لُكَّ 3
3
وَعَظِنْ يَحْيَى مَيْ بَڢْتِسْمَ
﴿مَتْ 3.1-12؛ مَرْ 1.1-8؛ يَحـ 1.19-28﴾
1عَثِكِنْ شٜىٰكَرَا تَغُواْمَشَا بِيَرْ نَمُلْكٍ كَيْسَرْ تِبَرِيَ نٜىٰ، بُنْتُسْ بِلَتُسْ يَنَ مُلْكٍ يَنْكِنْ يَهُودِيَ؞ هِرُدُسْ يَنَ مُلْكٍ غَلِيلِ؞ طَنْعُوَنْسَ ڢِلِبُسْ يَنَ مُلْكٍ إِتُرِيَ دَ تَرَكُنِتَسْ؞ لِسَانِيَسْ يَنَ مُلْكٍ أَبِلٜىٰنٜىٰ، 2كُمَ هَنَّنَ دَ كَيَڢَ سُونٜىٰ مَنْيَنْ ڢِرِسْتُواْثِے؞ أَوَنَّنْ لُواْكَثِ كُوَ سَيْ كَلْمَرْ اللَّهْ تَذُواْ وَ يَحْيَى طَنْ زَكَرِيَّا أَدَاجِ؞ 3سَيْ يَحْيَى يَجٜىٰ كُواْعِنَ أَدُكَنْ يَنْكِنْ كُواْغِنْ يُواْدَنْ، يَنَ وَعَظِ ثٜىٰوَ مُتَنٜىٰ سُتُوبَ، عَيِ مُسُ بَڢْتِسْمَ دُواْمِنْ عَيَاڢٜىٰ مُسُ ذُنُبَنْسُ؞ 4كَمَرْ يَدَّ يَكٜىٰ أَرُبُوثٜىٰ عَثِكِنْ لِتَّڢِنْ أَنَّبِے عِشَايَ ثٜىٰوَ
«مُرْيَ مَيْ كِرَا أَدَاجِ تَنَ ثٜىٰوَ
‹كُشِرْيَ وَ عُبَنْغِجِ حَنْيَ،
كُڠَرَ هَنْيُواْيِنْسَ؞
5ذَاعَ ثِثِّكَ كُواْوَنٜىٰ ݣُورِ،
ذَاعَ ݣُونْتَرْدَ كُواْوَنٜىٰ دُوڟٜىٰ
دَ كُواْوَنٜىٰ بَبَّنْ تُدُ؞
ذَاعَ مِيڧٜىٰ حَنْيَرْ دَ تَكٜىٰدَ ݣُونَ ݣُونَ،
أَڠَرَ مُومُّنَرْ حَنْيَ دُواْمِنْ تَيِ ݣَوْ؞
6دُكَنْ یَنْ أَدَمْ ذَاسُغَ ثٜىٰتُوانْ اللَّهْ!› »#عِشـ 40.3-5
7سَبُواْدَ حَكَنٜىٰ، يَحْيَى يَثٜىٰ وَتَارُوانْ جَمَعَرْ دَسُكَذُواْ دُواْمِنْ يَيِ مُسُ بَڢْتِسْمَ،#3.7 بَڢْتِسْمَ: دُوبِے مَعَنَرْ وَطَنْسُ كَلْمُواْمِ؞ «كُو ڧُنْغِيَرْ مُوغَيٜىٰنْ مَثِيظَيْ! وَ يَغَرْغَطٜىٰكُ كُغُجٜىٰ وَحُكُنْثِنَّنْ مَيْ ذُوَا؟