MAARQOOSI 9

1Yesuusi qole, «Halaale kuleemmo'nena, konniicho uurritinori giddonni mitu mitu Maganu Gashshooti lowo wolqanni daanna la'a geeshsha reyitannokkiri no» yii.

YESUUSI AYIRRINYESI LEELLISHI

(Mat 17:1-13; Luq 9:28-36)

2Leyu barri gedensaanni Yesuusi Pheexiroosi, Yaiqoobinna Yohaannisi calluwansa haa're seeda ilaala fuli. Insa albaanni soorrame wolu daniha ikki; 3uddanosino waajjo qoffe ikkitu; uullate aana ayino hayishshe fushshe afannokki garinni waajjidhu. 4Hatte yannara, Musenna Eeliyaasi Yesuusi ledo hasaabbanna affu. 5Hakka woyite Pheexiroosi Yesuusa, «Rosiisaancho'ya, ninkera konniicho hee'ra danchate. Kunnira, sase daase, mitto atera, mitto Musera, mitto Eeliyaasira qansoni?» yii. 6Insa waajjite noo daafira, Pheexiroosi umisi ma coyi'ranni nooronni diafino.

7Hakka woyite gomichu daye golinsa; gomichu giddonni, «Baxeemmohu Beetti'ya konneeti; isi yaannota macciishshe!» yitanno huuro daggu.

8Hedeweelcho caaqqi yite la'anno woyite, insa ledo Yesuusa agurranna wolu noohu dino.

9Ilaalunni dirritanni heedheenna Yesuusi, «Konne xa la'inoonnire Manchi Beetti reyotenni ka"a geeshsha, ayerano kultinoonte!» yee hajajinsa.

10Insano yiinota macciishshitu; ikkollana, «Reyotenni ka"ate yaa ma yaate ikka?» yitanni insa insanaawa hasaabbu. 11Insano Yesuusa, «Muse Seeri rosiisaano, ‹Balaxe daa hasiisannosihu Eeliyaasiiti› mayiralla yitanno?» yite xa'mitu. 12Isi kayinni, «Halaaleho, Eeliyaasi balaxe daye baalankare darga qolanno. Ikkollana Manchi Beetti qarra adhannotanna shollannota borreessinoonnihu mayiraati? 13Ani kayinni kuleemmo'ne: Eeliyaasi dayino. Isi daafira borreessinoonni gede, mannu isi aana hasi'rinore assino» yee qolinsa.

YESUUSI BUSHU AYYAANI AMADINO BEETTO HURSI

(Mat 17:14-21; Luq 9:37-43)

14Insa te'enne rosaanowa ka'e dagganno woyite, lowo manni insa doyisse noonsa. Muse Seeri rosiisaanono insa ledo moronsho amadde no. 15Mannu baalu Yesuusa afe, lowo geeshsha mase, dodanni mare keere haa'ri. 16Yesuusi manna, «Ki'ne insa ledo mayi daafira coyi'rantinanni?» yee xa'minsa.

17Hakkiicho noo manni giddonni mittichu, «Rosiisaancho'ya, beetto'ya bushu danqichu ayyaani amadeenna, atewa abbi'roommo. 18Ka"anno woyite, tugannosi; hambiishshannosi; qoleno hinko quruuxisanno; reeshshu gede qoromoddisannosi. Konne busha ayyaana fushshitara rosaanokkira kulummota didandiitino» yii.

19Yesuusi, «Ki'ne ammantinannikki ilama, ani ki'ne ledo mageeshshi geeshsha hee'reemmo? Ki'nere mageeshshi geeshsha cinceemmo? Hanni beetto anewa abbe!» yii. 20Insano beetto haadhe abbitu. Bushu ayyaani Yesuusa afanni hee'renni, beetto uulla tuge fittifachiishi. Qoleno uulla gongo'mishanni hambiishshi. 21Yesuusi beettu anna, «Togo assisinkunni yanna mageeshshaati?» yee xa'mi. Annu qole, «Anjesinni kayiseeti. 22Roore yanna shee hunara giiratenna waaho tugannosi. Ati kayinni dandiittoro, mararte kaa'linke» yiisi. 23Yesuusi qole, «Dandiittoro yaatto? Ammanannohura baalunkuri dandaamanno» yiisi. 24Beettu anni hakkawoyintenni, «Amma'noommona, roorse amma'neemmo gede kaa'lie!» yee naggi asse coyi'ri.

25Yesuusi mannu hooramanni isiwa hige daannota afe, busha ayyaana, «Ati macciweelunna danqichu ayyaani, beettuwiinni fulatto gedenna layinkita eattokki gede hajajeemmohe!» yee rufi.

