يَحْيَى 5

عِيسَىٰ يَوَرْكَرْ دَ غُرْغُ عَتَڢْكِنْ بٜىٰتَسْدَ

1بَايَنْ وَنَّنْ، عِيسَىٰ يَتَڢِے عُرُوشَلِيمَ دُواْمِنْ وَنِ بِكٍ يَهُودَاوَا؞ 2أَ عُرُوشَلِيمَ كُوَ أَݣَويْ وَنِ تَڢْكِنْ ضُوَ وَنْدَ عَكٜىٰ كٜىٰوَيٜىٰشِ دَ رُمْڢُنَ غُدَا بِيَرْ؞ دَ يَهُودَنْثِ أَنَ ثٜىٰ دَشِ بٜىٰتَسْدَ؞ وَنَّنْ تَڢْكِ يَنَ كُسَدَ ڧُواْڢَرْ تُمَكِ نٜىٰ؞ #نٜىٰهْ 3‏.1؛ 12‏.39 3أَ رُمْڢُنَ نَنْ نٜىٰ مَرَسَ لَاڢِيَ دَ مَكَڢِ دَ غُرَغُ دَ شَنْيَيُّ دَيَوَ سُنْ سَابَا ݣُونْثِيَ؞ 4سُنَ جِرَا أَ مُواْڟَ ضُوً؞ غَمَا أَ لُواْكَثِ لُواْكَثِ مَلاَىِٕكَنْ عُبَنْ‌غِجِ يَكَنْ سَوْكُواْ يَمُواْڟَ ضُوً؞ دُكْ كُوَ وَنْدَ يَڢَارَ شِغَ بَايَنْدَ عَكَ مُواْڟَ ضُوً، سَيْ يَوَرْكٜىٰ دَغَ دُكْ إِرِنْ ثِيوُانْ دَ يَكٜىٰدَشِ؞#5‏.4 وَطَنْسُ رُبُوثٜىٰ رُبُوثٜىٰ نَدَا بَاسُدَ وَنَّنْ أَيَ؞ 5أَ نَنْ كُوَ أَݣَويْ وَنِ مُتُمِنْ دَ يَيِ شٜىٰكَرَا تَلَاتِنْ دَ تَݣُوسْ عَثِكِنْ رَشِنْ لَاڢِيَ؞ 6دَ عِيسَىٰ يَغَنْشِ ݣُونْثٜىٰ، يَكُمَ سَنِ مُتُمِنْ يَدَطٜىٰ دَ وَنَّنْ ثِيوُاْ، سَيْ عِيسَىٰ يَثٜىٰ وَمُتُمِنْ ‏«‏كَنَ سُواْ كَوَرْكٜىٰ؟»‏

7مَيْ ثِيوُانْ يَأَمْسَ مَسَ يَثٜىٰ ‏«‏مَيْغِرْمَ، أَيْ، بَانِ دَ وَنْدَ ذَيْ تَيْمَكٜىٰنِ إِنْشِغَ ثِكِنْ تَڢْكِنْ لُواْكَثِنْ دَ عَكَمُواْڟَ ضُوً؞ عِدَنْ نَيِ ڧُواْڧَرِ إِنْ شِغَ، سَيْ وَنِ يَرِغَانِ؞»‏

8سَيْ عِيسَىٰ يَثٜىٰ مَسَ ‏«‏تَاشِ، كَطَوْكِ تَبَرْمَرْكَ، كَيِ تَڢِيَرْكَ!‏»‏ 9نَنْ دَ نَنْ، مُتُمِنْ يَوَرْكٜىٰ، يَكُمَ طَوْكِ تَبَرْمَرْسَ يَتَڢِے؞

وَنَّنْ أَبِنْ يَڢَرُ أَ رَانَرْ هُوتُ تَمَكُواْ وَدَّ يَهُودَاوَا بَاسَ يِنْ عَيْكِ؞ 10سَبُواْدَ حَكَ يَهُودَاوَا سُكَثٜىٰ وَمُتُمِنْ دَ عَكَ وَرْكَرْ ‏«‏يَوْ رَانَرْ هُوتُ نٜىٰ، كُمَ بِسَغَ كُواْيَرْوَرْ مُوسَٰى بَدَيْدَيْ بَنٜىٰ كَطَوْكِ تَبَرْمَرْكَ؞»‏ #نٜىٰهْ 13‏.19؛ إِرْمِ 17‏.21

