مَرْكُسْ 11

عِيسَىٰ يَشِغَ عُرُوشَلِيمَ

﴿مَتْ 21‏.1‏-11؛ لُكْ 19‏.28‏-40؛ يَحـ 12‏.12‏-19﴾

1دَ سُكَذُواْ كُسَدَ عُرُوشَلِيمَ، وَتُواْ أَ بٜىٰتَڢَجِ دَ بٜىٰتَنِ، وَجٜىٰنْ تُدُنْ عِتَتُوَنْ ظَيْتُنْ، سَيْ عِيسَىٰ يَعَيْكِ أَلْمَجِرَنْسَ بِيُ، 2يَثٜىٰ مُسُ ‏«‏كُجٜىٰ ڧَوْيٜىٰنْ ثَنْ نَغَبَنْكُ؞ دَ شِغَرْكُ ذَاكُ غَ وَنِ طَنْ جَاكِ أَطَوْرٜىٰ، وَنْدَ بَعَتَٻَ هَوَبَ؞ كُكُنْثٜىٰشِ كُكَٰوُاْ؞ 3عِدَنْ وَنِ يَتَمْبَيٜىٰكُ، ‏‹‏دُوانْمٜىٰ كُكٜىٰ حَكَ؟›‏ سَيْ كُثٜىٰ مَسَ، ‏‹‏عُبَنْ‌غِجِ نٜىٰ يَكٜىٰ بُڧَاتَرْسَ، ذَيْ كُمَ مَيْدَشِ نَنْ دَنَنْ؞›‏ »‏

4سَيْ سُكَ تَڢِے، سُكَغَ طَنْ جَاكِنْ أَطَوْرٜىٰ عَڧُواْڢَرْ غِدَا عَبَاكِنْ حَنْيَ؞ سُنَ كُنْثٜىٰوَ كٜىٰنَنْ، 5سَيْ وَطَنْدَ سُكٜىٰ ڟَيٜىٰ أَوُرِنْ سُكَثٜىٰ مُسُ ‏«‏يَيَ؟ دُوانْمٜىٰ كُكٜىٰ كُنْثٜىٰ جَاكِنَّنْ؟»‏

6سُكَ بَادَ أَمْسَ دَيْدَيْ يَدَّ عِيسَىٰ يَڢَطَا مُسُ، سَيْ مُتَنٜىٰنْ سُكَ بَرْسُ سُتَڢِے دَ جَاكِنْ؞ 7دَ سُكَ كَٰوُاْ وَ عِيسَىٰ جَاكِنْ، سُكَ شِمْڢِطَا مَسَ رِيغُنَنْسُ، سَيْ عِيسَىٰ يَهَوْ يَذَوْنَ؞ 8سَيْ مُتَنٜىٰ دَيَوَ سُكَ شِمْڢِطَا رِيغُنَنْسُ عَكَنْ حَنْيَ، وَطَنْسُ كُمَ سُكَ بَظَ رَسَّنْ عِتَتُوَنْ دَ سُكَ سَارٜىٰ دَغَ غُواْنَكِ؞ 9وَطَنْدَ سُكٜىٰ غَبَنْسَ دَ وَطَنْدَ سُكٜىٰ بَايَنْسَ سُكَيِ تَ إِيهُ سُنَ ثٜىٰوَ

‏«‏هُواْسَنَّ!‏#11‏.9 هُواْسَنَّ دَ إِبْرَانِيَنْثِ، مَعَنَرْ كَلْمَرْ نَنْ عِتَثٜىٰ ثٜىٰثٜىٰمُ!‏ دَغَ بَايَ تَذَمَ كَلْمَرْ يَبُواْ؞

أَلْبَرْكَ تَا تَبَّتَا غَ مَيْ ذُوَا

عَثِكِنْ سُونَنْ عُبَنْ‌غِجِ!‏#زَبُو 118‏.25‏-26

10أَلْبَرْكَ تَا تَبَّتَا غَ مُلْكِنَّنْ

مَيْ ذُوَا نَبَابَنْمُ دَاوُدَ؞

هُواْسَنَّ غَ مَڢِے طَوْكَكَ!‏»‏#2 سَمْ 7‏.11‏-14

11دَ عِيسَىٰ يَشِغَ عُرُوشَلِيمَ، يَتَڢِے هَيْكَلِ يَشِغَ يَدُدُّوبَ دُكَنْ كُواْمٜىٰ؞ دَيَكٜىٰ رَانَ تَڢَاطِ كُواْ، سَيْ يَڢِتَ يَكُواْمَ بٜىٰتَنِ تَرٜىٰدَ أَلْمَجِرَنْسَ؞