26Bushu ayyaani beetto fittifachiishe, lowo qaalinni raare fuli. Beettu kayinni reyinohu gede ikke dalagi; kunnira lowo manni, «Reyino» yii. 27Yesuusi kayinni anga amade kayise uurrisisi; beettuno kae uurri.

28Yesuusi minira e"eenna calluwinsa noowa, rosaanosi Yesuusa, «Ninke busha ayyaana fushsha hoongummohu mayiraati?» yite xa'mitusi.

29Isino, «Kunni gari ayyaani, qatumme#9:29 qatumme yaannohu mite mite keeshshitino borro angatenni borreessinoonnite giddo dino. Magano huucci'nikkinni difulanno» yiinsa.

YESUUSI REYOSIRE LEDE COYI'RI

(Mat 17:22-23; Luq 9:43-45)

30Yesuusinna rosaanosi hakkiichinni ka'e, Galiilu widoonni higge hadhu. Yesuusi kayinni mannu afannosita dibaxino. 31Giwinohuno rosaanosira, «Manchi Beetto mannu angara sayinse uyinanni; insano shitannosi; shituhunni sayikki barra reyotenni ka"anno» yaanni rosiisanni noohura yeeti. 32Rosaanosira kayinni kuni coyi dileellinonsa; xa'mitannokki gedeno waajjitino.

BAALANKA ROORANNOHU AYETI?

(Mat 18:1-5; Luq 9:46-48)

33Yesuusinna rosaanosi Qifirinahoomi Katama daggu. Yesuusi minira e"e kae rosaanosi, «Wonaankunni doogo hasaabbinanniri maati?» yee xa'minsa. 34Insa kayinni doogote aana, giddonsa rooriidihu ayetiro xa'mantanni hadhino daafira, sammi yitu. 35Ofollihu gedensaanni tonaa lamenka isiwa woshshe, «Umiha ikka hasi'rannohu, wo'munkura woriidihanna baalunku soqqamaancho ikko» yiinsa. 36Yesuusi mitto qaaqqo haa're albansaanni uurrise, angasinni hanqafe, 37«Ane su'minni togoo qaaqquulli giddonni mitto wosinchimma adhannohu, ane adhanno. Ane adhannohuno, ane calla ikkummokkinni, ane soyinoehano adhanno» yiinsa.

NINKE GIWANNOKKIHU NINKE WIDIHO

(Luq 9:49-50)

38Yohaannisi Yesuusira, «Rosiisaancho'ya, mittu manchi su'mikkinni durriisa fushshanna anfe, ninke ledoha ikkinokki daafira hoolloommo» yii.

39Yesuusi kayinni qole, «Ane su'minni maalale loosanni hee're, rahe ane aana busha coye coyi'ra dandaannohu dinona hooltinoontena agurre. 40Ninke giwannokkihu ninke widiho. 41Halaale kuleemmo'nena, anere ikkitinoonni daafira, waa finiinchoho aanno'nehura nafa daafurisi diba"anno» yii.

SODHE SO'RISIISSOOTI

(Mat 18:6-9; Luq 17:1-2)

42Yesuusi lede, «Ane amma'nitinori kuri shiimmaaddu giddonni mitto so'risiisanno manchi, lowo daamma haxote usudhe baaru giddo bairo woyyannosi. 43Kunnira, angakki cubboho massitannoheha ikkiro murte huni! Lame anga heedheennahe xo'annokkita gaannaamete giira eattonkunni, mitte angaha ikkite, heeshshonniwa ea woyyitannohe. 44[Hakkiicho insa itanno da'muulchi direyanno; giirano dixo'anno.]#9:44 Konne darga noo coyi lowotera Girikete afiinni borreessinoonni borro giddo dino. Kiiro 44 nna kiiro 46 giddo noohu 48 giddo noohu ledo mittoho. 45Lekkakki cubboho massitannoheha ikkiro murte huni! Lame lekka heedheennahe gaannaamete giira eattonkunni, mitte lekkaha ikkite heeshshonniwa ea woyyitannohe. 46[Hakkiicho insa itanno da'muulchi direyanno; giirano dixo'anno.] #Maq 9:44 lai. 47Illekki cubboho eessitannoheha ikkiro fushshite huni! Lame ille heedheennahe gaannaamete giira eattonkunni, mitte illeha ikkite Maganu Gashshoote ea woyyitannohe. 48[Hakkiicho insa itanno da'muulchi direyanno; giirano dixo'anno.] #Isa 66:24 lai.

49«Kakkalo maxinetenni faansinanninte gede, baalanka giiratenni faansinanni. 50Maxine danchate. Coommille hoogguro kayinni, hiitto assine coominshannise? Ki'nerano maxinete gedee coommilli heero'ne; ki'ne ki'neneewa sumuu yitine keere heedhe!» yii.

Currently Selected:

MAARQOOSI 9: QulMax

Highlight

Copy