مَرْكُسْ 4

مِصَالِ نَمَيْ شُوكَ

﴿مَتْ 13‏.1‏-9؛ لُكْ 8‏.4‏-8﴾

1 عِيسَىٰ يَكُمَ ڢَارَ كُواْيَرْوَا عَبَاكِنْ تٜىٰكُنْ غَلِيلِ؞ تَرُوانْ مُتَنٜىٰ دَيَوَ سُواْسَيْ سُكَ تَارُ كٜىٰوَيٜىٰ دَشِ، حَرْ سَيْ دَ يَشِغَ جِضْغٍ ضُوَ يَذَوْنَ عَثِكِنْسَ عَكَنْ تٜىٰكُنْ؞ تَرُوانْ مُتَنٜىٰنْ كُوَ سُنَ عَبَاكِنْ تٜىٰكُنْ عَكَنْ تُدُ؞#لُكْ 5‏.1‏-3 2سَيْ يَكُواْيَ مُسُ أَبُبُوَ دَيَوَ تَوُرِنْ مِصَلَيْ؞ يَثٜىٰ مُسُ، 3‏«‏كُكَسَ كُنّٜىٰ!‏ وَنِ مَنُواْمِ يَا تَڢِے غُواْنَرْسَ دُواْمِنْ يَيِ شُوكَ؞ 4يَنَ ثِكِنْ يَاڢَ إِرِنْ كٜىٰنَنْ، سَيْ وَطَنْسُ إِرِ سُكَ ڢَاطِ عَكَنْ حَنْيَ، سَيْ ڟُنْڟَيٜىٰ سُكَذُواْ سُكَ ثِنْيٜىٰسُ؞ 5وَطَنْسُ إِرِ كُمَ سُكَ ڢَاطِ أَوُرِے مَيْ دُوَڟُو عِنْدَ بَ ڧَسَا سُواْسَيْ؞ سَيْ سُكَ ڟِرُواْ دَ سَوْرِ سَبُواْدَ ڧَسَرْ وُرِنْ بَاتَدَ ظُرْڢِ؞ 6دَ رَانَ تَيِ ذَاڢِ، سَيْ تَڧُواْنٜىٰسُ حَرْ سُكَ بُوشٜىٰ، دُوانْ بَاسُدَ سَيْوَ سُواْسَيْ؞ 7وَطَنْسُ كُمَ سُكَ ڢَاطِ عَثِكِنْ ڧَيَ، سَيْ ڧَيَرْ تَتَاشِ تَشَا ڧَرْڢِنْسُ حَرْ بَسُيِ ڟَابَبَ؞ 8وَطَنْسُ كُوَ سُكَ ڢَاطِ عَڧَسَا مَيْݣَوْ؞ سُكَ ڟِيرَا سُكَيِ غِرْمَ، سُكَيِكَيْ، وَطَنْسُ ڟَابَ تَلَاتِنْ تَلَاتِنْ، وَطَنْسُ سِتِّنْ سِتِّنْ، وَطَنْسُ حَرْ مَا طَرِے طَرِے؞»‏

9سَعَنً يَثٜىٰ ‏«‏دُكْ مَيْكُنّٜىٰنْجِ، بَرِ يَجِ؞»‏

مَنُڢَرْ مِصَالِ نَمَيْ شُوكَ

﴿مَتْ 13‏.10‏-17؛ لُكْ 8‏.9‏-10﴾

10لُواْكَثِنْ دَ عِيسَىٰ يَكٜىٰ ظَوْنٜىٰ شِ كَطَيْ، سَيْ أَلْمَجِرَنْسَ شَا بِيُ دَ وَطَنْسُ مَاسُبِنْسَ سُكَ ضُواْڧٜىٰشِ يَغَيَ مُسُ أَبِنْدَ مِصَالِنَّنْ يَكٜىٰ نُڢِ؞ 11سَيْ يَثٜىٰمُسُ،

‏«‏كُو كَمْ، أَنْيَرْدَ مُكُ كُسَنْ أَسِيرِنْ مُلْكٍ اللَّهْ؞ عَمَّا وَطَنْدَ بَاسَ ثِكِنْكُ، كُواْمٜىٰ سَيْ ثِكِنْ مِصَلَيْ؞ 12شِيَسَا،

