Macaafa Hose'a Raajichaa 4
4
Hadheeffamuu Israa'el
1Yaa namoota Israa'el,
biyyicha keessa amanamummaan,
jaalalli, Waaqayyoon beekuun
waan hin jirreef,
Waaqayyo warra biyyicha keessa jiraatanii wajjin dubbii qaba,
kanaaf dubbii Waaqayyoo dhaga'aa*!
2<<Kakatanii haaluun, ajjeesuun, hatuun, ejjuun,
humnaan nama irratti ka'uun,
dhiiga dhangalaasuun,
dhiiguma dhangalaasuu itti in dabala*.
3Kanaafis lafichi in boo'a,
warri laficha irra jiran hundinuu,
bineensonni daggalaa fi
simbirroonni qilleensa keessa
balali'an gad in dhumu,
qurxummiin galaanaa iyyuu
fudhatamanii in badu*.#1 2:4 2 7:1; Bau 20:13-16; Er 7:9 3 Er 12:4
Hadheeffamuu Lubootaa
4<<Namni dubbii hin kaasin,
namas hin ifatin!
Ani garuu sii wajjinan dubbii qaba, yaa lubichaa*!
5Ati guyyaadhaan in gufatta,
raajichis immoo halkaniin
sii wajjin in gufata;
biyya kee ishee haadha kee sana nan balleessa.
6Sabni koo karaa ittiin na beeku
waan dhabeef balleeffame;
ati ana beekuu tuffattee waan dhiifteef,
anis luba anaaf ta'uu kee tuffadheen si dhiise;
erga ati seera koo
seera Waaqayyo keetii irraanfatte,
anis immoo ilmaan kee nan irraanfadha*.#4 Er 5:4-5 6 Mil 2:8-9; Er 2:8; His 22:26
7<<Hammuma ofii baay'atan
na yakkuu isaaniis in baay'isan;
ani immoo ulfina isaanii
salphinatti nan geddara.
8Kennaa sabni koo
waa'ee cubbuu isaatiif dhi'eessu in nyaatu;
sabni akka yakkus
garaa guutuudhaan in hawwu*.
9Wanti saba sanatti dhufu
lubichattis in dhufa;
kanaaf ani adeemsa isaatiif
isa nan adaba,
hojii isaas mataa isaatti nan deebisa.
10Nyaachuu in nyaatu, garuu hin quufan;
ejja waaqayyolii tolfamoo in ejju,
garuu galanii ijoollee hin godhatan;
isaanoo ana Waaqayyoon dhiisaniiru,
dhimma koos hin qaban.#8 Lew 4:13-21,27-35
Waaqayyolii Tolfamoof Sagaduu Isaaniitiif Hadheeffamuu Sabaa
11<<Ejja waaqayyolii tolfamoof ejjuun,
daadhii waynii isa ba'aa,
isa hin ba'inis dhuguun,
yaada isaan keessaa fudhate.
12Sabni koo bifa muka irraa qiinqimame
deebii in gaafata, dhaabbanni isaas
akka isaa akka itti himuuf in eeggata;
yaadni ejjummaa isaanitti galee
isaan wallaalchise;
Waaqayyo jalaa ba'anii
ejja isaanii duukaa bu'an*.#12 Er 2:27
13<<Isaan bantii tullootaa irratti
qalma in qalu,
gaarota irrattis aarsaa in dhi'eessu;
kanas gaaddisi isaanii mararaa waan ta'eef,
muka hoomii, qilxuu fi dambii jalatti in hojjetu;
kanaafis intaloonni keessan in gaalamootu,
dubartoonni ilmaan keessaniis in ejju*.
14Warri dhiiraa ofii isaaniitii
ejjitootaa wajjin
gara tokkotti in goru,
dubartoota galma keessatti
ejjaaf qophaa'anii
taa'anii wajjinis qalma in qalu erga ta'ee,
isa intaloonni keessan gaalamootaniif,
isa dubartoonni ilmaan keessanii ejjaniifis
ani isaan hin adabu;
sabni wallaalaanis in balleeffama*.#13 Kes 4:2-3; Er 2:20; His 6:13 14 9:1-2; His 16:16; 1Mot 14:24
15<<Yaa Israa'el, ati
ejja akkasiitti yoo gorte iyyuu,
Yihudaan akka kee hin yakkin!
Giilgal iddoo sagadaa hin ga'inaa!
Bet'elitti [ishee<<Bet-Aween>>
kana jechuunis
<<Mana jal'inaa>> jedhamtetti]
ol hin ba'inaa,
<<Dhugaa Waaqayyo isa jiraataa>> jettaniis hin kakatinaa*!
16Israa'el akkuma goromsa didduu
gara-didaa erga ta'ee,
amma immoo Waaqayyo akka hoolotaatti
bakkee bal'aa keessa isa tiksaa ree>>
17Efreem
hidhata waaqayyolii tolfamanii ta'eera, itti dhiisaa!
18Gurguddoonni isaa warri gaachana baatan iyyuu
dhugaatiin isaanii erga dhumee, ejja isaaniitti in ka'u;
salphina kanas baay'isanii in jaallatu.
19Bubbeen akka waan qoochoo itti mareetti
isaan fuudhee in adeema;
sababii aarsaa isa
waaqayyolii isaaniitiif dhi'eessaniif in yeellaasifamu.#15 Amo 4:4-5; 5:5
Currently Selected:
Macaafa Hose'a Raajichaa 4: MacQul
Highlight
Share
Copy
Want to have your highlights saved across all your devices? Sign up or sign in
(C) The Bible Society of Ethiopia, 1997; OROMO LATIN BIBLE BSE-UBS 26M 2006.
