يَحْيَى 3

نِكُواْدِمُسْ يَذُواْ وُرِنْ عِيسَىٰ

1أَݣَويْ وَنِ مُتُمْ مَيْ سُونَ نِكُواْدِمُسْ، وَنْدَ يَكٜىٰ عَڧُنْ‌غِيَرْ ڢَرِسِيَاوَا، وَنِ شُوغَبَنْ يَهُودَاوَا؞ 2وَنَّنْ مُتُمْ يَا ذُواْ وُرِنْ عِيسَىٰ دَ دَرٜىٰ، يَثٜىٰ مَسَ ‏«‏مَلَمْ، مُنْ سَنْ ثٜىٰوَ كَيْ مَلَمِ نٜىٰ وَنْدَ اللَّهْ يَعَيْكُواْ، دُواْمِنْ بَابُوَنْدَ ذَيْ عِيَيِنْ وَطَنَّنْ عَلَمُنْ بَنْ مَامَاكِ سَيْدَيْ وَنْدَ اللَّهْ يَنَ تَرٜىٰ دَشِ؞»‏

3سَيْ عِيسَىٰ يَأَمْسَ مَسَ يَثٜىٰ ‏«‏حَڧِيڧَ، إِنَ غَيَ مَكَ، بَابُوَنْدَ ذَيْ عِيَ غَنِنْ مُلْكٍ اللَّهْ، سَيْدَيْ أَنْسَاكٜىٰ حَيْڢَرْسَ؞»‏#3‏.3 سَيْدَيْ أَنْسَاكٜىٰ حَيْڢَرْسَ: وَنِ جُويِ نَوَطَنَّنْ كَلْمُواْمِ شِينٜىٰ ‏«‏سَيْ أَنْحَيْڢٜىٰشِ دَغَ سَمَ؞»‏

4نِكُواْدِمُسْ يَيِ تَمْبَيَ يَثٜىٰ ‏«‏تَيَيَا ذَاعَ حَيْڢِ مُتُمْ بَايَنْدَ يَا ڟُوڢَ؟ ذَيْسَاكٜىٰ كُواْمَاوَ ثِكِنْ مَامَرْسَ نٜىٰ أَ سَاكٜىٰ حَيْڢُوَرْسَ سَوْ نَبِيُ؟»‏

5 عِيسَىٰ يَأَمْسَ مَسَ يَثٜىٰ ‏«‏حَڧِيڧَ، إِنَ غَيَ مَكَ، إِنْ بَ أَنْحَيْڢِ مُتُمْ تَضُوَ دَ رُوحُ بَ، بَذَيْ عِيَ شِغَ مُلْكٍ اللَّهْ بَ؞ 6أَبِنْ دَ مُتُمْ يَحَيْڢَ مُتُمْ نٜىٰ، عَمَّا أَبِنْدَ رُوحُ يَحَيْڢَ رُوحُ نٜىٰ؞ 7كَدَ ڢَا كَيِ مَامَاكِ دُواْمِنْ نَثٜىٰمَكَ، ‏‹‏دُواْلٜىٰ أَ سَاكٜىٰ حَيْڢَرْكُ›‏؞ 8إِسْكَ تَنَ بُوسَوَ عِنْدَ تَغَ دَامَ؞ كَكَنْ جِ مُواْڟِنْتَ، عَمَّا بَكَ سَنْ وُرِنْ دَتَكٜىٰ ڢِتُواْوَبَ، بَكَكُمَ سَنْ عِنْدَ ذَاتَبَ؞ حَكَ يَكٜىٰ دَيْدَيْ دَ دُكَنْ مُتُمِنْ دَ رُوحُ يَحَيْڢَ؞»‏

9سَيْ نِكُواْدِمُسْ يَتَمْبَيِ عِيسَىٰ يَثٜىٰ ‏«‏تَيَيَا وَنَّنْ ذَيْ يِوُ؟»‏

10سَيْ عِيسَىٰ يَأَمْسَ مَسَ يَثٜىٰ ‏«‏كَيْ بَبَّنْ مَلَمِ نٜىٰ عَ إِسْرَٰٓءِيلَ، عَمَّا دُكْدَهَكَ بَكَ غَانٜىٰ وَطَنَّنْ أَبُبُوَبَ؟ 11حَڧِيڧَ، إِنَ غَيَ مَكَ، مُنَ مَغَنَرْ أَبِنْدَ مُكَ سَنِ نٜىٰ، مُنَ كُمَ شَيْدَ مُكُ أَبِنْدَ مُكَ غَنِ، عَمَّا دُكْدَهَكَ كُنْڧِ كَرْٻَرْ أَبِنْدَ مُكَ غَيَ مُكُ؞ 12إِنَ يِمُكُ مَغَنَ غَمٜىٰدَ أَبُبُوَنْ دَسُكٜىٰ أَنَنْ دُونِيَا، عَمَّا بَكُ بَادَ غَسْكِيَابَ، يَيَ ذَاكُ بَادَ غَسْكِيَ عِدَنْ نَا غَيَ مُكُ أَبُبُوَنْ دَسُكٜىٰ نَسَمَ؟ 13بَاوَنْدَ يَتَٻَ هَوَ ذُوَا ثِكِنْ سَمَ سَيْدَيْ شِے طَنْ مُتُمْ كَطَيْ دَ يَسَوْكُواْ دَغَثَنْ؞