#مَتْ 12.34؛ 23.33 8كُحَيْڢَرْ دَ حَلِنْ رَايُوَا مَيْݣَوْ وَنْدَ ذَيْ نُونَ ثٜىٰوَ كُنْ تُوبَ، كَمَرْ إِتَاثٜىٰنْ دَ يَحَيْڢِ یَیَ مَاسُ ݣَوْ؞ كَدَ كُيِ تُنَانِ أَ ذُوثِيَارْكُ ثٜىٰوَ ‹إِبْرَٰهِيمْ نٜىٰ بَابَنْمُ؞› غَمَا إِنَ ڢَطَا مُكُ، اللَّهْ يَنَدَ إِيكُواْ يَتَادَ یَیَ دُواْمِنْ إِبْرَٰهِيمْ دَغَ دُووَڟُنَّنْ؞#يَحـ 8.33 9أَنْ رِغَا أَنْسَا بَاكِنْ غَاتَرِ أَغِنْدِنْ إِتَاثٜىٰ؞ دُكْ إِتَاثٜىٰنْ دَ بَيْ حَيْڢِ یَیَ مَاسُ ݣَوْبَ، سَيْ أَ سَارٜىٰشِ أَجٜىٰڢَ أَوُتَا؞»#مَتْ 7.19
10سَيْ مُتَنٜىٰ سُكَ تَمْبَيٜىٰشِ «مٜىٰ ذَامُيِ كٜىٰنَنْ؟»
11يَأَمْسَ مُسُ يَثٜىٰ «دُكْ وَنْدَ يَكٜىٰدَ رِيغُنَ بِيُ، يَرَبَ دَ وَنْدَ بَاشِ دَ كُواْ طَيَ، وَنْدَ يَكٜىٰدَ عَبِنْثِ شِے مَا يَيِ حَكَ؞»
12مَاسُ كَرْٻَرْ هَرَاجِ سُكَذُواْ دُواْمِنْ عَيِ مُسُ بَڢْتِسْمَ، سُكَ تَمْبَيٜىٰشِ سُكَثٜىٰ «مَلَمْ، مٜىٰ ذَامُيِ؟»#لُكْ 7.29
13يَثٜىٰ مُسُ «كَدَ كُكَرْٻَ ڢِيٜىٰدَ أَبِنْدَ عَكَثٜىٰ عَكَرْٻَ؞»
14سُواْجُواْجِ مَا سُكَ تَمْبَيٜىٰشِ «مُو ڢَا؟ مٜىٰ ذَامُيِ؟»
سَيْ يَثٜىٰ مُسُ «كَدَ كُتِلَسْتَ وَمُتَنٜىٰ سُبَاكُ كُطِ، كُمَ كَدَ كُيِ ڧَضْيَا عَكَنْسُ سَبُواْدَ سُنْڧِے سُبَاكُ؞ كُغُواْدٜىٰ دَ أَبِنْدَ عَكٜىٰ بِيَنْكُ؞»
15دَيَكٜىٰ مُتَنٜىٰ سُنَ جِضَانْ ذُوَانْ أَلْمَسِيحُ، سَيْ دُكَنْسُ سُكَيِ تُنَانِ أَ ذُوثِيَا كُواْ يَحْيَى شِينٜىٰ أَلْمَسِيحُ طِنْ؞ 16سَيْ يَحْيَى يَثٜىٰ وَدُكَنْسُ «نِے، إِنَ يِمُكُ بَڢْتِسْمَ دَ ضُوَ نٜىٰ، عَمَّا أَݣَويْ وَنِ وَنْدَ يَكٜىٰ ذُوَا وَنْدَ يَڢِينِ غِرْمَ، حَرْ بَنْ إِسَ إِنْ كُنْثٜىٰ إِغِيَرْ تَاكَلْمَنْسَبَ؞ شِينٜىٰ ذَيْ يِمُكُ بَڢْتِسْمَ دَ رُوحُ مَيْ ڟَرْكِے دَ وُتَا كُمَ؞ 17يَنَ رِڧٜىٰ دَ مَتَنْكَطِنْسَ، ذَيْ تَنْكَطٜىٰ حَڟِنْسَ، كُمَ يَتَتَّارَ أَلْكَمَرْسَ يَسَا ثِكِنْ ضُمْبُنْسَ؞ عَمَّا ذَيْ ڧُواْنَ يَايِنْ دَ وُتَرْ دَ بَعَ عِيَ كَشٜىٰوَ؞»