11سَيْ مُتُمِنْ يَأَمْسَ مُسُ يَثٜىٰ ‏«‏أَيْ، وَنْدَ يَوَرْكَرْ دَنِے، شِينٜىٰ يَثٜىٰ مِنِ إِنْ طَوْكِ تَبَرْمَتَ إِنْيِ تَڢِيَ؞»‏

12سُكَ تَمْبَيٜىٰشِ سُكَثٜىٰ ‏«‏وَنٜىٰنٜىٰ وَنَّنْ مُتُمِنْدَ يَثٜىٰ مَكَ كَطَوْكِ تَبَرْمَرْكَ كَيِ تَڢِيَ؟»‏

13مُتُمِنْ دَ عَكَ وَرْكَرْ طِنْ كُوَ بَيْسَنْ كُواْ وَنٜىٰنٜىٰ مَا يَوَرْكَرْ دَشِيبَ، دُواْمِنْ أَݣَويْ مُتَنٜىٰ دَيَوَ أَوُرِنْ، كُمَ عِيسَىٰ يَٻَثٜىٰ ثِكِنْ جَمَعَ؞

14بَايَنْ طَنْ لُواْكَثِ، عِيسَىٰ يَسَامٜىٰشِ عَثِكِنْ هَيْكَلِ، يَثٜىٰ مَسَ ‏«‏كَغَا ڢَا، كَوَرْكٜىٰ!‏ تُواْ، كَدَيْنَ يِنْ ذُنُوبِ، دُواْمِنْ كَدَ وَنِ أَبِنْدَ يَڢِ وَنَّنْ مُونِ يَسَامٜىٰكَ؞»‏ 15سَيْ مُتُمِنْ يَتَڢِے يَغَيَوَ شُوغَبَنِّنْ يَهُودَاوَا ثٜىٰوَ عِيسَىٰ نٜىٰ يَوَرْكَرْ دَشِ؞ 16سَبُواْدَ حَكَ سُكَ ڢَارَ ڟَنَنْتَا وَ عِيسَىٰ، دُوانْ دَيْ يَنَ يِنْ إِرِنْ وَطَنَّنْ أَبُبُوَ أَ رَانَرْ هُوتُ تَمَكُواْ؞ 17سَيْ عِيسَىٰ كُوَ يَثٜىٰ مُسُ ‏«‏عُبَانَ يَنَ عَيْكِ حَرْ يَنْذُ، نِے مَا إِنَيِ؞»‏

18وَنَّنْ مَغَنَ كُوَ يَسَا يَهُودَاوَا سُكَڧَارَ نٜىٰمَ سُكَشٜىٰ عِيسَىٰ؞ سُكَثٜىٰ ‏«‏بَدُوانْ مَا يَكَرْيَ دُواْكَرْ رَانَرْ هُوتُ تَمَكُواْ كَوَيْبَ، عَمَّا يَثٜىٰ اللَّهْ عُبَنْسَ نٜىٰ، وَتُواْ يَمَيْدَ كَنْسَ دَيْدَيْ دَ اللَّهْ كٜىٰنَنْ؞»‏

إِيكُوانْ عِيسَىٰ طَنْ اللَّهْ

19سَيْ عِيسَىٰ يَأَمْسَ مُسُ يَثٜىٰ ‏«‏حَڧِيڧَ، إِنَ غَيَ مُكُ، طَنْ بَايَيِنْ كُواْمٜىٰ، شِ كَطَيْ، سَيْدَيْ أَبِنْدَ يَغَ عُبَنْ يَكٜىٰيِ؞ دُواْمِنْ دُكْ أَبِنْدَ عُبَنْ يَكٜىٰيِ، شِينٜىٰ مَا طَنْ يَكٜىٰيِ؞ 20غَمَا عُبَنْ يَنَ ڧَوْنَرْ طَنْ، يَنَ كُمَ نُونَ مَسَ دُكْ أَبِنْدَ شِ كَنْسَ يَكٜىٰيِ، حَرْ مَا ذَيْ نُونَ مَسَ أَيُّكَنْ دَ سُكَڢِے وَطَنَّنْ، دُواْمِنْ كُيِ مَامَاكِ؞ 21كَمَرْ دَيْ يَدَّ عُبَا يَكٜىٰ تَادَ مَتَتُّو يَكُمَ رَايَسُ، حَكَمَا طَنْ يَنَ بَادَ رَيْ غَ دَيْ دُكْ وَنْدَ يَغَ دَامَ؞ 22عُبَا كُمَ بَايَيِ وَكُواْوَ شَرِيعَ، عَمَّا يَبَا طَنْ إِيكُوانْ يِنْ دُكَنْ شَرِيعَ، 23دُواْمِنْ دُكَنْ مُتَنٜىٰ سُغِرْمَمَ طَنْ، كَمَرْ يَدَّ سُكٜىٰ غِرْمَمَ عُبَنْ؞ دُكْ وَنْدَ بَايَ غِرْمَمَ طَنْ، بَايَ غِرْمَمَ عُبَنْدَ يَعَيْكُواْشِ كٜىٰنَنْ؞

