Macaafa Yo'el Raajichaa 3
3
Saba Warra Kaan Irratti Firdiin Akka Dhufu Himuu Isaa
1Waaqayyo,<<Kunoo, bara sanatti,
guyyaa sanattis
Yihudaa fi Yerusaalem keessaa
warra booji'aman yommuun deebisu*,
2saba lafa irraa hundumaa walitti qabee,
dachaa Yoshaafaaxitti nan geessa;
sababii isaan saba dhuunfaa koo,
Israa'elin tamsaasanii,
biyya koos hirmaataniif
achitti isaanitti nan farada*;
3isaan buufata mukaatiin
saba koo hirmaatanii,
ijoollee dhiiraa
dubartii wajjin gaalamootaniif
gatii kennanii,
ijoollee durbaa immoo
daadhii wayniitti gurguratanii
ittiin in dhugan*.#1 Er 29:14 2 2Sen 20:1-30 3 Naho 3:10
4<<Amma isin warri Xiirosii fi Sidoon warri kutaawwan biyya Filiisxiyaa keessa jirtan hundinuu maal ana irraa qabdu>> Wanta ani hojjedhe tokkoof ijaa ana baafachaa jirtuu ree>> Yoo ijaa ana baafattu ta'eef, ani hojii keessan dafee ariitiidhaan mataa keessanitti nan deebisa; 5egaa isin meetii koo fi warqee koo akkasumas mi'a koo isa gati-jabeessa fudhattanii mana mootummaa isa kan keessanii keessa in kaa'attan. 6Namoota Yihudaa fi namoota Yerusaalem biyyaa baaftanii fageessuuf jettanii warra Griikotaatti isaan in gurgurtan. 7Kunoo ani iddoo isin isaan itti gurgurattan sanaa isin irratti isaan nan kaasa, hojii keessanis mataa keessanitti nan deebisa; 8ani ijoollee dhiiraa keessanii fi ijoollee durbaa keessan namoota Yihudaatti nan gurgura, isaan immoo dabarsanii namoota Saabaatti biyya fagootti isaan in gurguratu>> jedhe; Waaqayyo kana dubbateera.
9Egaa saba lafa irraa waamaatii,
<<Lolaaf qophaa'aa!
Loltootas dammaqsaa!
Loltoonni hundinuu
as dhi'aatanii haa rukutan!
10Maarashaa keessan billaa isaa,
haamtuu keessanis eeboo isaa tumsiifadhaa!
Inni dadhabaanis,<<Ani jabaa dha!>> haa jedhu!
11Isin sabni lafa irraa hundinuu
iddoo hundumaatii walitti qabamaatii
dafaa as kottaa!>> jedhaa!
Yaa Waaqayyo ati immoo loltuu kee
gad ergi*!#9-11 Zak 12:3; Isa 2:4; Mik 4:3
12Sabni lafa irraa ka'anii
gara dachaa Yoshaafaax haa dhufan!
Ani immoo achi taa'ee
saba iddoo garaa garaatii dhufan
hundumaatti nan farada*;
13midhaanichi haamamuu ga'eera,
egaa haamtuu keessan fuudhaatii ka'aa!
Kottaa ija waynii sana irra ejjedhaa!
Akka iji waynii walitti qabamee
yommuu cuunfamu daadhiin isaa
qodaa itti cuunfamu
guutee irra dhangala'u,
hamminni isaaniis akkasuma
guddaa waan ta'eef isaan cuunfaa*!
14Guyyaan Waaqayyo, dachaa firdii keessatti
waa hojjetu waan dhi'aateef,
namoonni baay'een,
namoonni baay'ee danuun
dachaa sanatti in yaa'u*;
15aduunii fi ji'i in dukkanaa'u;
urjoonnis ifa isaanii hin kennan*.#12 Far 96:13; Mat 25:31-32 13 Isa 63:1-6; Mat 13:30,39; Mul 14:14-20 14 3:2 15 2:10,31
16Waaqayyo Xiyoon keessaa in qaqawweessa'a,
Yerusaalem keessaas
sagalee isaa in dhageessisa;
waaqnii fi lafti in raafamu,
Waaqayyo garuu saba isaa
ijoollee Israa'eliif
iddoo baqaa fi masaraa in ta'a*;
17kanaafis saba isaatiin,
<<Yommus ani Waaqayyo gooftaan keessan
Xiyoon tulluu koo isa qulqullaa'aa irra
akkan jiraadhu in beektu;
Yerusaalemis qullooftuu in taati;
sabni ormis deebi'ee
ishee hin qabatu*.#16 Zak 12:3; Amo 1:2 17 2:27; Far 76:2; His 34:30
18<<Guyyaa sanattis tulloonni
daadhii haaraa in coccobsu,
gaaronnis aannan in baasu;
laga Yihudaa hundumaa keessas
bishaan in yaa'a;
bishaan mana qulqullummaa
keessaa burqus
dachaa Shiixiim in obaasa*;
19sababii namoonni Gibxii fi
namoonni Edoom
namoota Yihudaa irratti humnaan ka'anii
biyya isaanii keessatti
dhiiga nama balleessaa hin qabnee dhangalaasaniif,
biyyi Gibxii in onti,
biyyi Edoomis ontee in barbadoofti*.
20Biyya Yihudaa keessa bara baraan,
Yerusaalem keessas
dhalootaa hamma dhalootaatti
namoonni in jiraatu;
21gumaa isan dur namoota Yihudaa fi
namoota Yerusaalemiif
hin baasin ture,
amma nan baasaaf;
kana booddee ani Waaqayyo
Xiyoon keessa nan jiraadha>> jedheera*.#18 Amo 9:13; Isa 30:23,25; His 47:1-12 19 Amo 1:11; Oba 10-11 20-21 Isa 60:15; 65:18; Zak 14:10-11
Currently Selected:
Macaafa Yo'el Raajichaa 3: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