14‏«‏كَمَرْ دَيْ يَدَّ مُوسَٰى يَطَغَ مَثِيجِ نَتَغُلَّ أَدَاجِ، حَكَكُمَ دُواْلٜىٰنٜىٰ أَطَغَ طَنْ مُتُمْ، #لِـ ڧِدْ 21‏.9 15دُواْمِنْ دُكْ وَنْدَ يَبَادَ غَسْكِيَ غَرٜىٰشِ، ذَيْسَامِ رَيْ نَهَرْ أَبَدَا؞ #لِـ ڧِدْ 21‏.5‏-9

16‏«‏غَمَا اللَّهْ يَڧَوْنَثِ دُونِيَا سُواْسَيْ حَرْ يَبَادَ مَكَطَيْثِنْ طَنْسَ، دُواْمِنْ دُكَنْ وَنْدَ يَبَادَ غَسْكِيَ غَرٜىٰشِ كَدَ يَهَلَّكَ، عَمَّا يَسَامِ رَيْ نَهَرْ أَبَدَا؞ 17غَمَا اللَّهْ بَيْ عَيْكُواْ طَنْسَ دُونِيَا دُواْمِنْ يَحُكُنْتَ دُونِيَابَ، عَمَّا دُواْمِنْ دُونِيَا تَسَامِ ثٜىٰتُواْ تَوُرِنْسَ؞

18‏«‏دُكْ وَنْدَ يَبَادَ غَسْكِيَ غَ طَنْ اللَّهْ، بَذَاعَ حُكُنْتَ شِيبَ؞ عَمَّا دُكْ وَنْدَ بَيْ بَادَ غَسْكِيَ غَرٜىٰشِ بَ، أَنْرِغَا أَنْحُكُنْتَ شِ كٜىٰنَنْ دُواْمِنْ بَيْ بَادَ غَسْكِيَ غَ سُونَنْ مَكَطَيْثِنْ طَنْ اللَّهْ بَ؞ 19غَا يَدَّ حُكُنْثِنْ يَكٜىٰ، حَصْكٜىٰ يَشِغُواْ دُونِيَا، عَمَّا مُتَنٜىٰ سُكَڢِے ڧَوْنَرْ دُهُ ڢِيٜىٰدَ حَصْكٜىٰنْ، غَمَا أَيُّكَنْسُ مُوغَيٜىٰنٜىٰ؞ 20دُكْ وَنْدَ يَكٜىٰ عَيْكَتَ رَشِنْ غَسْكِيَ يَكَنْڧِ حَصْكٜىٰنْ، بَذَيْ مَا ذُواْ وُرِنْ حَصْكٜىٰنْبَ، دُواْمِنْ كَدَ أَيُّكَنْسَ سُتُواْنُ؞ 21عَمَّا مَيْ عَيْكَتَ غَسْكِيَ كُوَ يَكَنْ ذُواْ وَجٜىٰنْ حَصْكٜىٰنْ، دُواْمِنْ أَغَنِ أَڢِيلِ ثٜىٰوَ أَبِنْدَ يَكٜىٰيِ يَنَيِنٜىٰ دَ تَيْمَكُوانْ اللَّهْ؞»‏

شَيْدَرْ يَحْيَى مَيْ بَڢْتِسْمَ عَكَنْ عِيسَىٰ

22بَايَنْ حَكَ عِيسَىٰ دَ أَلْمَجِرَنْسَ سُكَ تَڢِے يَنْكِنْ يَهُودِيَ؞ أَ نَنْ يَجِمَ دَسُو، يَنَيِ وَمُتَنٜىٰ بَڢْتِسْمَ؞ 23يَحْيَى كُمَ يَنَيِنْ بَڢْتِسْمَ أَعَيْنُوانْ كُسَدَ سَلِمْ، دُواْمِنْ أَݣَويْ ضُوَ مَيْ يَوَ عَثَنْ؞ مُتَنٜىٰ سُكَيِ تَظُوَ أَنَيِمُسُ بَڢْتِسْمَ؞ 24وَنَّنْ يَڢَرُنٜىٰ كَاڢِنْ عَكُلّٜىٰ يَحْيَى ثِكِنْ كُرْكُكُ؞ #مَتْ 14‏.3؛ مَرْ 6‏.17؛ لُكْ 3‏.19‏-20

