MAATEWOOSI 3
3
CUUAANCHU YOHAANNISI LALLAWA
(Maq 1:1-8; Luq 3:1-18; Yoh 1:19-28)
1Hatte yannara, Cuuaanchu Yohaannisi Yihudu gobbara halalla lallawanni dayi. 2Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!#Mat 4:17; Maq 1:15 lai.
3« ‹Mootichu doogo qixxeesse;
doogosino taashshe!›
yaanni halalla raaranno manchi huurooti»#Isa 40:3 lai.
yee coyi'rinohu Yohaannisi isooti.
4Yohaannisi uddano gaalu ordanni gannoonnite; hallo sunchunni qodhanno. Sagalesi kanchafarehonna godu malawooti.#Mik 5:2 lai. 5Hatte yannara mannu Yerusaalamete Kataminni, Yihudu gobba baalatenninna Yordaanoosi laayyo baalatenni Yohaannisiwa hige dayi. 6Yohaannisino, insa cubbonsa ifaaxxitanna#3:6 ifaaxxitanna yaa cubbonsa Maganoho ku'litanna yaate. Yordaanoosi Wayi giddo cuuinsa.
7Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne? 8Xaate aagintaawa'ne leellishanno looso loosse. 9‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne. 10Meesane haqqe rumushshunkunni murtara qixxeessineenna no. Kunnira, dancha guma laalannokki haqqa baala karre giirate tunganni. 11Ani aagintaabbinanni gede wayinni cuueemmo'ne. Ane gedensaanni daannohu kayinni Qullaawu Ayyaaninninna giiratenni cuuanno'ne. Isi ane lowo geeshsha rooranno; ani lekkasi koatte nafa duhate di"ikkoommoho. 12Isi woowansinanni woowancho anga haa're no. Hatte woowanchonni ayiddummesi co'o asse fee, qamade gamba asse qaldaho woranno. Kura kayinni xo'annokki giirara tuganno» yiinsa.
YESUUSI CUUAMA
(Maq 1:9-11; Luq 3:21-22)
13Hatte yannara Yesuusi Galiilunni kae Yohaannisi cuuasira Yordaanoosi Laga dayi. 14Yohaannisi kayinni, «Kuni di"ikkanno; ane atilla cuua hasiissanno ikkinnina ati anewa daatto?» yee hoolara wo'naali.
15Yesuusi kayinni, «Keeraanchimmate loosi baalu kunni garinni wo'ma hasiissanno daafira ikkona aguri» yiisi. Yohaannisino maahoyye yee cuuisi.
16Yesuusi cuuame kae wayi giddonni fulanni hee'reennanni, gordu fa'nameenna Maganu Ayyaani lembooli gede ikke dirre aanasi ofollanna afi. 17Hakkawoyintenni, «Hagiirsiisannoehu baxeemmo Beetti'ya isooti» yitanno huuro gordunni daggu.
Currently Selected:
MAATEWOOSI 3: QulMax
Highlight
Share
Copy

Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014