FAARSO 46
46
FAARSAANOTE ROORRICHIRA KAWAJJEESSINOONNI COYI DAAFIRA QORE OOSO FAARSO
MAGANU NINKE LEDO NO
1Maganu golonkeetinna wolqankeeti;
qarru iillannonke yanna baalate kaa'late qixxaawaho.
2Kunnira, baatto shafanturo,
ilaallano marte baaru giddo ubburo diwaajjineemmo;
3wayibba luulte hambiituronna,
ilaalla shafanturo nafa diwaajjineemmo.
4Maganu katamira,
Wo'munkura Aliidihu hee'rannowa qullaawa darga,
tashshi assannohu daadanno wayi no.
5Kaaliiqi mereerosi noo daafira katamu dishafamanno;
Kaaliiqi konne katama soodo balaxe kaa'lanno.
6Daga waajjite raartu; gashshootuwano huxidhu;
Maganu qoonqosi macciishshiishi woyite baattono daaqqu.
7Olantote Mootichi ledonke no;
Yaiqoobi Magani golonkeeti.
8Maala'linanniha Kaaliiqi baattote aana loosino looso,
daggine la'e!
9Baattote qacce geeshsha nooha ola uurrisanno;
digaana hiiqqanno; amaxxo cancananno;
wonqono giire hunanno.
10Fooliishshidhe; ani Magano ikkoommotano egenne!
Dagate mereeronna baattote aana ayirreemmo.
11Olantote Mootichi ledonke no;
Yaiqoobi Magani golonkeeti.
Currently Selected:
FAARSO 46: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