عِيسَىٰ يَلَعَنْتَ إِتَاثٜىٰنْ ٻَوْرٜىٰ

﴿مَتْ 21‏.18‏-19﴾

12وَشٜىٰغَرِ دَ سُكَتَاشِ دَغَ بٜىٰتَنِ، سَيْ عِيسَىٰ يَجِ يُنْوَ؞ 13دَ يَهَنْ‌غِ وَنِ إِتَاثٜىٰنْ ٻَوْرٜىٰ مَيْ غَنْيٜىٰ، سَيْ يَجٜىٰ يَغَ كُواْ ذَيْسَامِ یَیَ؞ عَمَّا دَ يَكَيْ وُرِنْ، بَيْ غَ كُواْمٜىٰبَ سَيْ غَنْيٜىٰ كَوَيْ، دُوانْ بَ لُواْكَثِنْ یَیَنْ ٻَوْرٜىٰ بَنٜىٰ؞ 14سَيْ يَثٜىٰ وَٻَوْرٜىٰنْ ‏«‏كَدَ كُواْوَ يَڧَارَ ثِنْ یَیَنْكَ حَرْ أَبَدَا!‏»‏ أَلْمَجِرَنْسَ كُوَ سُكَجِ أَبِنْدَ يَڢَطَا؞

عِيسَىٰ يَڟَبْتَثٜىٰ هَيْكَلِ

﴿مَتْ 21‏.12‏-17؛ لُكْ 19‏.45‏-48؛ يَحـ 2‏.13‏-22﴾

15دَ شِغَرْسُ عُرُوشَلِيمَ، عِيسَىٰ يَشِغَ هَيْكَلِ يَڢَارَ كُواْرَرْ مَاسُ سَيَ دَ سَيَرْوَ دَغَ ثِكِ؞ يَكُمَ تُتُّرٜىٰ تٜىٰبُرَنْ مَاسُ ثَنْجِنْ كُطِ دَ كُجٜىٰرُنْ مَاسُ سَيَرْ دَ تَتَّبَرُ؞ 16يَكُمَ حَنَ كُواْوَ يَطَوْكِ وَنِ أَبُ يَوُثٜىٰ تَڢِيلِنْ هَيْكَلِنْ؞ 17سَيْ يَكُواْيَاوَ مُتَنٜىٰ يَثٜىٰ ‏«‏أَ رُبُوثٜىٰ يَكٜىٰ ثِكِنْ مَغَنَرْ اللَّهْ ثٜىٰوَ

‏«‏ ‏‹‏ذَاعَثٜىٰدَ غِدَانَ

غِدَنْ أَدُّعَ نَدُكَنْ أَلْعُمَّيْ؞›‏

غَاشِ كُنْ مَيْدَشِ ‏‹‏وُرِنْ ٻُيَنْ یَنْ ڢَشِ؞›‏ »‏#عِشـ 56‏.7؛ إِرْمِ 7‏.11

18مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُكَجِ وَنَّنْ مَغَنَ، سُكَ ڢَارَ نٜىٰمَنْ حَنْيَرْ دَ ذَاسُ كَشٜىٰشِ، غَمَا سُنَ جِنْ ڟُواْرُوانْسَ، دُواْمِنْ دُكَنْ تَارُوانْ سُنَ مَامَاكِنْ كُواْيَرْوَرْسَ؞

19دَ يَمَّ كُوَ، عِيسَىٰ دَ أَلْمَجِرَنْسَ سُكَ ڢِتَ دَغَ ثِكِنْ بِرْنِنْ؞

ٻَوْرٜىٰنْ دَ عِيسَىٰ يَلَعَنْتَ يَبُوشٜىٰ

﴿مَتْ 21‏.20‏-22﴾

20دَ سَڢٜىٰ سُنَ وُثٜىٰوَ سَيْ سُكَغَ إِتَاثٜىٰنْ ٻَوْرٜىٰنَّنْ يَبُوشٜىٰ تُنْدَغَ سَيْوَرْسَ؞ 21بِتْرُسْ يَتُنَ، سَيْيَثٜىٰ وَ عِيسَىٰ ‏«‏مَلَمْ، دُوبَ!‏ ٻَوْرٜىٰنَّنْ دَ كَلَعَنْتَ يَبُوشٜىٰ!‏»‏

