WANGEELA YOHANNIS 2

Cidha Qaanaatti Ta'e

1Guyyaa sadaffaatti immoo kutaa biyya Galiilaa mandara Qaanaatti cidhi tokko ture; haati Yesus achi turte*. 2Yesusii fi bartoonni isaas cidhichatti waamamanii turan. 3Daadhiin waynii duraa dhumnaan, haati isaa, ?Daadhii waynii hin qaban? jettee Yesusitti himte. 4Yesus immoo ?Haadhoo, maaliif hojii koo keessa lixa ree? Waa gochuuf yeroon koo amma illee hin geenye? jedhee deebise*. 5Haati isaa yommus warra achii ergamaniin, ?Waanuma inni isinitti himu godhaa!? jetteen.#1 4:46; 21:2 4 7:30; 8:20; Mat 12:48

6Warri Yihudootaas seera ittiin ofii isaanii, qodaa isaaniis qulleessan qabu turan; kanaafis gaanii dhagaa ja'a, tokkon tokkon isaa akka liitrii saddeettamaa hamma dhibbaa fi digdamaatti kan fudhatu achi in dhadhaabatu*. 7Yesus yommus jaraan, ?Bishaan gaanota kanatti guutaa!? jedhe; kanaaf isaan hamma afaaniitti guutan. 8Kana booddee Yesus, ?Buusaatii isa cidhicha geggeessutti geessaa!? isaaniin jedhe; isaan yommus itti geessan. 9Namichi bishaan isa daadhii ta'e sana miyeeffatee ilaale. Daadhichi eessaa akka ba'e, warra bishaan guure sanatu beeka malee namichi hin beeku ture. Yommus dhirsa misirroo ofitti waamee, 10?Silaa illee akka amala biyya kanaatti namni hundinuu daadhii waynii isa gaarii dura kennee, erga keessummoonni quufanii daadhii isa laafaa fida; ati garuu daadhii isa gaarii hamma ammaatti keesse?, ittiin jedhe.#6 Mar 7:3-4

11Yesus milikkita argisiise hundumaa keessaa isa jalqabaa kana Qaanaa Galiilaatti hojjete, ulfina isaa mul'ise, bartoonni isaas ittumaa isatti amanan*.#11 1:14; 12:37,41; 20:30

12Kana booddee Yesus haadha isaa, obboloota isaatii fi bartoota isaa wajjin gara mandara Qifirnaahomitti gad bu'e; garuu guyyaa baay'ee achi hin bubbulle*.#12 Mat 4:13; 13:55

Yesus Mana Qulqullummaa Keessaa Warra Bitee Gurguru Oofuu Isaa

(Mat 21:12-13; Mar 11:15-17; Luq 19:45-46)

13Ayyaanni Faasiikaa warra Yihudootaa geenyaan, Yesus gara Yerusaalemitti ol ba'e*. 14Mana qulqullummaa keessattis namoota iddoo sana taa'anii sangoota, hoolota, gugees gurguran, warra horii callaa gegeddaranis arge. 15Yommus inni quncee irraa qaccee dha'atee, hunduma isaanii hoolota isaanii fi sangoota isaanii wajjin gad isaan oofe; horii warra horii gegeddaranii in bittimse, gabatootas gad gara galche. 16Warra gugee gurguraniin immoo, ?Kana keessaa gad baafadhaa! Mana abbaa kootiis mana bitaa gurgurtaa hin godhinaa!? jedheen*. 17Yommus bartoonni isaa, ?Hinaaffaan mana keetii na guba? jedhamee isa caafame yaadatan*.#13 6:4; 11:55; Bau 12:1-27 16 Luq 2:49 17 Far 69:9

18Kana irratti Yihudoonni, ?Waan ittiin kana gochuu dandeessu mul'isuudhaaf, milikkita maalii nu argisiifta?? jedhanii isa gaafatan*. 19Yommus Yesus deebisee, ?Mana qulqullummaa kana jigsaa! Ani immoo guyyaa sadiitti deebisee isa nan dhaaba? isaaniin jedhe*. 20Yihudoonni immoo, ?Mana qulqullummaa kana ijaaruun isaa waggaa afurtamii ja'a fudhate, ati immoo guyyaa sadii keessatti deebiftee isa dhaabdaa ree?? jedhanii gaafatan. 21Yesus garuu waa'ee mana qulqullummaa yommuu dubbate waa'ee dhagna ofii isaa dubbachuu isaa ti*. 22Kanaaf bartoonni isaa, erga inni du'aa ka'ee booddee, waa'ee isa kanaaf dubbachuu isaa yaadatan; waan macaafni jedhe, dubbii Yesus dubbates in amanan*.#18 6:30; Mat 21:23 19 Mat 26:61; 27:40; Mar 14:58; 15:29; HoE 6:14 21 1Qor 6:19 22 12:16; 14:26; 20:9; Luq 24:8,26-27

Yesus Garaa Nama Hundumaa Beekuu Isaa

23Yeroo inni ayyaana Faasiikaaf Yerusaalem turetti, namoonni baay'een milikkita inni godhe arganii isatti in amanan*. 24Inni garuu namoota hundumaa gaarii godhee waan beekuuf, amanee isaanitti of hin dhiifne*. 25Inni ofii isaatii garaa namaa keessa kan jiru waan beekuuf, kan biraa dhufee waa'ee nama tokkoo isatti himuu hin barbaachifne.#23 7:31; 11:45-48 24 6:64

Currently Selected:

WANGEELA YOHANNIS 2: MacQul

Highlight

Copy