‏«‏ ‏‹‏ذَاسُيِ تَدُوبَاوَ، عَمَّا بَذَاسُ تَٻَ غَنِبَ،

سُيِ تَجِ كُمَ، عَمَّا بَذَاسُ غَانٜىٰبَ؞

دُواْمِنْ كَدَ سُغَانٜىٰ،

سُتُوبَ عَكُمَ يَاڢٜىٰمُسُ؞›‏ »‏#عِشـ 6‏.9‏-10

عِيسَىٰ يَبَادَ بَيَانِنْ مِصَالِ نَمَيْ شُوكَ

﴿مَتْ 13‏.18‏-23؛ لُكْ 8‏.11‏-15﴾

13سَيْ عِيسَىٰ يَثٜىٰ مُسُ ‏«‏أَشٜىٰ، بَكُغَانٜىٰ مِصَالِنَّنْبَ؟ تُواْ، يَيَ ذَاكُغَانٜىٰ سَوْرَنْ؟ 14مَيْيَاڢَ إِرِنَّنْ ڢَا كَلْمَرْ اللَّهْ يَكٜىٰ يَڢَاوَا؞ 15إِرِنْدَ يَڢَاطِ أَ حَنْيَ، شِينٜىٰ ݣُوتَنْثِنْ مُتَنٜىٰنْ دَ سُكَجِ كَلْمَرْ اللَّهْ؞ عَمَّا دَظَرَرْ سُكَجِ، نَنْ دَنَنْ سَيْ شَيْطَنْ يَذُواْ يَطَوْكِ كَلْمَرْ دَ عَكَشُوكَ أَ ذُوثِيَارْسُ؞ 16حَكَكُمَ إِرِنْدَ يَڢَاطِ أَوُرِنْ دَ يَكٜىٰدَ دُوَڟُو، شِينٜىٰ ݣُوتَنْثِنْ وَطَنْدَ دَظَرَرْ سُكَجِ كَلْمَرْ سَيْ سُكَ كَرْٻَ دَ ڢَضٍ ثِكِ؞ 17عَمَّا تُنْدَ بَاسُدَ تُوشٜىٰ، بَسُ دَطٜىٰ سُواْسَيْبَ؞ سَعَدَّ عَذَابَ كُواْ ڟَنَنِ يَتَاشِ سَبُواْدَ وَنَّنْ كَلْمَرْ اللَّهْ، نَنْ دَنَنْ سَيْ سُجَا دَ بَايَ؞ 18إِرِنْدَ يَڢَاطِ أَوُرِنْ دَ يَكٜىٰدَ ڧَيَ، شِينٜىٰ ݣُوتَنْثِنْ مُتَنٜىٰنْ دَ سُكَجِ كَلْمَرْ، 19عَمَّا دَامُوَرْ دُونِيَا دَ سُوانْ أَرْزِڧِ دَ كُمَ ݣُوطَيِنْ وَطَنْسُ أَبُبُوَ، سُكَ شِغَ سُكَ حَنَ كَلْمَرْ غِرْمَ، حَرْ تَذَمَ بَاتَ دَ أَمْڢَانِ؞ 20إِرِنْدَ يَڢَاطِ أَوُرِنْ دَ يَكٜىٰدَ ݣَوْ كُوَ، شِينٜىٰ ݣُوتَنْثِنْ وَطَنْدَ سُكَجِ كَلْمَرْ اللَّهْ، سُكَ كَرْٻَ، سُكَ كُمَيِ أَمْڢَانِ دَ عِتَ، حَرْ سُكَيِ رِيبَ وَطَنْسُ تَلَاتِنْ تَلَاتِنْ، وَطَنْسُ سِتِّنْ سِتِّنْ، وَطَنْسُ مَا حَرْ طَرِے طَرِے؞»‏