24‏«‏حَڧِيڧَ، إِنَ غَيَ مُكُ، دُكْ مُتُمِنْ دَيَكٜىٰ جِنْ مَغَنَاتَ، يَنَ كُمَ بَادَ غَسْكِيَ غَ وَنْدَ يَعَيْكُواْنِ، يَنَدَ رَيْ نَهَرْ أَبَدَا؞ بَذَاعَيِ مَسَ حُكُنْثِبَ، يَارِغَا يَڧٜىٰتَرٜىٰ مُتُوَ ذُوَا رَيْ؞ 25حَڧِيڧَ، إِنَغَيَ مُكُ، لُواْكَثِ يَنَ ذُوَا، يَا رِغَا يَا ذُواْ مَا دَ مَتَتُّو ذَاسُ جِ مُرْيَرْ طَنْ اللَّهْ، وَطَنْدَ سُكَجِ كُوَ ذَاسُرَايُ؞ 26غَمَا كَمَرْ يَدَّ عُبَادَ كَنْسَ تُوشٜىٰنْ رَيْ نٜىٰ، حَكَمَا يَسَا طَنْسَ يَذَمَ تُوشٜىٰنْ رَيْ؞ 27يَكُمَ بَاشِ إِيكُوانْ يِنْ شَرِيعَ دُواْمِنْ شِے طَنْ مُتُمْ نٜىٰ؞ 28كَدَ كُيِ مَامَاكِنْ وَنَّنْ مَغَنَ، دُواْمِنْ لُواْكَثِ يَنَ ذُوَا دَ دُكْ وَطَنْدَ سُكٜىٰ ثِكِنْ كَبُرْبُرَ ذَاسُجِ مُرْيَرْسَ، 29سُڢِتُواْ؞ وَطَنْدَ سُكَيِ أَبُ مَيْݣَوْ ذَاسُ تَاشِ، سُرَايُ، عَمَّا وَطَنْدَ سُكَيِ رَشِنْ غَسْكِيَ، ذَاسُ تَاشِ عَكُوَيِ مُسُ حُكُنْثِ؞ #دَانْ 12‏.2 30بَانَ عِيَيِنْ كُواْمٜىٰ نِے كَطَيْ؞ إِنَ شَرِيعَتَ نٜىٰ يَدَّ اللَّهْ يَڢَطَا مِنِ إِنْيِ؞ سَبُواْدَ حَكَ شَرِيعَتَ تَغَسْكِيَثٜىٰ، دُواْمِنْ بَنُڢِنْ كَيْنَ نَكٜىٰبِبَ، عَمَّا نُڢِنْ وَنْدَ يَعَيْكُواْ نِنٜىٰ؞

