KALAQAMA 15
15
MAGANU ABIRAAMI LEDO EINO GONDOORO
1Hakkunni gedensaanni Kaaliiqi Abiraamira ajuujatenni, «Abiraami! Waajjitooti; wonqo ikke dano baalantenni agareemmohe; lowo maassono eemmohe» yaanna macciishshi. 2Abiraamino, «Kaaliiqa Mooticha'ya! Ila nooekkihura aattoe maasso ma"assitannoe? Jiro'ya ragi'rannohu Demaasiqote manchi soqqamaanchi'ya Elieezeeriiti» yii. 3Qoleno, «Anera ila dioottoe; kuneeti, soqqamaanchi'ya ragi'raeraati» yii.
4Kaaliiqi kayinni, «Ragi'rannohehu konne ikkikkinni, ati ilatto beettooti» yee coyi'ranna macciishshi. 5Hakkiinnino gobbara haa're fushshesi, «Iima higge gordo lai; beeddahe kiirattora dandaattoha ikkiro kiiri; sirchikki hatto ikke bati'ranno» yiisi.
6Abiraami Kaaliiqa amma'ni; amma'nasino keeraanchimmate kiirantusi.
7Kaaliiqi qole, «Tenne baatto ragi'ratto gede aammohera Keledootu gobbanni Uurinni fushshoommohehu Kaaliiqi aneeti» yiisi.
8Abiraami kayinni, «Kaaliiqa Mooticha'ya! Tenne baatto ragi'reemmota mayinni afeemmo?» yee xa'mi.
9Kaaliiqino, «Sasu diri adde, sasu diri meichonna sasu diriha ge'rechu goco, hattono bukukkaamanna lemboolcho haadhe abbi» yiisi. 10Abiraamino kore baala Kaaliiqiwa haa're masse lame lamewa dare beehi; beehinore lame ragaanni qote qoteho wori; cea kayinni lamewa dibeehino. 11Doowiru maala itara dirri; Abiraami kayinni doowiro shorre aaninni hooli.
12Arrishsho e'anni heedheenna, Abiraami lowo goxano amaddusi; hattenne giddo waajjillunna masillu doyissisi. 13Kaaliiqi Abiraamira, «Sirchikki allaggu gobbara wosi'ne hee'rannota seekkite afi; hakkiichono borojjimmatenninna kadamatenni 400 diro hee'ranno. 14Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno. 15Atino diro duubbe garunni annuwakki gede mannu aalo ikkatto. 16Sirchikki kawiichira galagale higannohu 400 diri gedensaanniiti; hakkeeshsha keeshshitannohuno Amooraawoota cubbinsa bati'reenna qorichishe tenne gobbanni fushshe hunammo geeshshaati» yiisi.
17Arrishsho e'eenna tunsihu gedensaanni, booso wiliilenna buwanno caabbichi lamewa beenki maali mereeroonni hige sai. 18Hakko barra Kaaliiqi Abiraami ledo gondooro eanni, «Gibitsete danninni lowohu Efiraaxisi Wayi geeshsha noo baatto sirchikkira eemmo. 19Eemmo'netino Qenaawootu, Qeneezootu, Qadimonootu, 20Hitootu, Ferizootu, Refootu, 21Amooraawootu, Kana"aanootu, Gergesootu, Iyaabuusootu baattooti» yiisi.
Currently Selected:
KALAQAMA 15: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014