مِصَالِ عَكَنْ ڢِتِلَ

﴿لُكْ 8‏.16‏-18﴾

21 عِيسَىٰ يَثِيغَبَدَ ثٜىٰوَ ‏«‏كُواْ كُكَنْ كَٰوُاْ ڢِتِلَ كُرُڢٜىٰتَ دَ ݣُونُواْ نٜىٰ؟ كُواْ كُمَ كُكَنْ أَجِيٜىٰتَ عَڧَرْڧَشِنْ غَدُواْ نٜىٰ؟ بَكُكَنْ أَجِيٜىٰ ڢِتِلَ أَ سَنْدَا مَيْ رِڧٜىٰ ڢِتِلُبَ؟#مَتْ 5‏.15؛ لُكْ 11‏.33 22بَا أَبِنْدَ يَكٜىٰ عَٻُواْيٜىٰ يَنْذُ، وَنْدَ بَذَاعَ بَيَّنَبَ؞ بَ أَبِنْدَ يَكٜىٰ أَسِيرِ كُمَ وَنْدَ بَذَاعَ تُواْنٜىٰشِيبَ؞#مَتْ 10‏.26؛ لُكْ 12‏.2 23دُكْ مَيْ كُنّٜىٰنْجِ، بَرِ يَجِ؞»‏

24يَكُمَثٜىٰ مُسُ ‏«‏كُجِ دَݣَوْ ڢَا!‏ دَ مُودُنْدَ كَأَوْنَ دَشِ ذَاعَ عَوْنَ مَكَ، حَرْ مَا عَڧَارَ؞#مَتْ 7‏.2؛ لُكْ 6‏.38 25دُكْ وَنْدَ يَكٜىٰدَ أَبُ، ذَاعَ ڧَارَ مَسَ، وَنْدَ بَاشِ دَ أَبُ كُمَ، كُواْ طَنْ أَبِنْدَ يَكٜىٰدَشِيمَا ذَاعَ كَرْٻَ دَغَ غَرٜىٰشِ؞»‏#مَتْ 13‏.12؛ 25‏.29؛ لُكْ 19‏.26

مِصَالِ نَ إِرِنْ دَ يَڟِرُواْ

26 عِيسَىٰ يَكُمَ ثٜىٰ ‏«‏غَا يَدَّ مُلْكٍ اللَّهْ يَكٜىٰ؞ يَنَنً كَمَرْ يَدَّ وَنْدَ يَيَاڢَ إِرِ أَغُواْنَرْسَ؞ 27عَكْوَانَ عَتَاشِ حَرْ إِرِنْ يَڟِيرَا يَيِ غِرْمَ، مُتُمِنْ بَيْ مَا سَنْ يَدَّ عَكَيِبَ؞ 28ڧَسَا تَنَ بَادَ أَمْڢَانِ دَ كَنْتَ دَ ڢَرْكُواْ تَكَنْ ڢِتَرْدَ كَرَ، سَعَنً كَيْ، سَيْ كُمَ كَنْ يَڢِتَرْدَ ڨُويَ؞ 29سَعَدَّ أَمْڢَانِ يَنُونَ، سَيْ يَسَا لَوْجٜىٰ يَيَنْكَ، دُواْمِنْ لُواْكَثِنْ غِرْبِے يَاذُواْ؞»‏#يُواوْ 3‏.13

مِصَالِ نَڨُويَرْ مَسْتَدْ

﴿مَتْ 13‏.31‏-32‏،34؛ لُكْ 13‏.18‏-19﴾

30 عِيسَىٰ يَكُمَثٜىٰ ‏«‏دَ مٜىٰ ذَامُ ݣُوتَنْتَا مُلْكٍ اللَّهْ؟ كُواْ كُوَ دَ وَنٜىٰ مِصَالِنٜىٰ ذَامُ نُونَ يَدَّ يَكٜىٰ؟ 31يَنَ كَمَ دَ ڨُويَ إِرِنَّمَسْتَدْ وَدَّ إِرِنْتَ تَڢِے ڧَنْڧَنْتَ أَدُكَنْ إِرِنْ دَ عَكٜىٰ شُوكَاوَ عَڧَسَا؞ 32دُكْدَهَكَ، إِنْ أَنْشُوكَتَ، تَكَنْيِ غِرْمَ تَڢِے دُكْ سَوْرَنْ كَايَنْ لَمْبُو، تَكَنْيِ مَنْيَنْ رَسَّ، حَرْ ڟُنْڟَيٜىٰ سُإِيَ سَوْكَ عَ إِنُوَرْتَ؞»‏

