Macaafa Asteer 5

Gaaffii Asteer Mooticha Gaafatte

1Guyyaa sadaffaattis Asteer uffata mootummaa uffattee, kutaa mana mootichaa isa gara keessaa lixxee fuullee lafa mootichi taa'u in dhaabatte; mootichi immoo mana mootummaa isaa keessa teessoo isaa irra fuullee balbala manichaatiin in taa'a ture. 2Asteer mootittiin kutaa manichaa isa gara keessaa sana keessa utuu dhaabattuu mootichi yommuu arge, isheen isa biratti adda in argatte; mootichi siiqqee harka isaa keessa jiru isa warqee irraa hojjetame sana isheetti in qabe, isheenis itti dhi'aattee fiixee siiqqee sanaa in qabde*. 3Yommus mootichi,<<Yaa Asteer mootittii, maal siif godhu>> Maalis barbaadde>> Walakkaa mootummaa kootii iyyuu yoo ta'e siif in kennama>> jedheen*. 4Asteer immoo deebiftee,<<Yaa mootii, jaalala kee yoo ta'e, har'a nyaachisa ani siif qopheesse irratti Haamaanii wajjin anaaf argami!>> jette.#2 4:11 3 5:6; 7:2; 9:12; Mar 6:23

5Yommus mootichi,<<Wanta Asteer jette akka goonutti, Haamaanin ariitiidhaan waamaa!>> jedhe; mootichii fi Haamaan gara nyaachisa isa Asteer qopheessitee in dhaqan. 6Daadhii waynii utuu dhugaa jiranii mootichi,<<Wanti ati kadhattu maali>> Innoo siif in kennama; maalis barbaadda>> Walakkaa mootummaa kootii iyyuu yoo ta'e siif in kennama>> jedhee Asteerin in gaafate*. 7Kana booddee Asteer deebiftee,<<Kadhannaan kootii fi fedhi koo, kanatti fufee kan jiruu dha; 8yaa mootii, ani si duratti ayyaana argadhee, waanan kadhadhe anaaf kennuun, wantan barbaades anaaf raawwachuun jaalala kee yoo ta'e, atii fi Haamaan nyaachisa ani bor isiniif qopheessu irratti anaaf argamaa! Anis achi irratti gaaffii ati mootichi na gaafatteef deebii nan kenna>> jetteen.#6 5:3

Haamaan Mordekaayitti Guddisee Aaruu Isaa

9Gaafas Haamaan gammadee yaadni isaas itti tolee achii gad in ba'e; garuu Mordekaayin karra kellaa mootichaa duratti yommuu arge, waan inni isaaf hin ka'iniif yookiis sodaa isa hin argisiisiniif, Mordekaayitti aaree in boba'e. 10Haa ta'u iyyuu malee, Haamaan of qabee gara mana isaatiitti galee, firoota isaa fi haadha manaa isaa Zereshin ofitti in waamsise. 11Haamaan guddina qabeenya isaatii, baay'ina ilmaan isaatii, waan ittiin mootichi isa guddise hundumaa, attamittis gurguddoota biyyaa fi hojjetoota isaa gara irraa akka isa kaa'e isaanitti in baannate. 12Haamaan itti fufee,<<Kana duwwaas utuu hin ta'in, Asteer mootittiin, nyaachisa qopheessite irratti mootichaa wajjin ana duwwaa malee nama tokko iyyuu ol hin galchine; boris akkasuma mootichaa wajjin ani waamameera; 13garuu Mordekaayi Yihudicha isa karra kellaa mootichaa dura taa'u utuun arguu, kun hundinuu bu'aa anaaf hin qabu>> jedhe.

14Yommus Zeresh haati manaa isaa fi firoonni isaa hundinuu,<<Muka itti nama rarraasan kan dhundhuma shantama ol dheeratu hojjechiisi, Mordekaayin isatti rarraasuudhaaf bor mootichaa wajjin dubbadhu! Kana booddee gammachuudhaan mootichaa wajjin gara nyaachisa sanaa dhaquu in dandeessa>> jedhaniin; dubbiin isaa Haamaanin waan gammachiiseef, muka itti nama rarraasan sana in hojjechiise.

Currently Selected:

Macaafa Asteer 5: MacQul

Highlight

Copy