25سَيْ أَلْمَجِرَنْ يَحْيَى سُكَ شِغَ غَرْدَمَ دَ وَنِ بَيَهُودٜىٰ#3‏.25وَنِ بَيَهُودٜىٰ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ ‏«‏وَطَنْسُ يَهُودَاوَا»‏ نٜىٰ أَنَنْ؞ عَكَنْ أَلْعَادَرْ وَنْكٜىٰ وَنْكٜىٰ دُواْمِنْ ڟَبْتَثٜىٰوَ بِسَغَ دُواْكَا؞ 26سَيْ أَلْمَجِرَنْ سُكَجٜىٰ وُرِنْ يَحْيَى سُكَثٜىٰمَسَ ‏«‏مَلَمْ، مُتُمِنْ دَ كُكٜىٰ تَرٜىٰدَشِ أَدَا عَڧٜىٰتَرٜىٰنْ كُواْغِنْ يُواْدَنْ، وَنْدَ كَيْ دَكَنْكَ مَا كَبَادَ شَيْدَ عَكَنْسَ، غَاشِ ثَنْ يَنَ يِنْ بَڢْتِسْمَ، حَرْ كُواْوَ دَ كُواْوَ يَنَ ذُوَا وُرِنْسَ؞»‏

27سَيْ يَحْيَى يَأَمْسَ يَثٜىٰ ‏«‏بَا مَيْ عِيَ سَامُنْ كُواْمٜىٰ سَيْ كُواْ أَنْبَاشِ دَغَ سَمَ؞ 28كُو دَ كَنْكُ مَا شَيْدُنَ نٜىٰ دُواْمِنْ نَثٜىٰ، ‏‹‏بَ نِنٜىٰ أَلْمَسِيحُنْ بَ، عَمَّا أَنْعَيْكٜىٰنِنٜىٰ إِنْ رِغَا شِ ذُوَا؞›‏ #يَحـ 1‏.20 29عَبِكٍ عَوْرٜىٰ، أَنْ‌غُواْ نٜىٰ مَيْ أَمَرْيَ؞ أَبُواْكِنْ أَنْ‌غُواْ وَنْدَ يَجٜىٰ عَوْرٜىٰنْ كُوَ يَكَنْ جِرَا نٜىٰ كُرُمْ يَجِ مُرْيَرْ أَنْ‌غُواْ؞ يَكَنْ كُمَ ثِكَ دَ ڢَضٍ ثِكِ عِدَنْ يَا جِ أَنْ‌غُواْ يَيِ مَغَنَ؞ عَتَهَكَنٜىٰ ڢَضٍ ثِكِ نَوَ يَثِكَ؞ 30دُواْلٜىٰنٜىٰ مُتُمِنَّنْ يَيِ تَڧَارُوَ، نِے كُمَ إِنْيِ تَرَغُوَ؞

وَنْدَ يَذُواْ دَغَ سَمَ

31‏«‏شِ وَنْدَ يَذُواْ دَغَ سَمَ يَڢِ كُواْوَ؞ دُكَنْ وَنْدَ يَڢِتُواْ دَغَ دُونِيَا كُوَ نَدُونِيَا نٜىٰ، كُمَ يَكَنْيِ مَغَنَرْ أَبُبُوَنْ دُونِيَا نٜىٰ؞ وَنْدَ كُمَ يَذُواْ دَغَ سَمَ يَڢِ كُواْوَ دُكَ؞ 32يَنَ شَيْدَرْ أَبِنْدَ يَجِ يَكُمَ غَنِ نٜىٰ، دُكْدَهَكَ بَاوَنْدَ يَيَرْدَ دَ شَيْدَرْسَ؞ 33عَمَّا دُكْ وَنْدَ يَيَرْدَ دَ عَلَمَرْ شَيْدَرْسَ، يَتَبَّتَرْ كٜىٰنَنْ ثٜىٰوَ لَلَّيْ اللَّهْ مَيْ غَسْكِيَ نٜىٰ؞ 34غَمَا شِے وَنْدَ اللَّهْ يَعَيْكُواْ، كَلْمَرْ اللَّهْ نٜىٰ يَكٜىٰ ڢَطِ، دُواْمِنْ اللَّهْ يَبَا شِ رُوحُنْسَ بَابُ إِيَاكَ؞ 35عُبَنْ يَنَ ڧَوْنَرْ طَنْ، يَكُمَسَا كُواْمٜىٰ أَ حَنُّنْسَ؞ #مَتْ 11‏.27؛ لُكْ 10‏.22 36دُكَنْ وَنْدَ يَكٜىٰ بَادَ غَسْكِيَ غَ طَنْ، يَنَدَ رَيْ نَهَرْ أَبَدَا؞ عَمَّا دُكْ وَنْدَ يَڧِ طَنْ، بَذَيْسَامِ رَيْ بَ، سَيْدَيْ ڢُشِنْ اللَّهْ يَكَسَنْثٜىٰ عَكَنْسَ؞»‏

Currently Selected:

يَحْيَى 3: hauAS

Highlight

Copy