33دَ إِرِنْ وَطَنَّنْ مِصَلَيْ دَيَوَ عِيسَىٰ يَڢَطَا مُسُ كَلْمَرْ اللَّهْ دَيْدَيْ إِيَاكَرْ غَانٜىٰوَرْسُ؞ 34بَيْڢَطَا مُسُ كُواْمٜىٰبَ، سَيْ تَرٜىٰدَ مِصَالِ؞ عَمَّا لُواْكَثِنْدَ يَكٜىٰ تَرٜىٰدَ أَلْمَجِرَنْسَ سُو كَطَيْ، يَكَنْ ڢَطَا مُسُ كُواْمٜىٰ دَكُواْمٜىٰ أَ ڢِيلِ؞

عِيسَىٰ يَڟَاوَتَا وَبَبَّنْ هَدَرِ

﴿مَتْ 8‏.23‏-27؛ لُكْ 8‏.22‏-25﴾

35أَ رَانَرْ نَنْ دَ رَانَ تَكُسَنْ ڢَاطُوَ، عِيسَىٰ يَثٜىٰ وَ أَلْمَجِرَنْسَ ‏«‏مُهَيٜىٰ ذُوَا وَنْثَنْ غٜىٰڢٜىٰنْ تٜىٰكُنْ؞»‏ 36سُكَ بَرْ تَارُوانْ مُتَنٜىٰ، سُكَ تَڢِے دَشِ يَدَّ يَكٜىٰ عَثِكِنْ جِضْغٍ دَيَكٜىٰ ظَوْنٜىٰ عَثِكِ؞ أَݣَويْ وَطَنْسُ جِضَاغٜىٰ كُمَ تَرٜىٰدَسُو؞ 37سَيْ بَبَّنْ هَدَرِ مَيْ إِسْكَ يَتَاسُواْ، حَرْ يَنَ تَادَ ضُوً تٜىٰكُنْ سَمَ يَنَ بُبُّغَ جِضْغٍ؞ ضُوَ كُوَ يَنَ شِغَ ثِكِنْ جِضْغٍ حَرْ جِضْغٍ يَكُسَنْ ثِكَ دَ ضُوَ؞ 38عِيسَىٰ كُوَ يَنَ ثَنْ بَايَنْ جِضْغٍ يَنَ بَرْثِ كَنْسَ أَ مَتَاشِ؞ أَلْمَجِرَنْسَ سُكَ تَاشٜىٰشِ، سُكَثٜىٰ ‏«‏مَلَمْ، ذَامُ هَلَّكَ، بَكَ دَامُبَ كُواْ؟»‏

39سَيْ عِيسَىٰ يَڢَرْكَ، يَڟَاوَتَاوَ إِسْكَرْ، يَكُمَ ثٜىٰ وَ ضُوً تٜىٰكُنْ ‏«‏نَڟُ!‏ كَيِ شِضُ!‏»‏ سَيْ إِسْكَرْ تَدَيْنَ، وُرِے دُكْ يَيِ ڟِتْ؞ 40يَثٜىٰ وَ أَلْمَجِرَنْسَ ‏«‏مٜىٰيَسَا كُكَجِڟُواْرُواْ حَكَ؟ حَرْ يَنْذُ بَاكُ دَ بَنْ‌غَسْكِيَ نٜىٰ؟»‏

41سَيْ سُكَجِڟُواْرُواْ سُواْسَيْ، سُكَثٜىٰ وَجُونَ ‏«‏وَنٜىٰنٜىٰ وَنَّنْ؟ حَرْ إِسْكَ دَ ضُوً تٜىٰكُ مَا سُنَيِ مَسَ بِيَيَّ!‏»‏

Currently Selected:

مَرْكُسْ 4: hauAS

Highlight

Copy