Mariko Obhukangati
Obhukangati
Ekitabho kinu kyangʼoorwa na Mariko. Mariko, unú eriina erindi yaabhirikirwanga ega, Yoana kasi Yoana Mariko, yaaringa oumwi wa Abhakiristu bha mbere (maaha mukitabho kya Amakorwa ga Abhatumwa 12:12). Yaaringa arasoorana na Pauro, Bharinabha na Petero, kumirimu gya okuraarika amangʼana eguru ya Yeesu (maaha mubhitabho bhya Amakorwa ga Abhatumwa 13:1-13, 15:36-41; 1 Petero 5:13).
Mukitabho kinu, Mariko yaaringa arabhangʼoorera Abhakiristu bha mumugi gwa Ruumi. Eribhaga riyo, omukama Nero ngʼo yaaringa Kaisari, na kwibhaga riyo, Abhakiristu bhaaringa bharanyankibhwa bhukongʼu, kurusumo rwa eimani yaabho. Mariko yeendanga okwimya Abhakiristu kuimani kwa okubhakeerya ega, ereenderwa Abhakiristu bhanyoore enyanko kya ego Kiristu yaanyankibhwa na okukwa.
Mariko aroorokya ameetegeerero ga okungʼoora ekitabho kinu, kumuchafwa gwa okwamba, “Amangʼana Amajomu ga Yeesu Kiristu, Omwana wa Waryubha.” Areenda abhantu bhanú bharasoma, bhamanye ega, Yeesu ngʼo Kiristu Omutuurya, unú Waryubha yaatuma kya ego yaaraga.
Currently Selected:
Mariko Obhukangati: Kabwa
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.