢِتَ سَيْ دَ أَدُّعَ؞»
عِيسَىٰ يَسَاكٜىٰ يِنْ مَغَنَ غَمٜىٰدَ مُتُوَرْسَ
﴿مَتْ 17.22-23؛ لُكْ 9.43-45﴾
30سَيْ عِيسَىٰ دَ أَلْمَجِرَنْسَ سُكَ بَرْ وُرِنْ، سُكَ ثِيغَبَدَ تَڢِيَ، سُكَ وُثٜىٰ تَثِكِنْ غَلِيلِ؞ عِيسَىٰ بَيْسُواْ وَنِ يَسَنْ عِنْدَ سُكٜىٰ بَ، 31دُواْمِنْ يَنَ كُواْيَوَ أَلْمَجِرَنْسَ ثٜىٰوَ «ذَاعَ بَادَ طَنْ مُتُمْ غَ حَنُّنْ مُتَنٜىٰ، ذَاسُ كُوَ كَشٜىٰشِ؞ بَايَنْ ݣُونَ عُكُ كُمَ ذَيْ تَاشِ؞» 32عَمَّا بَسُ غَانٜىٰ دَ أَبِنْدَ يَكٜىٰ نُڢِبَ، سُنَ كُمَجِنْ ڟُواْرُواْ سُتَمْبَيٜىٰشِ؞
وَ يَڢِ غِرْمَ؟
﴿مَتْ 18.1-5؛ لُكْ 9.46-48﴾
33سُكَ كَيْ كَڢَرْنَهُمْ؞ دَ عِيسَىٰ يَشِغَ غِدَا سَيْ يَتَمْبَيِ أَلْمَجِرَنْسَ يَثٜىٰ «عَكَنْمٜىٰ كُكٜىٰ غَرْدَمَ أَ حَنْيَ؟»
34عَمَّا سُكَيِ شِضُ، دُوانْ أَ حَنْيَ سُنْيِ غَرْدَمَ عَكَنْ كُواْ وَنٜىٰنٜىٰ مَڢِے غِرْمَ عَثِكِنْسُ؞ #لُكْ 22.24 35سَيْ عِيسَىٰ يَذَوْنَ، يَكِرَا شَا بِيُنَّنْ، يَثٜىٰ مُسُ «دُكْ وَنْدَ يَكٜىٰسُواْ يَذَمَ نَڢَارِ، دُواْلٜىٰنٜىٰ يَذَمَ نَڧَرْشٜىٰ دُكَ، يَذَمَ مَيْيِ وَكُواْوَ حِدِمَ كُمَ؞» #مَتْ 20.26-27؛ 23.11؛ مَرْ 10.43-44؛ لُكْ 22.26 36يَطَوْكِ وَنِ ڧَرَمِنْ يَرُواْ يَسَاشِ يَڟَيَ أَڟَكِيَرْسُ؞ سَعَنً يَطَوْكٜىٰشِ يَضُنْغُمٜىٰ شِ، يَثٜىٰ مُسُ، 37«دُكْ وَنْدَ يَكَرْٻِ ڧَرَمِنْ يَرُواْ كَمَرْ وَنَّنْ سَبُواْدَ سُونَنَ، نِنٜىٰ يَكَرْٻَ؞ وَنْدَ يَكَرْٻٜىٰنِ كُمَ، بَنِے يَكَرْٻَبَ، وَنْدَ يَعَيْكُواْنِنٜىٰ يَكَرْٻَ؞» #مَتْ 10.40؛ لُكْ 10.16؛ يَحـ 13.20
وَنْدَ بَايَ غَابَادَمُو، نَامُنٜىٰ
﴿لُكْ 9.49-50﴾
38أَنَانً، سَيْ يَحْيَى يَثٜىٰمَسَ «مَلَمْ، مُنْغَ وَنِ يَنَ ڢِتَرْدَ أَلْجَنُ دَ سُونَنْكَ، مُكَ كُوَ هَنَشِ، دُواْمِنْ شِ بَايَ ثِكِنْمُ؞»
39عَمَّا عِيسَىٰ يَثٜىٰ «كَدَ كُهَنَشِ؞ أَيْ، بَاوَنْدَ ذَيْ يِوَنِ عَيْكِنْ بَنْ مَامَاكِ عَثِكِنْ سُونَنَ يَكُمَيِ بَڧَرْ مَغَنَ عَكَيْنَ نَنْ دَنَنْ؞ 40أَيْ، دُكْ وَنْدَ بَايَ غَابَادَمُو، نَامُنٜىٰ؞ #مَتْ 12.30؛ لُكْ 11.23 41إِنَ غَيَ مُكُ غَسْكِيَ، دُكْ وَنْدَ يَبَاكُ ضُوً شَا، كُواْ ݣُوڢْ طَيَ، دُواْمِنْ كُو نَ أَلْمَسِيحُ نٜىٰ، غَسْكِيَ إِنَ غَيَ مُكُ، بَذَيْ رَسَ لَادَنْسَبَ كُواْ كَطَنْ؞» #مَتْ 10.42
