YouVersion Logo
Search Icon

Met 37

37
Bobenyañe be Yôsep ba kuane nye
(1 S 18:6-9; Met 4:3-20; Mink 18:19; Mm 7:9; Met 45:4-8; Yo 7:5)
1Yakob a nga tabe e Kanaan e vôm ésaa wé a nga nyiñ. 2E mvoñe bôte Yakob nje nyô. Yôsep, a too mimbu awôm a zamgbwa, a mbe a ba'ale'e mbame bone biyem baa be bobenyañe bé; ôyôm ésoé ndôman, a mbe fefele bone be Bila a ba be Zilpa, binga b'ésaa wé. Nde e mbe na Yôsep a mbe a katek ésaa wop mbia *minkobô miap. 3Israél a mbe a nyeke'e Yôsep a dañe bone bé bevo'o bese amu a nga biaé nye a ntoo nnôm. A nga loé nye alô'ô e too menyôle menyôl. 4Bobenyañ be nga yene na ésaa wop a mbe a nyeke'e nye a dañe be bese, a be nga taté na ba vini nye. Be mbe te nguleya kobô nye e nye'an été.
5Yôsep a nga yeme biyeyem a kate bie bobenyañe bé, be ke ve zu dañe vini nye. 6A nga jô be na: Vô'ôla'ane ñhe biyeyem ma te yem! 7Bi mbe bi too e mefub été asu ya dutu mimbom; e teme na mbome wom ve tebe tetele émienan mi nga bômane wô a mi nga kute meboñe si ôsu wé. 8Bobenyañ be nga jô nye na: Ye wo simesane na wo ye jôô bia nga? Vengevenge ve wo simesane na ô ne masa wongan? A be nga dañe beta vini nye, amu biyeyeme bié a *minkobô mié.
9A nga beta yeme biyeyeme bife a nga kate bobenyañe bé, nye na: Mi lôô ma te beta yeme biyeyem! Jôp, ngon a ateté awôm a wua be nga kute meboñ ôsu viam. 10A nga kañete bie ésaa a bobenyañ. Esaa a nga yaa nye a jô nye na: Atinane ya biyeyem wo te yem e ne aya? Ye wo simesane na bia ye zu kute meboñe si ôsu viôé: nyua, bobenyoñ a ma' 11Bobenyañ be nga bo nye éviele, ve ésaa a nga ba'ale ôsimesane ya fu'ane jam ate.
12Bobenyañ be Yôsep be nga ke asu ya ba'ale mbame bone biyem ésaa wop e Sikem. 13Israél a nga jô Yôsep na: Bobenyoñ ba ba'ale mbame biyem e Sikem, za'ak, ma kômbô lôme wo be be. A nga yalane na: Ma nyô! 14Israél a nga jô nye na: Wo zu ke yene bobenyoñ nge be ne *mvo'é a nge mbame bone biyem ô ne *mvo'é. Wo ye zu kate ma mefoé. Nalé ate a nga lôme nye a kôlô'ô mbi'ili Ebroñ, a Yôsep a nga ke Sikem. 15Môt éziñ a nga koone nye a kele a jañe fé. Môt ate a nga sili nye minsili na: Wo jeñe jé' 16A nga yalane na: Ma jeñe bobejañ; ma ye'elane wo, kate ma vôme ba ba'ale mbame biyeme wop. 17Môte nye na: Be kôlôya va; amu me nga wô'ô be jô'ô na: Nkeane Dôtan. Yôsep a nga tôñe mebo me bobenyañe bé, a koone be Dôtan. 18Be nga yene nye ôyap; a, te na a kui be bebé, be nga bôndé fe'e ya wôé nye. 19Be nga jôan, wua a nyô mbo'o na: Masa ñyeme biyeyem nyôlé a zu. 20Za'an éyoñe ji, ñwôane nye a e ñwu'ane nye e jia ya bibé; bia ye jô na: ñyôyo'o tit wo te mine nye a bia ye yen ane biyeyeme bié bia ye su'ulan. 21Ruben a nga wôk jame te, a tyi'i na a nyii Yôsep; nye na: Te bia wôé nye. 22A nga beté bifia bife yôbe na: Te wôane môt, wu'ane nye fo'o v'ébé ya *nkôte si ji, ve te wôane nye. A nga kobô be nalé ane a ne nguleya nyii nye a bulane nye be ésaa wé.
23Eyoñe Yôsep a nga kui be bobenyañ, be nga vaa nye alô'ô dé, alô'ô e mbe menyôl menyôl a nga be'e. 24Be nga nyoñe nye a wua nye ébé. Ebé te é mbe teke jôm été; teke mendim.
25Be nga tabe si a di bidi. Eyoñe ba bete mis, be nga yene nsamba Beismaélit ô so'o Galad; bekamel bap be mbe be be'e meyemete me ne mbamba menyum, bôm a ladanôm, be kele bie Ejipte. 26Yuda a nga jô bobenyañe na: Mfi ôvé bi bili na bi wôé mojañe wongan a solé metyi mé' 27Za'an a nku'ane nye e be Beismaélit, a te bia wôé nye, amu a ne mojañe wongan, a minsône miangan; a bobenyañ be nga wô'ô nye. 28Eyoñe bebo makit ba so li a ke li, bôte ya Madian be nga lôt, be nga dutu Yôsep a vaa nye ébé. Be nga kuane nye tañe bifas bi moné mewôm mebaé e be Beismaélit, be ve kee nye Ejipte.
Yakob a nyoñe foé awu Yôsep
(Mink 28:13; Yer 31:15-17; Met 45:28)
29Ruben a nga zu ébé a koone na teke fe Yôsep été. Ane a nga nyabe mengômesane mé, 30ve bulane be bobenyañ a jô na: Mongô a nji beta bo ébé été! A ma, ma ye ke vé' 31Be nga nyoñ alô'ô Yôsep a wôé nnôm ékela a dube alô'ô e metyi été. 32Wôna be nga lôm alô'ô é mbe menyôl menyôl e be ésaa wop be jô'ô nye na: Bia te som alô'ô di! Yemela'ane ñhe, nge yaa, nge momo na alô'ô te e ne di nyô mon. 33Yakob a nga yeme de a jô na: Alô'ô mone wom e nde di! Ñyôyo'o tit éziñ ô mineya nye! Be maneya nyabe Yôsep bifus! 34Yakob a nga nyabe mengômesane mé, ve jaé nkuta angeteñ a jaé meyep me mone wé abui melu. 35Bobefame bé bese a bobebinga bé bese be nga kôlô si a volô nye nlem; ve a nga bene mvolane *nlem ôse, a jô'ô na: Ma ye siliki mfa'a mone wom a né, étaba'a miñwuan, me be'e meyep! A a mbe a yônôk mone wé.
36Bôte ya Madian be nga kuane Yôsep Ejipte, e be Pôtifar, môta ndinleme Faraoñ a njôô bezimbi ba ba'ale nye.

Currently Selected:

Met 37: BDCB

Highlight

Share

Copy

None

Want to have your highlights saved across all your devices? Sign up or sign in