شَيْدُنْ عِيسَىٰ

31‏«‏عِدَنْ نَايِ وَكَيْنَ شَيْدَ، تُواْ، شَيْدَتَ بَتَبَّتَاثِّيَ بَثٜىٰ؞ 32عَمَّا أَݣَويْ وَنِ وَنْدَ يَكٜىٰيِنْ شَيْدَ عَكَيْنَ، نَا كُمَسَنْ شَيْدَرْ دَ يَكٜىٰيِ عَكَيْنَ تَبَّتَاثِّيَثٜىٰ؞ 33كُنْ عَيْكِ مُتَنٜىٰ وُرِنْ يَحْيَى، شِيكُوَ يَشَيْدَ مُكُ غَسْكِيَ؞ #يَحـ 1‏.19‏-27؛ 3‏.27‏-30 34دُكْدَهَكَ بَنْ دُواْغَضَ دَ شَيْدَرْ مُتُمْبَ؞ نَا دَيْ ڢَطِ حَكَنٜىٰ دُواْمِنْ كُسَامِ ثٜىٰتُواْ؞ 35يَحْيَى ڢِتِلَ نٜىٰ مَيْثِ، مَيْ حَصْكٜىٰ كُمَ، كُنْ كُوَ يَرْدَ كُيِ ڢَضٍ ثِكِ سُواْسَيْ دَ حَصْكٜىٰنْسَ أَطَنْ لُواْكَثِ كَطَنْ؞ 36عَمَّا إِنَدَ تَاوَ شَيْدَ عَكَيْنَ وَدَّ تَڢِے شَيْدَرْ دَ يَحْيَى يَبَايَرْ غَمٜىٰدَنِ؞ أَيُّكَنْ دَ نَكٜىٰيِ، وَطَنْدَ عُبَانَ يَبَانِ إِنْيِ، سُونٜىٰ أَبُبُوَنْ دَ سُكَ ذَمَ شَيْدَتَ، ثٜىٰوَ عُبَا نٜىٰ يَعَيْكُواْ نِے؞ 37عُبَنْ كُمَ وَنْدَ يَعَيْكُواْ نِے شِ دَ كَنْسَ يَذَمَ شَيْدَتَ؞ بَكُ تَٻَ جِنْ مُرْيَرْسَبَ، بَكُ كُمَ تَٻَ غَنِنْ يَدَّ يَكٜىٰبَ؞ #مَتْ 3‏.17؛ مَرْ 1‏.11؛ لُكْ 3‏.22 38كَلْمَرْسَ بَاتَذَمَ أَ ذُوثِيَارْكُ، دُواْمِنْ بَكُبَادَ غَسْكِيَ غَ وَنْدَ عُبَا يَعَيْكُواْبَ؞ 39كُنَ تَبِنْثِكٜىٰنْ لِتَّتَّڢَيْ، دُوانْ أَڟَمَّنِنْكُ ذَاكُسَامِ رَيْ نَهَرْ أَبَدَا عَثِكِنْسُ؞ وَطَنَّنْ مَغَنَرْ اللَّهْ كُوَ سُونٜىٰ سُكٜىٰ بَادَ شَيْدَ عَكَيْنَ؞ 40عَمَّا دُكْدَهَكَ كُنْڧِ ذُوَا وُرِينَ كُسَامِ رَيْ؞

41‏«‏بَانَكَرْٻَرْ يَبُواْ دَغَ وُرِنْ مُتَنٜىٰ؞ 42عَمَّا ڢَا نَسَنْكُ، نَكُمَسَنْ ثٜىٰوَ بَاكُدَ ڧَوْنَرْ اللَّهْ عَثِكِنْ ظُكَاتَنْكُ؞ 43نَذُواْ عَثِكِنْ سُونَنْ عُبَانَ، بَكُ كَرْٻٜىٰنِ بَ، عَمَّا عِدَنْ وَنِ يَا ذُواْ عَثِكِنْ سُونَنْ كَنْسَ، ذَاكُ كَرْٻٜىٰشِ؞ 44تُواْ، يَيَ ذَاكُ بَادَ غَسْكِيَ سَعَدَّ كُكٜىٰ ڧُواْڧَرِنْ سَامُنْ يَبُواْ دَغَ جُونَنْكُ، عَمَّا بَكُيِ ڧُواْڧَرِنْ سَامُنْ يَبُوانْ دَيَكٜىٰ ڢِتُواْوَ دَغَ وُرِنْ اللَّهْ وَنْدَ يَكٜىٰ طَيَ كَطَيْبَ؟ 45كَدَ كُيِ ڟَمَّنِ ذَنْيِ ڧَارَرْكُ وُرِنْ عُبَا؞ أَݣَويْ مَيْ ڧَارَرْكُ، شِينٜىٰ مُوسَٰى، وَنْدَ كُكٜىٰسَا ذُوثِيَا ذَيْ تَيْمَكٜىٰكُ؞ 46دَاعَثٜىٰ كُنْ بَادَ غَسْكِيَ غَ مُوسَٰى دَ كُنْ بَادَ غَسْكِيَ غَرٜىٰنِ، غَمَا مُوسَٰى يَرُبُوتَ غَمٜىٰدَنِ؞ 47عَمَّا إِنْ كُوَ بَكُ غَسْكَتَادَ أَبِنْدَ يَرُبُوتَبَ، تَيَيَا ذَاكُ غَسْكَتَادَ مَغَنَاتَ؟»‏

Currently Selected:

يَحْيَى 5: hauAS

Highlight

Copy