أَبُبُوَ مَاسُ سَا تُنْتُٻٜىٰ
﴿مَتْ 18.6-9؛ لُكْ 17.1-2﴾
42«ذَيْ ذَمَ أَبِنْ تَوْسَيِ غَ وَنْدَ يَسَا طَيَ دَغَ ثِكِنْ يَارَا ڧَنَانَنَّنْ مَاسُ بَادَ غَسْكِيَ غَرٜىٰنِ يَيِ ذُنُوبِ؞ ذَيْڢِ مَسَ ݣَوْ أَطَوْرَ مَسَ بَبَّنْ دُوڟٜىٰنْ نِڧَ أَوُيَ، أَ جٜىٰڢَشِ ثِكِنْ تٜىٰكُ؞ 43عِدَنْ كُوَ حَنُّنْكَ يَنَ سَاكَ كَيِ ذُنُوبِ، سَيْ كَيَنْكٜىٰشِ مَنَ! يَڢِ ݣَوْ كَشِغَ رَيْ نَهَرْ أَبَدَا دَ حَنُّ طَيَ دَ كَبَرْ دُكَنْ حَنُّوَنْكَ كَشِغَ غِدَنْ وُتَادَ حَنُّ بِيُ؞ وُتَرْ كُمَ بَذَاعَ عِيَ كَشٜىٰتَبَ؞#مَتْ 5.30 44أَوُرِنْ كُوَ، ڟُڟُواْڟِنْ دَسُكٜىٰ ثِنْسُ بَاسَ مُتُوَ، وُتَرْ كُمَ بَذَاعَ عِيَ كَشٜىٰتَبَ؞#9.44 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞ 45عِدَنْ كُمَ ڧَڢَرْكَ تَنَ سَاكَ كَيِ ذُنُوبِ، سَيْ كَيَنْكٜىٰتَ مَنَ! يَڢِ ݣَوْ كَشِغَ رَيْ نَهَرْ أَبَدَا دَ ڧَڢَا طَيَ دَ كَشِغَ غِدَنْ وُتَادَ ڧَڢَا بِيُ؞ 46أَوُرِنَّنْ دَيْ ڟُڟُواْڟِنْ دَسُكٜىٰ ثِنْسُ بَاسَ مُتُوَ، وُتَرْ كُمَ بَذَاعَ عِيَ كَشٜىٰتَبَ؞»#9.46 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞ 47عِدَنْ كُمَ عِدُوانْكَ نٜىٰ يَنَ سَاكَ كَيِ ذُنُوبِ، سَيْ كَثِرٜىٰشِ؞ يَڢِ ݣَوْ كَشِغَ مُلْكٍ اللَّهْ دَ عِدُواْ طَيَ دَ أَ جٜىٰڢَكَ غِدَنْ وُتَادَ عِدُواْ بِيُ؞ #مَتْ 5.29 48أَوُرِنْ،
« ‹ڟُڟُواْڟِنْ دَسُكٜىٰ ثِنْسُ بَاسَ مُتُوَ،
وُتَرْ كُمَ بَذَاعَ عِيَ كَشٜىٰتَبَ؞›#عِشـ 66.24
49«ذَاعَ ڟَبْتَثٜىٰ كُواْوَ دَ وُتَا، كَمَرْ يَدَّ عَكٜىٰ ڟَبْتَثٜىٰ هَدَايَ دَ غِشِرِ؞ #لِـ ڢِرْ 2.13
50«غِشِرِ أَبُ نٜىٰ مَيْݣَوْ، عَمَّا عِدَنْ غِشِرِ يَرَبُ دَ دَاطِنْسَ دَمٜىٰ ذَاكُ ڠَرَشِ؟ سَيْ كُكَسَنْثٜىٰ دَ غِشِرِ عَثِكِنْكُ، كُيِ ذَمَنْ لَاڢِيَ دَ جُونَ؞» #مَتْ 5.13؛ لُكْ 14.34-35
Currently Selected:
مَرْكُسْ 9: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