22 عِيسَىٰ يَأَمْسَ يَثٜىٰ ‏«‏كُغَسْكَتَادَ اللَّهْ!‏ 23حَڧِيڧَ إِنَ غَيَ مُكُ، عِدَنْ مُتُمْ يَغَسْكَتَادَ اللَّهْ، ذَيْ عِيَ ڢَطَا وَبَبَّنْ تُدُنَّنْ يَتَاشِ يَجٜىٰڢَ كَنْسَ ثِكِنْ تٜىٰكُ؞ إِنْ بَيْيِ شَكَّ أَ ذُوثِيَارْسَ عَكَنْ أَبِنْدَ يَڢَطَا بَ، ذَاعَيِ مَسَ؞#مَتْ 17‏.20؛ 1 كُوارْ 13‏.2 24دُواْمِنْ حَكَ إِنَ دَيْ غَيَ مُكُ، كُواْمٜىٰ كُكَ ضُواْڧَا دَ أَدُّعَ، كُغَسْكَتَا ثٜىٰوَ كُنْ رِغَا كُنْ سَامُ، ذَيْ كُوَ ذَمَ نَاكُ؞ 25كُمَ عَكُواْوَنٜىٰ لُواْكَثِنْ دَ كُكٜىٰ ڟَيَاوَا كُنَ أَدُّعَ، إِنْ أَݣَويْ وَنْدَ كُكٜىٰ جِنْ هَوْشِنْسَ، كُيَاڢٜىٰمَسَ، دُواْمِنْ عُبَنْكُ وَنْدَ يَكٜىٰ ثِكِنْ سَمَ شِے مَا يَيَاڢٜىٰ مُكُ لَيْڢُواْڢِنْكُ؞ 26عَمَّا إِنْ بَكُ يَاڢٜىٰبَ، حَكَ عُبَنْكُ وَنْدَ يَكٜىٰ ثِكِنْ سَمَ مَا بَذَيْ يَاڢٜىٰمُكُ لَيْڢُواْڢِنْكُبَ؞»‏#11‏.26 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞#مَتْ 6‏.14‏-15

أَنَ شَكَّرْ إِظْنِنْ عِيسَىٰ

﴿مَتْ 21‏.23‏-27؛ لُكْ 20‏.1‏-8﴾

27سُكَ سَاكٜىٰ شِغَ عُرُوشَلِيمَ؞ عِيسَىٰ يَنَ ذَاغَاوَ كٜىٰنَنْ ثِكِنْ هَيْكَلِنْ، سَيْ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى دَ شُوغَبَنِّنْ جَمَعَ سُكَذُواْ وُرِنْسَ؞ 28سُكَثٜىٰ مَسَ ‏«‏دَ وَنٜىٰ إِظْنِ كَكٜىٰيِنْ وَطَنَّنْ أَبُبُوَ؟ كُمَ وَيَبَاكَ إِظْنِنْ يِنْ وَنَّنْ؟»‏

29 عِيسَىٰ يَأَمْسَ يَثٜىٰ ‏«‏ذَنْيِ مُكُ وَتَ تَمْبَيَ؞ كُبَانِ أَمْسَ، نِے كُوَ ذَنْ غَيَ مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْ؞ 30كُڢَطَا مِنِ، إِظْنِنْ دَ يَحْيَى يَيِ بَڢْتِسْمَ دَشِ، اللَّهْ نٜىٰ يَبَاشِ، كُواْ كُوَ مُتُمْ؟»‏

31سَيْ سُكَ ڢَارَ غَرْدَمَ أَڟَكَانِنْسُ، سُكَثٜىٰ ‏«‏عِدَنْ مُكَثٜىٰ، ‏‹‏دَغَ وُرِنْ اللَّهْ نٜىٰ،›‏ ذَيْثٜىٰ مَنَ، ‏‹‏تُواْ، دُوانْمٜىٰ بَكُ غَسْكَتَ شِيبَ؟›‏ 32عَمَّا ذَامُ عِيَ ثٜىٰوَ دَغَ وُرِنْ مُتُمْ نٜىٰ كُوَ؟»‏ سُنَ جِنْ ڟُواْرُوانْ أَبِنْدَ مُتَنٜىٰ ذَاسُيِ مُسُ، دُواْمِنْ دُكَنْ مُتَنٜىٰ سُنْ طَوْكَ ثٜىٰوَ يَحْيَى أَنَّبِنٜىٰ؞ 33سَيْ سُكَ أَمْسَ وَ عِيسَىٰ سُكَثٜىٰ ‏«‏بَمُسَنِبَ؞»‏

عِيسَىٰ يَثٜىٰ مُسُ ‏«‏نِے مَا، بَذَنْ ڢَطَا مُكُ كُواْ دَ وَنٜىٰ إِظْنِ نَكٜىٰيِنْ أَبُبُوَنَّنْبَ؞»‏

Currently Selected:

مَرْكُسْ 11: hauAS

Highlight

Copy