18دَ وَطَنْسُ غَرْغَطِے مَاسُيَوَ، يَحْيَى يَيِ وَمُتَنٜىٰ وَعَظِنْ لَابَرِ مَيْ دَاطِے؞ 19عَمَّا يَحْيَى يَڟَاوَتَا وَڠُومْنَ هِرُدُسْ، سَبُواْدَ شِے هِرُدُسْ يَ عَوْرِ هِرُدِيَ، مَاتَرْ طَنْعُوَنْسَ ڢِلِبُسْ، يَكُمَيِ وَطَنْسُ مُوغَيٜىٰنْ أَبُبُوَ؞ 20عَڧَرْشٜىٰ، هِرُدُسْ يَڧَارَ ٻَاتَ أَلْعَمَرِنْ دَ إِظْنِ عَكَامَ يَحْيَى عَكُلّٜىٰشِ عَكُرْكُكُ؞#مَتْ 14.3-4؛ مَرْ 6.17-18
أَنْيِ وَ عِيسَىٰ بَڢْتِسْمَ
﴿مَتْ 3.13-17؛ مَرْ 1.9-11﴾
21بَايَنْدَ عَكَيِ وَدُكَنْ مُتَنٜىٰ بَڢْتِسْمَ، سَيْ عَكَيِ وَ عِيسَىٰ شِيمَا؞ دَ يَنَ أَدُّعَ، سَيْ سَمَ يَبُوطٜىٰ، 22رُوحُ مَيْ ڟَرْكِے يَسَوْكُواْ عَكَنْسَ عَكَمَنِّنْ كُرْثِيَ؞ سَيْ عَكَجِ وَتَ مُرْيَ دَغَ سَمَ تَثٜىٰ «كَيْ نٜىٰ طَانَ، وَنْدَ نَكٜىٰ ڧَوْنَ؞ إِنَ جِنْ دَاطِنْكَ ڨُورَيْ؞»#ڢَارْ 22.2؛ زَبُو 2.7؛ عِشـ 42.1؛ مَتْ 3.17؛ مَرْ 1.11؛ لُكْ 9.35
تَارِيحِنْ أَصَلِنْ عِيسَىٰ
﴿مَتْ 1.1-17﴾
23لُواْكَثِنْ دَ عِيسَىٰ يَڢَارَ عَيْكِنْسَ نَكُواْيَرْوَا، يَنَدَ شٜىٰكَرَا وَجٜىٰنْ تَلَاتِنْ نٜىٰ عَدُونِيَا؞
مُتَنٜىٰ سُنْ طَوْكٜىٰشِ عَكَنْ شِے طَنْ يُوسُڢَ نٜىٰ؞
يُوسُڢَ طَنْ هٜىٰلِ، 24هٜىٰلِ طَنْ مَتَّتْ، مَتَّتْ طَنْ لَوِ، لَوِ طَنْ مَلْكِ، مَلْكِ طَنْ يَنَّ، يَنَّ طَنْ يُوسُڢَ، 25يُوسُڢَ طَنْ مَتَّتِيَ، مَتَّتِيَ طَنْ عَمُواسْ، عَمُواسْ طَنْ نَهُمْ، نَهُمْ طَنْ هَسْلِ، هَسْلِ طَنْ نَجَيَ، 26نَجَيَ طَنْ مَعَتَ، مَعَتَ طَنْ مَتَّتِيَ، مَتَّتِيَ طَنْ شِمٜىٰيَ، شِمٜىٰيَ طَنْ يُواْسٜىٰكْ، يُواْسٜىٰكْ طَنْ يُواْدَ؞ 27يُواْدَ طَنْ يُواْوَنَنْ، يُواْوَنَنْ طَنْ رٜىٰسَ، رٜىٰسَ طَنْ ظٜىٰرُبَّبٜىٰلْ، ظٜىٰرُبَّبٜىٰلْ طَنْ شٜىٰيَلْتِيٜىٰلْ، شٜىٰيَلْتِيٜىٰلْ طَنْ نِرِ، 28نِرِ طَنْ مَلْكِ، مَلْكِ طَنْ أَدِّ، أَدِّ طَنْ كُواْسَمَ، كُواْسَمَ طَنْ عٜىٰلْمَدَمَ، عٜىٰلْمَدَمَ طَنْ عٜىٰرْ، 29عٜىٰرْ طَنْ يُواْشُوَ، يُواْشُوَ طَنْ عٜىٰلِيٜىٰظٜىٰرْ، عٜىٰلِيٜىٰظٜىٰرْ طَنْ يُواْرِمْ، يُواْرِمْ طَنْ مَتَّتْ، مَتَّتْ طَنْ لَوِ، 30لَوِ طَنْ سِمٜىٰيُوانْ، سِمٜىٰيُوانْ طَنْ يَهُودَ، يَهُودَ طَنْ يُوسُڢَ، يُوسُڢَ طَنْ يُواْنَمْ، يُواْنَمْ طَنْ عٜىٰلِيَكِمْ، 31عٜىٰلِيَكِمْ طَنْ مٜىٰلٜىٰيَ، مٜىٰلٜىٰيَ طَنْ مٜىٰنَّ، مٜىٰنَّ طَنْ مَتَّتَ، مَتَّتَ طَنْ نَتَنْ، نَتَنْ طَنْ دَاوُدَ، 32دَاوُدَ طَنْ يٜىٰسّٜىٰ، يٜىٰسّٜىٰ طَنْ عُواْبٜىٰدْ، عُواْبٜىٰدْ طَنْ بُواْوَظْ، بُواْوَظْ طَنْ سَلْمُوانْ، سَلْمُوانْ طَنْ نَشُوانْ؞ 33نَشُوانْ طَنْ أَمِّنَدَبْ، أَمِّنَدَبْ طَنْ أَرَمْ، أَرَمْ طَنْ هٜىٰظْرُوانْ، هٜىٰظْرُوانْ طَنْ ڢٜىٰرٜىٰظْ، ڢٜىٰرٜىٰظْ طَنْ يَهُودَ، 34يَهُودَ طَنْ يَعْڧُوبَ، يَعْڧُوبَ طَنْ إِسْحَٰڧَ، إِسْحَٰڧَ طَنْ إِبْرَٰهِيمْ، إِبْرَٰهِيمْ طَنْ تَيْرَا، تَيْرَا طَنْ نَهُوارْ، 35نَهُوارْ طَنْ سٜىٰرُغْ، سٜىٰرُغْ طَنْ رٜىٰيُ، رٜىٰيُ طَنْ ڢٜىٰلٜىٰغْ، ڢٜىٰلٜىٰغْ طَنْ عٜىٰبٜىٰرْ، عٜىٰبٜىٰرْ طَنْ شٜىٰلَ؞ 36شٜىٰلَ طَنْ كٜىٰنَنْ، كٜىٰنَنْ طَنْ أَرْڢَكْشَدْ، أَرْڢَكْشَدْ طَنْ شٜىٰمْ، شٜىٰمْ طَنْ نُوحُ، نُوحُ طَنْ لَمٜىٰكْ، 37لَمٜىٰكْ طَنْ مٜىٰتُسٜىٰلَ، مٜىٰتُسٜىٰلَ طَنْ إِدْرِيسْ، إِدْرِيسْ طَنْ يَرٜىٰدْ، يَرٜىٰدْ طَنْ مَهَلَلٜىٰلْ، مَهَلَلٜىٰلْ طَنْ كٜىٰنَنْ، 38كٜىٰنَنْ طَنْ عٜىٰنُواشْ، عٜىٰنُواشْ طَنْ شِيتُ، شِيتُ طَنْ أَدَمْ، ءَادَمُ كُمَ طَنْ اللَّهْ؞
Currently Selected:
لُكَّ 3: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
